Padan na Imbaru

pdf.pdf

Padan na imbaru
na
hinatabatakkon
ni
Pandita P. Johannsen.
Biblische Geschichte Neuen Testamentes
(nach Zahn).
Ins Tobasche übersetzt
durch
P. Johannsen.
Vierte Auflage.
-----------------------—
Gütersloh, 1902.
Druck von 0. Bertelsmann,


Padan na imbaru.
§ 1. IDA HAMÜ MA, SAI NA TIBU DO AHU RO!
Hebr. 10, 1.
Sian mula ni tano on rasirasa nuaeng, sai burdju clo
rolia ni Debata patureturehon hadjolmaon; morragamragam do
dalanna dibahen Debata mangangkupi hadjolmaon, mandabu
adjar tu nasida; ai atik pe bali nasida sian porlak Eden,
dipabali Debata, ala ni na nilaosannasida patikna, dipaboa
do tu nasida barita na uli na sian anakna, na naeng leho-
nonna sogot gäbe anak ni djolma, asa dipasuang pinom-
parnasida tu porlak Eden na sumurung; ai dipalambas do
rohana mida nasida, dibahen godang ni asi ni rohana. Djadi
songon on ma didok Debata mandok uloh i, na paotootohon
Si Hawa dohot Si Adam: Bahenonku do porbadaanmu dohot
boruboru on ro di pinomparmu tu pomparanna, lisathonon
ni ma ulum, di na manurbingi tambihulna ho. Barita na
uli ondeng, na sumurung do, djala na lumobi, sai dipor-
hamaol roha ni ompunta do i. Sai na dipaboahon nasida
do i tu anakna be ro di pahompuna. Udju diripashon
Debata Djahowa na torop i, ala ni roa ni parangenasida,
andorang di ngolu ni Si Noah i, diingot Si Noak do mama-
ritahon bagabaga ni Debata, angka tu pomparanna, djala
didok do tu nasida: Sian pinompar ni Si Sem do haroroan
ni anak ni Debata, na pinadiri ni Debata gäbe tua di djolma.
1*


4 § 1. IDA HAMU MA, SAI NA TIBU DO AHU RO! Hebr. 10, 1.
Ai i do lapatan ni hatana na nidokna i tu angka anakna,
udju didok: Pinudji ma Debata ni halak Si Sem!
Dungi di laonlaon ni ari, dung morserak pomparan ni
Si Noak tu liat tano on, dihalupai nasida ma Debata; hira
na so adong be halak na mangoloi Debata Djahowa, alai
atik pe songon i, morasi do roha- ni Debata mida hadjolmaon,
dibahen i dipillit do sian pomparan ni Si Sem Si Abraham;
ba, didokkon ma ibana bungkas sian lambung ni angka do-
nganna samarga, dungi dipaboa ma tu ibana tahi ni rohana
taringot tu ibana dohot taringot tu pomparanna; ai naeng
do bahenon ni Debata pomparan ni Si Abraham gäbe tua ni
halak, na di liat portibion; ai ninna ma mandok Si Abraham :
Bungkas ma ho sian tano hagodanganmon, tadingkon angka
donganmu dohot bagas ni natorasmu, topot ma tano situdu-
hononku tu ho. Hupatorop pe ho djala hupasupasu, hubahen
pe goarmu morbarita, pasupasu do ho, djala pasupasuon
do sogot sasudena halak na mormargamarga morhitehitehon
ho. Dungi di laonlaon ni ari, dung mate Si Abraham,
diulakkon Debata ma paratahon bagabagana, na tu Si Abra-
ham i, tu anakna Si Isak dohot tu pahompuna Si Djakob,
djadi mansai las ma rohanasida be managam ari haroro ni
Sipangolu hadjolmaon. Janggo Si Djakob, di na laho mate
ibana, ditumpakkon do pasupasu tu anakna, na sampulu du a
i. Janggo hatana na tu Si Djuda i songon on do: Ho, ale
Djuda, hira anak ni singa do ho, tung na timbul do ho
hinorhon ni godang ni hamomonangmu. Ndang na meret
sian Si Djuda tungkot haradjaon, sai na di holangkolang ni
patna do poruhum, paema ro Si Silo [ulubalang bolon] porsi-
gantungan ni nasa hadjolmaon. Dungi sai managamnagam
nama roha ni halak sude, na morhamaolhon hata ni Debata,
di haroro ni Si Silo i, na mormargahon marga Djuda. Dungi
di laonlaon ni ari ro ma naposo ni Debata na morgoar Si
Musa manogihon pomparan ni Si Abraham sian tano Misir,
djala patolhashon patik ni Debata di dolok Sinai tu nasida,


§ 2. HOSIANNA DI ANAK NI RADJA DAUD!
5
na mormagahon Israel. Janggo Si Musa di na laho mate
ibana disurirangkon do pangalaho ni Si Silo i, na pinata-
gamtagam ni roha ni angka anak somang ni Debata; ai didok
do: Sai padirion ni Debata Djahowa do panurirang sada
songon ahu on, sian hamu angka na morhaha moranggi,
sitangihononmuna; lehononku do hatangku tu pamanganna.
§ 2. HOSIANNA Dl ANAK NI RADJA DAUD!
Dungi di laonlaon ni ari, andorang halak Israel ginom-
goman ni anak ni Si Djese, na morgoar Si Daud, na mor-
margahon marga Djuda, na sian pomparan ni Si Abraham i,
diulahi Debata ma muse paratahon hata bagabagana tu radja
Daud, na nidokna na djolo, na tu Si Abraham i; alai atik
pe songon i djotdjot dipaingot Debata tu halak haroro ni
Sipangolu isi ni portibion, hira na so djotdjot do, dibahen
tois ni roha ni halak. Songon on ma didok Debata mandok
radja Daud udju ditahi roha ni radja i mambahen bagas
djoro ni Debata: Indang ho sibahen bagas djoro tu Ahu;
alai anggo dung suda bohalmu, dung sahat ho modom di
lambung ni angka ompum, patubuonku do sahalak pompa-
ranmu mambahen bagas djoro di goarhu, hupahot pe hara-
djaonna [i, djala hupatongtong pe habangsa haradjaonna i
salelenglelengna, djala ahu ma Amana, anakku ma Ibana.
Dungi olat ni ma didatdati radja Daud rap dohot angka
porendena na badia i mangendeendehon haroro ni Radja i,
na ginoarnasida Anak ni radja Daud. Dungi ro ma muse
angka panurirang, dung mate radja Daud, mangkatahon haroro
ni Radja i, na pinorbagabaga ni Debata. Janggo panurirang
Djesaias nunga pola diida di bagasan rohana naung tubu
Radja i; ai ninna ma di surirangna: Nunga binsar mata ni
ari tu hita, nunga dilehon tu hita anak sada, na mamboanhon
haradjaonna; sipalongang do goarna, djala sipangalapan roha,


6
§ 2, HOSIANNA DI ANAK NI RADJA DAUD!
djala sihagogoon, djala sihaulubalangon, djala siporamaon
salelenglelengna, djala Radja damedame, asa timbul harara-
djana djala tongtong damedame. Dungi ro ma panurirang
Si Mika, disurirangi huta hatubuan ni na balga i, anak ni
radja Daud i, ninna ma: Ja ho, huta Betlehem Eporata, atik
pe ma metmethu ho tumimbangkon angka na morriburibu,
na di tano Djudea i, sian ho do haroro ni Radja i, na so
mormulamula, na ro sian sisomormula, na gäbe Radja ni
halak Israel« Dungi ro ma panurirang Djeremias, didok ma
goar ni Radja i: Tuhan porpintoranta. Dungi ro ma panu-
rirang Hesekiel, didok ma goar ni Radja i: Pormahan na so
hatudosan. Dungi ro ma Si Daniel disurirangkon ma hato-
tongtong ni haradjaon ni Radja i. Janggo Si Sakarias, disu-
rirangkon do haroro ni Radja i mangkunduli halode manopot
huta Djerusalem. Dungi ro ma hata ni Si Haggai, ninna
ma: Saotiknari nama, asa ro apulapul tu saluhutna halak
porbegu.
Dungi arga opatratus taon patudjolo ni Radja i ro ma
panurirang Si Maleaki, disurirangkon ma langkalangka ni
Si Djohannes pandidi pangalumba ni Radja i, ninna ma:
Husuru pe suruanku sipature dalan di djolongku. Dungi
ninna muse ma: Na ro ne ma manopot bagas djorona
Tuhan i, na niluluan ni rohamuna, surusuruan sibahen padan
i, na sinangkap ni rohamuna. Ba, angkup ni: Mansai
godang dope nian hata ni angka panurirang i taringot tu
Sipangolu djolma; alai ndang sadihari padjodjorhon sude na
nidok ni angka panurirang i; alai pamusatan ni hatanasida
saluhutna tu halak Israel, on do: Tole ma hamuna gäbe
porsinondang; ai na ro ma panondangmuna na binsar ma
hasangapon ni Tuhan Djahowa di gindjangmuna.


§ 3. SI SAKARIAS DOHOT SI ELISABET. Luk. 1, 5-25. 7
§ 3. SI SAKARIAS DOHOT SI ELISABET.
Luk. 1, 5—25.
Asa udju digomgomi radja Herodes tano Djudea, adong
ma sada halak malimmalim, na morgoar Si Sakaris, Si
Elisabet do goar ni djolmana, na burdju do rohanasida na
dua i dompak Debata, ndang dung hasurahan nasida mor-
parangehon patik saluhutna, na sian Debata; alai nunga
matua ne nasida laos soadadong anakna. Dungi udju diula
Si Sakarias hamalimonna i di bagas djoro, di djolo ni Debata,
djumpang ma gansina mordaupahon, na nidokkon ni Debata;
dibahen i bongot ma ibana tu bagasan bagas djoro i, tading
ma anggo na torop i di balian, dungi mortangiang ma ibana
di na mordaupai, djadi diida ma surusuruan ni Debata
djongdjong di siamun ni pordaupaan i, djadi tarsonggot ma
ibana djala mabiar. Dungi dipangkulingi surusuruan ni
Debata ma ibana, didok ma mandok ibana: Unang ho mabiar
ale Sakarias, ai nunga ditangihon Debata tangiangmu. Ipe
na gabegabean ne ma djolmam, Si Elisabet i, na tubu ma
anakmu sada, bahen ma goarna Si Djohannes. Las ma roham
mornida djala lomolomo, halak pe lan do na morlas ni roha
mida hatutubuna; ai na sangap do ibana sogot di djolo ni
Debata, porsubangkononna do tuak anggur dohot siinumon
na mambahen mabuk, di bortian dope ibana nunga disonggopi
Tondi Porbadia, paulakkononna do torop anak ni Israel tu
Tuhan Djahowa, Debatanasida. Ibana do pungalumba ni na
pinorbagabaga ni Debata, na morrohahon tondi dohot gogo
ni Si Elias paulakkon angka amaama morrohahon roha ni
dakdanak djala paulakkon roha ni angka na so porsea morro-
hahon bisuk ni angka porroha na tigor dohot na paturehon
di Radja i sahaum naung rose.
Dungi ninna Si Sakarias ma mangalusi hata ni suru-
suruan ni Debata: Dia ma tanda ni na nidokmi? Ai nunga
pola matua ahu, djolmangku pe nunga matua. Dungi ro ma


8 § 4. SI MARIA DOHOT DJAGABARIEL. Luk. 1, 26-38.
alus ni surusuruan ni Debata tu ibana: Djagabariel do ahuT
na tongtong djongdjong di djolo ni Debata; Ibana do mor-
suru ahu paboahon i tu ho. Onpe ngungu ma ho, paema
ro ari hamamasa ni na hudoh i di ho, ala ni na so porsea
ho di hatangku na sintong i. Dungi ngolngolan ma roha
ni na torop i di balian paemaemahon Si Sakarias i, longang
ma roha nasida, ala leleng ibana di bagasan bagas djoro i-
Dungi di na laho ruar ibana ndang be diboto mangkuling.
Djadi dialamat roha ni halak ma, nunga adong diida Si
Sakarias di bagasan bagas djoro i. Janggo Si Sakarias, tan-
ganna nama dibahen mandok sidohononna, ai nunga ma-
ngungu ibana. Dungi dung sae gansina i mulak ma ibana
tu djabuna.
§ 4. SI MARIA DOHOT DJAGABARIEL.
Luk. 1, 26—38.
Dungi salpu ma onom bulan, disuru Debata ma Djaga-
bariel tu tano Galilea tu lumban Nasaret manopot boruboru
na so habubuhan, na morgoar Si Maria, oroan ni pomparan
ni radja Daud, na morgoar Si Djosep. Asa dung sahat ro
disi Djagabariel i; didok ma mandok Si Maria: Santabi di
ho, na niasian, na nidonganan ni Debata do ho, na sumu-
rung do pasupasu tu ho sian tu nasa boruboru. Djadi dung
dibege Si Maria hatana i, tarsonggot ma rohana; dia do
ulaning lapatan ni na nidokna i? ninna rohana di bagasan.
Dungi didok surusuruan ni Debata ma mandok ibana: Unang
ho mabiar, ale Maria; na asi do roha ni Debata di ho!
Gabegabean ne ma ho; na tubu ma anakmu sada, bahen
ma goarna Djesus, na sangap ma Ibana sogot, botoon ni
halak do sogot mandok Ibana anak ni Debata, lehonon ni
Debata ma di Ibana habangsa haradjaon ni ompuna i, na
morgoar radja Daud, radjaanna ma pomparan ni Si Djakob


§ 4. SI MARIA DOHOT DJAGABARIEL. Luk. 1, 26-38.


10 § 5. SI MARIA DOHOT SI ELISABET. Luk. 1, 37-56.
saleleng ni lelengna; haradjaon na tongtong do na di Ibana.
Dungi ninna Si Maria ma mandok surusuruan ni Debata:
Songon dia do pangalaho ni? Dungi didok surusuruan ni
Debata ma mangalusi: Linggoman ni Tondi ni Debata ma
ho, dibahen i, morgoar anak ni Debata do na badia i, na
tubu di ho. Ja alealem Si Elisabet i, atik pe nunga matua
ibana, nunga onom bulan ibana gabegabean, ai ndang adong
na so tarpatupa Debata! Dungi didok Si Maria ma: An-
tong naposo ni Debata do ahu, sai saut ma tu ahu na ni-
dokmi. Dungi ditadingkon surusuruan ni Debata ma ibana.
Dungi di laonlaon ni ari ditopot surusuruan ni Debata ma
Si Djosep, di na mornipi ibana, ninna ma: Ale Djosep,
unang ganggu roham, di oroanmu, Si Maria i, ai sian Debata
do i, na tubu di ibana, bahen ma goarna Djesus, ai paluaonna
do ginomgomanna sian dosana be.
§ 5. SI MARIA DOHOT SI ELISABET.
Luk. 1, 37-56.
Dungi laho ma Si Maria tu dolok, tu huta Djuda, ma-
nopot alealena Si Elisabet, djolma ni Si Sakarias i. Dungi
di na masipasauran dame Si Maria dohot Si Elisabet i,
songgop ma Tondi Porbadia tu Si Elisabet, djadi didok ma
mandok Si Maria: Sumurung do di ho pasupasu ni Debata,
sian tu nasa boruboru! Dia do dalanna, umbahen na ro
manopot ahu ina ni Tuhanku? Tung na mortua do ho ala
na porseai ho; ai sai na sahat do na nidok ni Debata tu
ho. Dungi didok Si Maria ma: Dipasangap tondingku do
Djahowa; na las situtu do rohangku di Debata, siportuaho-
nonku, ai nunga diida haetehon ni naposona on. Porhatuaon
ni nasa anak ni djolma ma ahu tu djoloanon, ai na sumu-
rung do tu ahu angka pambahen ni porgogo na so hatudosani,
porgoar na badia; sai tongtong do asi ni rohana mida angka


§ 6. HATUTUBU NI SI DJOHANNES. Luk. 1, 57-80. H
na mangkabiari Ibana; gogo ni tanganna do dipangke,
dipaserakkon do angka porroha na djungkat, ditunggalingkon
do sian hundulan angka na sangap, dipabangkit do angka
na metmet, dipaduma do angka na haleonon, lumang do
angka namora dibahen; diingot do asi ni rohana, dipahehe
do naposona Si Israel i, songon na pinorbagabagana i tu
ompunta, Si Abraham dohot tu pomparanna salelenglelengna.
Dungi dung adong arga tolu bulan Si Maria di bagas ni Si
Elisabet i mulak ma ibana.
§ 6. HATUTUBU NI SI »JOHANNES.
Luk. 1, 57—80.
Dungi tubuan anak ma Si Elisabet di tingkina i. Djadi
las ma roha ni angka hombar bagasna dohot angka alealena,
dung dibege naung morasi ni roha Debata di Si Elisabet i.
Dungi di ari paualuhon i, ro ma angka nasida sumunathon
posoposo i dohot mambahen goarna, mambuat goar ni amana
Si Sakarias ma nian; alai didok inana i ma: Indang i goarna
bahenon, ingkon Si Djohannes do goarna. Dungi ninna angka
nasida ma: Ise donganmuna, manang tondongmuna na ringkot
roha di goar sisongon i. Dungi dihilap nasida ma Si Saka-
rias i, asa dibahen di tubuna i goar lomo ni rohana. Dungi
disuru Si Sakarias ma mangalap panuratan. Dungi disurathon
Si Sakarias ma goar ni anakna i, huhut ma didok: Si Djo-
hannes ma goarna; djadi longang ma nasida saluhutna. Dungi
nunga mungkap pamangan ni Si Sakarias djala harhar dohot
dilana, djadi mamudji Debata ma ibana. Dungi tarsonggot
ma roha ni nasa isi ni hombar bagasnasida; dohot saluhut
halak isi ni dolok Djudea i, dung dibege na masa di bagas
ni Si Sakarias i; djadi nasa na umbege barita i pabongothon
tu rohana djala didok be ma mandok donganna: Na dia do
ulaning udjung ni dakdanah i? Ai tangan ni Debata do


12 § 7. HATUTUBU NI TUHAN D JESUS. Luk. 2, 1-20.
mandongani ibana. Dungi songgop ma Tondi Porbadia tu
Si Sakarias djadi manurirang ma ibana, ninna ma: Pinudji
ma Djahowa, Debata ni balak Israel; ai ditopot do na ni-
radjaana djala dipalua. Dipatindang do di hita on tanduk
portuaan di bagas ni naposona, Si Daud; songon na nidokna
i nahinan morhite sian hata ni panurirang angka, na badia
i, paboa na ingot rohana di padanna, na badia i dohot di
uarina na niuarihonna i di ompunta Si Abraham i. Janggo
ho ale anahä na targoar do ho sogot panurirang ni na timbo
sahali; ai patudjolo ni Tuhan do ho, paturehon dalanna
dohot pabotohon tu na niradjaanna i tua na hinorhon ni
hasesesa ni dosanasida, dibahen asi ni roha ni Debatanta i,
hite ni na binsar na sian banua gindjang manopot hita, asa
dipataridahon Ibana tu halak angka na hundul di na holom
i dohot na moringanan di na nilinggoman ni hamatean djala
asa dipature pangalangkanta i tu dalan pordamean. Dungi
lam magodang ma dakdanah i, lam gogo ma dohot tondina;
sai di porhorsihan do ibana moringanan paema ro tingkina
palumbahon halak Israel.
§ 7. HATUTUBU NI TUHAN DJESUS.
Luk. 2, 1—20.
Dungi andorang Si Kirenius panguhum di tano Siria,
ro ma tona ni Kesar Augustus tu halak liat portibion man-
dokkon: Masitopot bona ni pinasana be, asa dibilang. Indang
dung dope masa na songon i, na mamungka sahali on dope.
Dungi laho ma halak sude masitopot huta ni ompuna, djadi
dohot ma Si Djosep, na sian huta Nasaret, na di luat Gali-
lea i laho manopot huta Betlehem, na di tano Djudea, rap
dohot Si Maria, dibahen na sian pinompar ni radja Daud
do nasida, asa dibilang. Janggo Si Maria, nunga gabegabean
sian Tondi Porbadia. Asa dung sahat nasida ro di huta


§ 7. HATUTUBU NI TUHAH DJESUS. Luk. 2, 1-20. 13


14 § 7. HATUTUBU NI TUHAN DJESUS. Luk. 2, 1-20.
Betlehem i, sanga ma di hasasangana, tubu ma anakna i,
dungi diborhos ma tu abit, dungi dipeakkon ma tu panggagatan
ni pinahan; ai na so siat do nasida tu djabu ni halak. Dungi
adong ma angka pormahan, na morborngin di ladang ma-
ngingani pinormahanna. Dungi ro ma surusuruan ni Debata
manopot nasida, djadi mansai mabiar ma nasida, disondangi
sinondang ni Debata. Dungi didok surusuruan ni Debata
ma mandok nasida: Unang hamu mabiar, ai godang do
halalas ni roha do sibaritahononku tu hamu on, sibotoon ni
nasa isi ni liat portibion do i sogot, ai nunga tubu Sipangolu
hamu, na morgoar Kristus, Tuhan, na mangaradjai huta ni
Si Daud. On ma portinandaänmuna: Dapotonmuna ma anah
i, na binorhos di ulos, peak di panggagatan ni pinahan. Dungi
di na satongkini, mansai torop ma parangan, na sian banua
gindjang i, mandongani surusuruan ni Debata, mamudji
Debata laho mulak tu banua gindjang; angka ninna ma:
Hasangapon ma di Debata na di banua gindjang, damedame
ma di tano on, halalas ni roha ma di hadjolmaon!
Asa dung laho angka surusuruan ni Debata mulak tu
banua gindjang, masipandohan ma angka pormahan i: Beta
ma hita tu huta Betlehem, asa taida na pinaboa ni Debata,
na tu hita! Dungi hatop ma nasida laho tu huta Betlehem i
djadi didapot nasida ma tutu disi Si Maria dohot Si Djosep,
ba, peak ma tutu posoposo i di panggagatan ni pinahan i.
Asa dung diida nasida laho ma nasida sumunguthon hata i,
na pinaboa ni Debata tu nasida, taringot tu dakdanah i.
Djadi longang ma roha ni halak saluhutna, na umbege na
sinunguthon ni angka pormahan i, alai anggo Si Maria,
dipeop rohana do hata i saluhutna, djala dipahusorhusor di
bagasan rohana. Janggo angka pormahan i, sai dipangka-
tahatahon nasida do sangap ni Debata djala dipapudjipudji
laho muli dibahen na niida nasida dohot na binege nasida,
na pinaboa ni Debata.


§ 8. TUHAN DJESUS DI BAGAS DJORO. Luk. 2, 21-40. 15
§ 8. TUHAN DJESUS DI BAGAS DJORO.
Luk. 2, 21—40.
Asa dung sanga ualu ari, dung tubu Tuhan Djesus,
tarsunat ma Ibana; dungi dibahen ma goarna; Djesus,
songon na nidok ni surusuruan ni Debata, andorang di bor-
tian dope Ibana. Alai dung salpu onom minggu dung tubu
posoposo i, diboan Si Djosep dohot Si Maria ma Ibana tu
bagas djoro na di huta Djerusalem pasahathon posoposo i tu
Debata dohot mamelehon darapati dua manang anak ni
darapati dua, pelean ni Debata. Djadi adong ma udju i
sada halak di huta Djerusalem na morgoar Si Simeon, por-
roha na tigor do ibana, djala burdju rohana dompak Debata;
na paemaemahon do ibana di haroro ni apulapul na tu halak
Israel; ai Tondi Porbadia i na moringan di bagasan rohana
paboahon tu ibana: Na so tupa mate ibana, molo so djolo
diida Sipangolu ni halak. Dungi ro ma ibana tu bagas djoro
didasdas Tondi Porbadia. Asa dung sahat Si Djosep dohot
Si Maria, na mamboan posoposo i, ro di bagas djoro, ro ma
Si Simeon mangabingi posoposo i, huhut ma dipudji Debata,
ninna ma: Ale Tuhan nunga sonang roha ni naposomon
laho mate songon na nidokmi; ai nunga diida matangku
Sipangolu na sian Ho i, na pinadirirn tu halak saluhutna,
bahen panondang, sumondangi halak porbegu dohot bahen
hasangapon ni porripem, halak Israel i. Dungi longang
ma roha ni Si Djosep dohot Si Maria i umbege hata na ni-
dokna i, taringot tu posoposo i. Dungi dipasupasu Si Simeon
ma nasida, didok ma mandok Si Maria, natoras ni posoposo i:
Ida ma, na pinatindang do on bahen portinggangan dohot
bahen porhehean ni na torop sian halak Israel dohot bahen
tandatanda pinaaloalo ni halak. Dungi torushonon ni podang
do sogot roham, asa patar porrohaon ni na lan halak. Dungi
adong ma boruboru panurirang sada halak na matua, na
morumur 84 taon, na morgoar Si Hanna, boru ni halak Si


16 § 8. TUHAN DJESUS DI BAGAS DJORO. Luk. 2, 21-40.


§ 9. ANGKA PORROHA NA SIAN PURBA. Matt. 2, 1 — 12. 17
Panuel, na mormargahon marga Asser, na mabalu do Si
Hanna i, dung morbagas pitu taon; dungi ndang be olo ibana
meret sian bagas djoro i, sai diingani do disi, na morpuaso
do ibana dohot mortangiang mangoloi Debata arian dohot
borngin. Djadi ro ma udju i Si Hanna mamudji Debata do-
hot tumurasihon posoposo i tu halak isi ni huta Djerusalem,
angka na paemaema haroro ni haluaon ni halak Israel.
Dungi dung sun diula Si Djosep dohot Si Maria ulaon
na pinatik ni Debata, mulak ma nasida tu huta Nasaret, na
di luat Galilea i. Dungi lam bisuk ma roha ni posoposo i
lam magodang ma dohot dagingna djala lam hasian ni Debata
do Ibana dohot hasian ni halak.
§ 9. ANGKA PORROHA NA SIAN PURBA.
Matt. 2, 1—12.
Dungi tung tubu Tuhan Djesus di huta Betlehem, na di
luat Djudea i, andorang Si Herodes mangaradjai tano i, ro ma
halak angka porroha sian purba tu huta Djerusalem, dungi
didok ma: Didia do Radja na imbaru tubu i, Radja ni halak
Israel? ai huida hami do bintangna di luatnami, dibahen i
umbahen na ro hami morsomba tu Ibana. Djadi dung
dibege radja Herodes hatanasida, tarsonggot ma ibana rap
dohot roha ni saluhut isi ni Djerusalem. Dungi dipapungu
radja Herodes ma angka sintua ni malim dohot angka siboto
surat manungkun huta hatubuan ni Radja i, na morgoar
Kristus, tu nasida. Dungi didok nasida ma mandok ibana:
Di huta Betlehem do, na di tano Djudea i; ai songon on do
didok panurirang Si Mika: Ja ho huta Betlehem, na di tano
Djudea, atik pe ma metmethu ho tumimbangkon angka na
morriburibu, na di tano Djudea i, sian ho do haroro ni na
so mormulamula, na ro sian na so mormula, na gäbe Radja
ni halak Jsrael. Dungi morsibuni ma radja Herodes mandjou
2


18 § 9. ANGKA PORROHA NA SIAN PURBA. Matt. 2, 1-12.


§ 10. HAMAMATE NI DAKDANAK ENZ. Matt. 2, 13-23. 19
angka porroha i tu lambungna, mangguruhon sian nasida
leleng ni bintang i, dung tarida. Dungi didokkon ma nasida
tu huta Betlehem, ninna ma: Laho ma hamu, haringgashon
hamu ma mangalului posoposo i, ia dung djumpang hamu,
ro ma hamu paboahon tu ahu, asa ro ahu morsomba tu
Ibana. Djadi dung dibege nasida hata ni radja i, laho ma
nasida tu huta Betlehem; djadi diida nasida ma muse bin-
tang i, na tinatapnasida na djolo, udju na di luatnasida;
dungi sai di djolonasida nama bintang i, paema tingkos di
gindjang ni bagas inganan ni Si Djosep dohot Si Maria;
djadi mansai las ma rohana be, dung diida nasida bintang i.
Dungi dibongoti nasida ma bagas i, didapot ma disi poso-
poso i rap dohot inana, na morgoar Si Maria. Dungi ma-
nungkap be ma nasida morsomba tu posoposo i. Dungi diung-
kapi be ma porugasananna, dilehon ma sere dohot hamindjon
dohot gota ni hau, angka na angur i, bahen porsombanasida
tu posoposo i. Dungi dipaipihon Debata ma hata tu nasida,
asa unang be sian radja Herodes nasida laho mulak, djadi
sian dalan na asing nama nasida laho muli tu luatna.
§ 10. HAMAMATE NI DAKDANAK ANGKA NA Di
HUTA BETLEHEM.
Matt. 2, 13—23.
Dungi dung muli angka porroha na sian habinsaran i,
ro ma surusuruan ni Debata manopot Si Djosep, di na
mornipi ibana, didok ma mandok ibana: Hehe ma ho, boan
ma posoposo i dohot inana, laho ma hamu maporus tu tano
Misir; sai disi ma hamu paema ro ahu mandokkon mulak;
ai na naeng do bunuon ni Si Herodes posoposo i. Dungi hehe
ma Si Djosep di na saborngin i, diboan ma posoposo i dohot
Si Maria, diluahon ma tu tano Misir; djadi sai disi nama
nasida paema mate Si Herodes. Djadi disi ma djumpang
2*


20 § 11 TUHAN DJESUS LAHO TU HUTA ENZ. Luk. 2, 41-52
na sinurirangkon ni panurirang i, namandok: Na hudjou do
annakki sian tano Misir. Dungi di laonlaon ni ari, dung
diboto radja Herodes naung dipaotooto angka porroha, na
sian habinsaran i ibana, tarrimas ma rohana, dungi disuru
ma suruanna, angka tu huta Betlehem i, dohot tu ladang
na humaliang huta i, mamunu nasa dakdanak na so salpu
dua taon dung tubu, morguru tu leleng ni bintang na niida
ni angka porroha i, na pinamanat ni radja i. Dungi dung-
mate radja Herodes i, ro ma muse surusuruan ni Debata tu
Si Djosep, na di tano Misir i, di na mornipi ibana, didok
ma mandok Si Djosep: Hehe ma ho, boan ma dakdanah i
dohot inana i tu tano ni halak Israel; ai nunga mate angka
na naeng mamunu dakdanah i. Dungi hehe ma Si Djosep,
diboan ma Si Maria dohot dakdanah i mulak tu tano Israel;
djadi moringanan ma nasida di huta Nasaret.
§ 11. TUHAN DJESUS LAHO TU HUTA DJERUSALEM
RAP DOHOT NATORASNA.
Luk. 2, 41—52.
Janggo natoras ni Tuhan Djesus sahali sataon do nasida
morarirea Paska [porhontasan] tu huta Djerusalem. Djadi
dung morumur Tuhan Djesus sampulu dua taon, laho ma
muse Si Djosep dohot Si Maria rap dohot Tuhan Djesus
tu huta Djerusulem morarirea porhontasan i (Paska) mor-
ningot hasomalannasida. Dungi dung salpu arirea i mulak
ma Si Djosep dohot Si Maria tu hutanasida, djadi tading
ma Tuhan Djesus di huta Djerusalem, alai ndang diboto
nasida; ai dirimpu do naung djumolo Ibana muli rap dohot
angka dongan dohot tondong; pola sadari dihalodjahon ma-
ngalului; djadi dung so dapotsa, diulahi nasida ma muse tu
huta Djerusalem mangalului Dungi dung dilului nasida Ibana
arga tolu ari, djumpang nasida ma Ibana di bagas djoro


§11. TUHAN DJESUS LAHO TU HUTA ENZ. Luk. 2, 41—52. 21


22 § 12. SI DJOHANNES PANDIDI DI PORHORSIHAN.
hundulhundul di holangkolang ni angka guru ni halak Israel
mananginangihon hata dohot manungkunnungkun nasida;
djadi mansai longang ma roha ni halak sude, na umbege
alus ni Tuhan Djesus dohot malona morroha. Dungi dung
diida natorasna i Ibana tarsonggot ma rohanasida; djadi
didok inana i ma mandok Ibana: Ale anahä, beasa tung
songon i bahenon ni damalig tu hami ? nunga pola tolu ari
bernit huahap hami mangalului Ho! Dungi ro ma hata ni
Tuhan Djesus: Beasa pola mangalului hamu di Ahu, ndang
diboto hamu, di bagas ni Damang i Ahu? Alai ndang dapot
rohanasida hata na nidokna i tu nasida. Dungi diihuthon
Tuhan Djesus ma nasida muli tu huta Nasaret. Dungi sai
tongtong do ringgas rohana mangoloi nasida. Alai sai
dipaingotingot roha ni inana do hatana i. Dungi lam morroha
ma Tuhan Djesus djala lam magodang, djadi lam hasian ni
Debata ma Ibana dohot hasian ni djolma.
§ 12. SI DJOHANNES PANDIDI DI PORHORSIHAN.
Matt. 3, 1—12. Mark. 1, 1—8. Luk. 3, 1—18.
Asa dung adong sintap sampulu lima taon leleng ni
haradjaon ni radja Tiberius, udju digomgom Si Latus luat
Djudea, Si Herodes luat Galilea, Si Pilippus, dongan sabutuha
ni Si Herodes ondeng, luat Iturea dohot luat Taragonitis, di
na Si Hannas dohot Si Kaipas sintua ni malimmalim i; ro
ma hata ni Debata tu Si Djohannes anak ni Si Sakarias i,
na moringanan di porhorsihan. Dungi ditopot Si Djohannes
ma nasa luat na di lambung ni aek Djordan i mamaritahon
pandidion, sidokkon paubahon roha, laho pasesahon dosa.
Songon on ma didok Si Djohannes: Pauba hamu ma roha-
muna, ai nunga djonok haradjaon ni Debata! Songon na
nidok ni surat ni panurirang Djesaias, na mandok: Adong
soara ni porbarita di porhorsihan: Pature ma dalan di Tuhan,


Matt. 3, 1 — 12. Mark, 1, 1—8. Luk. 3, 1-18. 23
patigor ma angka dalanna, sai idaon ni nasa na mordaging
do Sipangolu i, na ro sian Debata. Dungi ro be ma halak
saluhutna isi ni tano Djudea dohot isi ni Djerusalem manda-
pothon ibana, manopoti dosanasida, asa dididi Si Djohannes
nasida. Janggo ulos ni Si Djohannes i obuk ni unto do,
hulingkuling do hohosna, sihapor dohot situak ni loba pa-
nganonna. Djadi dung diida Si Djohannes i torop halak
parise dohot halak saduse ro manopot pandidionna i, ninna
ma mandok nasida: E, hamu pinompar ni ulok! Ise do na
mandok tu hamu tarbahen hamu maporus so hona rimas na
ro sogot? Sai porbuehon hamu ma na tau porbuehonon ni
roha naung muba. Unang tumahi hamu mandok di bagasan
rohamu songon on: Si Abraham do amanami! Ai hudok ma
di hamu: Tardjadi Debata do anak di Si Abraham angka
sian batu on. Nunga peak nuaeng tangke di daling ni
angka hau i; ai sitabaon do nasa hau na so morporbuehon
porbue na denggan djala sibahenon do i tu api. Dungi
disungkun situan na torop ma ibana angka ninna ma: An-
tong dia na ma sibahenonnami ? Dungi didok Si Djohannes
ma: Manang ise na morbadjubadju dua, dilehon ma sada tu
na so morbadjubadju; na umpeop sipanganon songon i ma
dibahen. Dungi ro ma dohot angka halak sidjalo beo mano-
pot Si Djohannes, asa dididi, angka ninna ma mandok ibana:
Ale guru! Aha na ma sibahenonnami. Dungi ro ma alus
ni Si Djohannes: Unang gumodang beo pangido hamu sian
na nidok ni patik. Dungi ro ma angka parangan manise
sibahenonnasida; djadi didok Si Djohannes ma mandok nasida:
Unang bahen hamu gogo dohot na so hombar manang tu
ise, sai paso hamu ma rohamu di gadjimu (upamu). Dungi
dirimpu halak ma ibana Kristus, dibahen i ninna ma mandok
nasida: Janggo ahu, aek do hudidihon tu hamu mandokkon
paubahon roha, alai anggo na ro sian pudingku, na gumogo
do sian ahu, na hurang sangap do ahu mangkarhari tali ni
sipatuna, didihonon ni do Tondi Porbadia dohot api tu hamu.


24 § 12. SI DJOHANNES PANDIDI DI PORHORSIHAN.
Di tanganna do siuksiuk pamurpur, sapuonna do porde-
geanna i, djala papunguonna do emena i tu sopona, dungi
tutungonna ma hurangkamna i tu api na so ra mintop.
Dungi lan dope hata na asing diturasihon Si Djohannes tu
situan na torop.


§ 14. TUHAN DJESUS DI PANGUNDJUNAN. Matt. 4,1—11. 25
§ 13. DIDIDI SI DJOHANNES DO TUHAN DJESUS.
Matt. 3, 13—17. Mark. 1, 9—13. Luk. 3.
Dungi ro ma Tuhan Djesus udju i sian tano Galilea tu
lambung ni aek Djordan manopot Si Djohannes asa dididi;
alai didjua Si Djohannes do, ninna ma mandok Ibana: Tu-
mama ma ahu dididi Ho, hape Ho ro tu ahu? Dungi didok
Tuhan Djesus ma mangalusi: Songon i ma djolo, ai tama
do itaulahon nasa hatigoran. Dungi dioloi Si Djohannes ma.
Djadi dung sun dididi Si Djohannes Tuhan Djesus, hehe ma
Tuhan Djesus sian aeh i huhut ma mortangiang, djadi mung-
kap ma langit di atas ni uluna. Dungi diida Si Djohannes
ma tuat Tondi Porbadia na mangarupahon rupa ni darapati
na laho songgop tu Ibana, dungi tarbege ma soara sian
banua gindjang na mandok: On do anak hasianku, haho-
longan ni rohangku!
§ 14. TUHAN DJESUS DI PANGUNDJUNAN.
Matt. 4, 1—11.
Dungi ditogihon Tondi Porbadia i ma Tuhan Djesus tu
porhorsihan, asa diundjuni Sibolis Ibana. Djadi dung adong
Ibana morpuaso 40 ari 40 borngin, male ma butuhana. Dungi
ro ma sipangundjuni, ninna ma mandok Tuhan Djesus:
Molo anak ni Debata Ho, dokkon ma batu on gäbe sagusagu!
Dungi didok Tuhan Djesus ma mangalusi: Indada holan
sagusagu, ganup hata na ro sian Debata hangoluan ni djolma.
Dungi ditogihon Sibolis ma Ibana tu huta na badia i, tu atas
ni bagas djoro; dungi ninna ma mandok Ibana: Molo anak
ni Debata Ho, timbung ma sian on tu toru, ai songon on do
didok surat: Dokkonon ni Debata do angka surusuruanna
manabingi Ho, asa unang tandos patmu tu batu. Dungi
didok Tuhan Djesus ma mangalusi ibana: Alai dohot do on


26 § 15. DIPILLIT TUHAN DJESUS ENZ. Joh. 1, 19-51.
didok surat: Indang djadi undjunanmu Tuhan Debatam! Dungi
ditogihon Sibolis muse ma Ibana tu punsu ni dolok na tu-
mimbo, dituduhon ma tu Ibana nasa haradjaon dohot hasa-
ngapon na di portibion; dungi ninna ma mandok Tuhan
Djesus: Di Ho ma hulehon sasudena i, molo morsomba Ho tu
ahu. Dungi didok Tuhan Djesus ma mandok Sibolis i: Laho
ma ho, Bolis, sian lambungkon! Ai didok surat do: Djahowa
Debatam do sisombaonmu dohot sioloanmu. Dungi laho ma
tutu Sibolis i. Dungi ro ma angka surusuruan ni Debata
mangoloi Ibana.
§ 15. DIPILLIT TUHAN DJESUS ANGKA SISEANNA.
Joh. 1, 19—51.
Dungi diida Si Djohannes ma ro Tuhan Djesus manopot
ibana, djadi didok ma mandok angka siseanna i: Ida hamu
indi! i ma birubiru ni Debata na mamorsan dosa ni hadjol-
maon. Ibana do na hudoh i, na ro sian pudingku, na djumolo
sian ahu, anak ni Debata do Ibana: i do na hupaboahon tu
hamu. Dungi morsogotna i djongdjong muse disi Si Djo-
hannes dohot angka siseanna dua halak, djadi dung diida Si
Djohannes Ibana, ninna ma muse: An do birubiru ni Debata!
Djadi dung dibege sisean ni Si Djohannes, na dua i, na ni-
dokna i, diihuthon nasida ma Tuhan Djesus. Dungi manaili
ma Tuhan Djesus dompak pudi, huhut ma didok mandok
nasida: Aha do na niluluanmuna? Dungi ro ma hatanasida:
Didia do Ho moringanan, ale guru? Dungi ninna Tuhan
Djesus ma mandok nasida: Beta ma, asa diida hamu. Dungi
diihuthon nasida ma Ibana, djadi laos disi nama nasida sada-
rina i. Janggo na sada na sian na dua halah i Si Andreas
do, anggi ni Si Simon Petrus. Dungi padjumpang ma Si An-
dreas djumolo dohot hahana i, djadi didok ma mandok ibana:
Nunga djumpang hami Kristus i. Dungi ditogihon ma ibana


§ 15. DIPILLIT TUHAN DJESUS ENZ. Joh. 1, 19-51. 27
tu lambung ni Tuhan Djesus. Djadi dung diida Tuhan
Djesus Si Simon i, ninna ma mandok ibana: Si Simon do
ho, anak ni Si Djonas, Si Petrus ma goarmu tu djoloanon.
Dungi di torang ni arina i, laho ma Tuhan Djesus tu
tano Galilea, djadi padjumpang ma Ibana dohot Si Pilippus,
dungi ninna ma mandok ibana: Ihuthon ma Ahu! Janggo huta
hatubuan ni Si Pilippus i, huta Betsaida do, na niinganan
ni Si Petrus dohot Si Andreas. Dungi padjumpang ma Si
Pilippus i dohot Si Natanael, djadi didok ma tu ibana:
Nunga djumpang hami Ibana, na pinaboa ni Si Musa, dohot
angka panurirang na djolo i di suratnasida i, i ma Tuhan
Djesus, anak ni Si Djosep, na sian huta Nasaret. Dungi
ninna Si Natanael ma: Aha ma tung adong na ro na denggan
sian huta Nasaret? Dungi ninna Si Pilippus ma mandok Si
Natanael: Beta ma, asa diida ho! Djadi dung diida Tuhan
Djesus Si Natanael, na ro i manopot Ibana, ninna ma: On
do sada halak Israel na burdju! Dungi didok Si Natanael
ma mandok Tuhan Djesus: Sian dia ditanda Ho ahu?
Dungi ninna Tuhan Djesus ma mandok ibana: Andorang so
mandjou dope Si Pilippus i ho, di na hunduli ho di ling-
goman ni hau ara, huida ho. Dungi didok Si Natanael ma
mangalusi: Ale guru, Anak ni Debata do Ho, Radja ni
halak Israel do Ho! Dungi ninna Tuhan Djesus ma mandok
ibana: Dihaporseai ho do Ahu nuaeng, ala na hupaboai tu
ho, huida ho hundul di linggom ni hau ara; na umangat
dope sian i idaonmu sogot. Ai tutu situtu do na hudok on
tu ho: Olat ni on tu djolo sai mungkap do langit idaonmuna,
manaek midjur ma sian i angka surusuruan ni Debata mano-
pot Anak ni Djolma i.


28 § 16. TUHAN DJESUS DI HUTA KANA. Joh. 2, 1-11.
§ 16. TUHAN DJESUS DI HUTA KANA.
Joh. 2, 1—11.
Dungi di ari patoluhon i, adong ma na morundjuk di
huta Kana, na di tano Galilea, djadi disi ma ina ni Tuhan
Djesus udju i, dungi dohot ma Tuhan Djesus rap dohot angka
siseanna dipio. Dungi hurangan dianggur ma nasida; djadi
didok ina ni Tuhan Djesus ma mandok Ibana: Na hurangan
di anggur do nasida ’. Dungi ninna Tuhan Djesus ma mandok
inana i: Aha i di hita inang, ndang dope djumpang tingkingkul
Dungi didok inana i ma mandok angka naposo i: Manang
aha na nidokna i tu hamu, bahen hamu ma. Dungi adong
ma disi gunsi onom, morguru tu pamurian, hasomalan ni
halak Djahudi, siatsiat tolu poting. Dungi ninna Tuhan
Djesus ma mandok nasida: Tahui hamu ma aek manggohi
angka gunsi on! Djadi digohi nasida ma. Dungi ninna Tuhan
Djesus ma muse mandok nasida: Tahui hamu ma, dungi
boan hamu ma tu pande sipanganon; djadi diboan nasida
ma. Dungi diinum pande sipanganon i ma aeh i, naung gäbe
anggur. Alai ndang diboto ibana manang sian dia anggur i,
holan angka naposo, na manahui aeh i do na umbotosa. Dungi
didjou pande sipanganon i ma pangoli i, ninna ma mandok
ibana: Sude do halak mangalehon anggur na dumenggan
djumolo, dung pe mabuk halak, asa dilehon na humurang i,
alai anggo ho, dipapudi ho do anggur na dumenggan i. Asa
i ma tanda pordjolo, na binahen ni Tuhan Djesus, na di huta
Kana na di Galilea i, patuduhon hasangaponna i; dungi
dihaporseai angka siseanna ma Ibana. Dungi djonok nama
arirea Paska (porhontosan) ni halak Djahudi, dibahen i nang-
kok ma Tuhan Djesus tu huta Djerusalem.


§ 17. TUHAN DJESUS RAP DOHOT ENZ. Joh. 3, 1—22. 29
§ 17. TUHAN DJESUS RAP DOHOT SI NIKODEMUS.
Joh. 3, 1-22.
Dungi adong ma sada halak parise sintua ni halak
Djahudi, na morgoar Si Nikodemus, na ro bornginborngin
manopot Tuhan Djesus, ninna ma mandok Ibana: Ale guru!
Na huboto hami do Ho guru na ro sian Debata; ai ndang
adong manang ise na malo patupahon tanda angka na bina-
henmi, anggo so didongani Debata ibana. Dungi didok
Tuhan Djesus ma mangalusi ibana: Na tutu situtu do na
hudok on di ho: Ingkon tubu halak paduahalihon, anggo so
songon i ndang idaonna haradjaon ni Debata. Dungi didok
Si Nikodemus ma mandok Tuhan Djesus: Beha ma pa-
ngulahi ni halak tubu, dung matoras? Tung habongotansa
ma muse butuha ni inana mangulahi tubu? Dungi didok
Tuhan Djesus ma mangalusi ibana: Na tutu situtu do na
hudok on di ho: Ingkon tubu halak sian aek dohot sian
tondi, anggo so songon i, ndang habongotansa haradjaon ni
Debata; äi daging do na tinubuhon ni daging, tondi do na
tinubuhon ni tondi. Asa unang ma longang roham, ala hudok:
Ingkon ulakkononmu tubu. Na mangullus do alogo i di lomo
ni rohana, dibege ho do porngongosna, alai ndang na diboto
liamu manang na sian dia harorona dohot hasohotanna; son-
gon i ma pangalaho ni sasude na tubu sian tondi. Dungi
ninna Si Nikodemus ma mandok Tuhan Djesus: Songon dia
ma antong pangalahona? Dungi ninna Tuhan Djesus ma
mangalusi ibana: Ho, guru ni halak Israel do ho, anggo
pala i ndang diboto ho? Na tutu situtu do na hudok on
di ho: Janggo hami, na huboto hami, ido huhatahon hami,
na huida hami, ido hupaboa hami; alai ndang na mangoloi
hamu di na hupaboahon i. Anggo so porsea hamu, ia huha-
tahon na masa di hasianganon, tung porsea ma hamu, ia
huhatahon na masa di banua gindjang? Ndang adong na
manaek tu banua gindjang, dungkon ni na ro sian banua


30
§ 18. HATA NI TUHAN DJESUS TU BORUBORU
gindjang, ima Anak ni djolma i, na di banua gindjang i.
Dungi, songon pinatimbo ni Si Musa ulok sada di porhor-
sihan, ingkon songon i do sipatimboon Anak ni djolma i sogot.
asa unang mago saluhutna na porsea tu Ibana, asa dapotan
hangoluan saleleng ni lelengna.
§ 18. HATA NI TUHAN »JESUS TU BORUBORU
SAHALAK, ISI NI SAMARIA.
Joh. 4.
Dungi ditadingkon Tuhan Djesus ma luat Djudea, diulahi
ma tu Galilea, alai ingkon mamolus do Ibana sian luat Sa-
maria. Dungi sahat ma Ibana ro di huta Sikar, djadi adong
ma disi sada sumur ni Si Djakob nahinan; dungi disi ma
Ibana hundulhundul di hos ni ari; ai nunga lodja Ibana sian
pordalanan. Dungi ro ma boruboru sada portuaek, djadi ninna
Tuhan Djesus ma mandok boruboru i: Nia inang, tapian
inumonku! Ai nunga laho tu huta angka siseanna i manu-
hori sipanganon. Dungi didok boruboru i ma mandok Ibana:
Beasa mangido aek inumon Ho sian ahu, atik pe Ho halak
Djahudi, ahu boru Samaria? Ai ndang na morsisaoran halak
Djahudi dohot halak Samaria. Dungi ninna Tuhan Djesus
ma mangalusi boruboru i: Aut diboto ho na nilehon ni Debata,
djala aut ditanda ho na mandok tu ho: Lehon aek inumonku,
ra mangido do ho tu Ibana, asa dilehon tu ho aek na ma-
ngolu. Dungi didok boruboru i ma mandok Ibana: Ale Tuhan,
so manang mortahutahu Ho, djala bagas do sumur on, sian
dia ma djumpang Ho aek na mangolu? Dungi ninna Tuhan
Djesus ma mangalusi boruboru i: Manang ise na manginum
aek on, sai na mauas do muse, alai manang ise na mangi-
num aek na hulehon, ndang na ra mauas be salelenglelengna.
Dungi ninna boruboru i ma: Lehon ma di ahu aek sisongon i,


SAHALAK, ISI NI SAMARIA. Joh. 4.
31
asa unang be mauas ahu, cljala so lodja be ahu mangalap
tuson. Dungi didok Tuhan Djesus ma mandok boruboru i:
Laho ma ho djolo mandjou sinondukmu. Dungi ninna boru-
boru i ma mangalusi Ibana: Indang adong sinondukku.
Dungi ninna Tuhan Djesus ma: Na tutu do na nidokmi,
ndang adong sinondukmu, alai anggo na djolo, nunga adong
lima sinondukmi, ianggo na di ho nuaeng, indada sinonduk-
mu, asa na sintong do na nidokmi. Dungi didok boruboru i
ma mandok Tuhan Djesus: Ale Tuhan panurirang do Ho,
huida. Janggo angka na tuatua na di hami, di dolok an
do nasida mortangiang; alai anggo hamu, didok hamu
do, ingkon di huta Djerusalem iba mortangiang. Dungi ninna
Tuhan Djesus ma mandok ibana: Porsea ma ho di Ahu
inang, na ro do ari sogot ndang mortangiang hamu tu
Amanta i di dolok an, ndang di huta Djerusalem. Alai na ro
do ari sogot, djala nunga ro i nuaeng, na mortangiang ma
angka portangiang situtu tu Amanta i di bagasan tondi
dohot [di bagasan hasintongan ni roha; ai dilului roha ni
Amanta i do angka portangiang sisongon i. Janggo Debata,
Tondi do Ibana, asa manang ise, na mortangiang tu Ibana,
ingkon mortangiang do di bagasan Tondina dohot di bagasan
ni hasintongan ni rohana. Dungi ninna boruboru i ma
mandok Tuhan Djesus: Huboto do na naeng ro Messias, na
morgoar Kristus; paboahonon ni do saluhutna i tu hami, ia
dung ro Ibana. Dungi didok Tuhan Djesus ma mandok boru-
boru i: Ahu do i na nidokmi, na mangangkupi ho mang-
katai. Dungi ditadingkon boruboru i ma isian ni tapianna i
di lambung ni sumur i, laho ma ibana tu huta. Dungi didok
ma mandok angka situan na torop na di huta i: Beta, ida
hamu ma djolo, adong sada halak na paboahon saluhutna na
hubahen na djolo, manang Kristus Ibana. Dungi diihuthon
nasida ma boruboru i tu balian ni huta i, tu lambung ni
Tuhan Djesus, djadi mansai torop halak porsea di Tuhan
Djesus, dibahen hata ni boruboru i; ai sai didok: Sude na


32 § 19. TUHAN DJESUS DI HUTA NASARET. Luk. 4, 14-30.
hubahen na djolo i, dipaboa do tu ahu. Dungi dung sahat situan
na torop i tu lambung ni Tuhan Djesus, diporhuradjai nasida
ma Ibana mian di nasida; djadi laos disi ma Ibana dua ari.
Dungi lam torop ma halak porsea di Tuhan Djesus. Dungi
angka ninna nasida ma mandok boruboru i: Indang be holan
binahen ni hatami, umbahen na porsea hami; ai nunga
hubege hami hatana, djala nunga tangkas huboto hami Ibana
do Kristus, Sipangolu portibion.
§ 19. TUHAN DJESUS DI HUTA NASARET.
Luk 4, 14—30.
Dungi mulak ma Tuhan Djesus tu luat Galilea morgo-
gohon Tondi Porbadia i, djadi tarbarita ma Ibana tu angka
luat na humaliang i, ai mangadjari do Ibana di angka
pangguruannasida i; djadi sude halak umpudji Ibana. Dungi
laho ma Ibana tumopot huta Nasaret, huta hagodanganna i;
djadi dung djumpang ari minggu, bongot ma Ibana, songon
na somal tu bagas porguruan na disini, dungi hehe ma Ibana
naeng mandjala surat. Djadi dilehon ma tu Ibana surat ni
panurirang Djesaias, dungi dipaherbang ma surat i, djadi
djumpangsa ma bindu paonompulusadahon, na mandok
songon on: Songgop do Tondi Porbadia tu Ahu, ala ni dimi-
ahi djala disuru Ahu mamaritahon barita na uli tu angka
na pogos, dohot pamalum angka porroha na bodjok, dohot
mamaritahon haluaan tu angka na tarhurung, pornidaan tu
angka na mapitung, hahiasan tu angka na ginosagosa, djala
mamaritahon taon ni Tuhan i, na pinorhatahoan. Djadi
dung diduduk surat i, dipaulak ma tu sidjaga porguruan i,
dungi hundul ma Ibana. Djadi nolnol ma mata ni sude na
di porguruan i mida Ibana. Dungi mangkuling ma Tuhan
Djesus, ninna ma mandok nasida: Apala sadari on ma djum-


§ 20. PANDJALA NI SI PETRUS. Luk. 4, 31—5, 11. 33
pang di djolomuna na nidok ni surat ondeng. Djadi longang
be ma rohanasida umbege hata na lamboh i, na ro sian
pamanganna i, angka ninna nasida ma: Inda Ibana anak ni
Si Djosep? Djadi ninna Tuhan Djesus ma mandok nasida:
Sai dohononmuna do sogot mandok Ahu hata ni umpama
on: Ale datu, daoni ma dirim! Ai na sai godang tanda
angka dipambahen Ho, di huta Kapernaum i! patupa ma
suang le songon i dohot di tano hogodanganmi! Alai ninna
Tuhan Djesus ma: Amen, hudok ma di hamu: Indang adong
panurirang na sangap, ianggo di tano hagodanganna i. Alai
na tongon do na hudok on di hamu: Lan do angka na
mabalu di Israel, udju di ngolu ni Si Elias, di na hinsui
langit i tolu taon onom bulan, di na masa i haleon potir di
nasa luat i; alai ndang didokkon Debata Si Elias sorang
manang tu ise, inda holan tu boru Sidon i, na mabalu, na
di huta Sarepta. Lan do angka na puruon di Israel, udju
di ngolu ni panurirang Si Elisa; alai ndang adong dipamalum,
inda holan Si Naeman, halak Siria i. Djadi dung dibege
nasida hatana ondeng, gok ma rimas ni roha ni sude halak
na di porguruan i; dungi hehe ma nasida, dipangondjarhon
ma Ibana tu balian ni huta i, dungi ditogu ma Ibana tu tolping
ni dolok haodjahan ni hutanasida i, naeng dabuhononna sian
i, alai laho do Tuhan Djesus mamolus sian tongatonganasida.
§ 20. PANDJALA NI SI PETRUS.
Luk. 4, 31-5, 11.
Asa dung ditadingkon Tuhan Djesus huta Nasaret i,
laho ma Ibana tuat tu huta Kapernaum, djadi mangadjari
ma Ibana di angka pangguruani, gäbe tarhalomong ma nasida
umbege pangadjarina i, ai mansai gomos situtu do hatana i.
Alai dung lam disosak na torop i Ibana, naeng begeonnasida
3


34 § 20. PANDJALA NI SI PETRUS. Luk. 4, 31—5, 11.
hata ni Debata, di na djongdjong Tuhan Djesus di topi ni
tao Genesaret i diida Tuhan Djesus ma parau dua tambat
di topi ni tao i; alai ruar do angka pordengke i, mamuri
djalanasida i. Djadi dibongoti Tuhan Djesus ma parau na
sada, Si Simon do nampunasa; dungi dipangido ma tu ibana,
asa dilugahon saotik sian duru, dungi hundul ma Tuhan Djesus
di parau i mangadjari sian i angka na torop i. Djadi dung
mansohot Ibana mangadjari, ninna ma mandok Si Simon:
Lugahon ma parau i tu na umbagas i, dungi sampakkon
hamu ma djalamuna i, asa dapotan hamu! Dungi didok Si
Simon ma mangalusi Tuhan Djesus: Ale guru, manipat sa-
borngin on do hami lodja mandjalai, ndang adong dapot
hami; alai dibahen na nidokmi, husampakkon ma djala i.
Djadi dung disampakkon nasida, godang situtu ma dengke
dapot nasida, pola morribak djalanasida i. Dungi dihilap
nasida ma dongannasida i, na di parau na sadanari, asa ro
mangurupi manarat. Djadi dung ro, digohi nasida ma parau
i duaduansa, moradu lonong. Dung diida Si Simon Petrus
songon i, ro ma ibana, dipatungkap ma ibana morsomba tu
tot ni Tuhan Djesus, ninna ma: Laho ma Ho, ale Tuhan,
sian lambungkon, ai halak pordosa do ahu! Ai tarsonggot
do rohana rap dohot roha ni angka donganna i, mida dengke
na sansampah i djinalanasida i, songon i do dohot Si Djakobus
dohot Si Djohannes, anak ni Si Sebedeus, dongan ni Si Simon
i. Dungi ninna Tuhan Djesus ma mandok Si Simon: Unang
ho mabiar, ale Simon! ai olat ni on djolma do djalaonmu.
Dungi dilugahon nasida ma angka parau i tu duru, dita-
dingkon ma sudena i, laho mangihuthon Tuhan Djesus.


§21. DIPAMALUM TUHAN ENZ. Matt. 9. Mark. 2. Luk. 5. 35
§ 21. DIPAMALUM TÜHAN DJESUS DO SADA HALAK
NA SARION.
Matt. 9. Mark. 2. Luk. 5.
Asa dung sahat Tuhan Djesus ro di hutana i (mandok
huta Kapernaum) diusung halak ma sada halak na sarion,
na peak di podomanna, naeng boanonnasida tu djolo ni
Tuhan Djesus; alai dung so hasiatan nasida, dibahen na
torop i, dipanaek nasida ma bagas i; dungi diungkap ma
tarup i, djadi sian i ma ditantan nasida ibana
dohot podomanna i, tu djolo ni Tuhan Djesus.
diida Tuhan Djesus haporseaonnasida i, ninna
na sarion i: Pos ma roham ale anaha, nunga
Djadi adong ma deba sian halak siboto surat, na mandok
di bagasan rohana: Na manginsahi Debata do on, ai ise ma
na tuk manesa dosa inda holan Tuhan Debata? Alai dung
diida Tuhan Djesus pingkiran ni rohanasida, ninna ma: Beasa
ma tung songon i djahat pingkiran ni rohamuna? Ai aha
do na ummura dohonon: Naung sae do dosamu: manang:
Hehe ma ho mordalani ?
tu toru rap
Djadi dung
ma mandok
sae dosami!
Alai, asa diboto hamu na tuk do
auak ni djolma i manesa dosa di tano on, djadi ninna ma
mandok na sarion i: Hehe ma ho, boan ma podomanmu,
laho ma ho muli. Dungi dibuat na sarion i ma podomanna
i, laho ma ibana muli. Djadi longang ma na torop i morni-
dasa, djala dipudji ma Debata, na mangalehon gogo sisongon
i tu djolma i.
§ 22. SINTUA NA DI HUTA KAPERNAUM.
Matt. 8. Luk. 7.
Asa dung sun dihatahon Tuhan Djesus hatana tu na
torop i, laho ma Ibana tu huta Kapernaum. Djadi adong
ma disi sada sintua ni soldadu, matemate ne morsahit napo-
3*


36 § 22. SINTUA NA DI HÜTA ENZ. Matt. 8. Luk. 7.
sona haholongan ni rohana. Djadi dung dibege naung ro
Tuhan Djesus, disuru ma angka sintua ni halak Djahudi
mangelekelek Tuhan Djesus, asa olo ro mambahen malum
naposona i. Djadi dung tolhas nasida tu djolo ni Tuhan
Djesus, ringkot situtu ma pangarahonnasida i, angka ninna
ma manosoi Tuhan Djesus: Talup do oloanmu hata na tino-
nahonna i, ai holong do rohana di hita na sabangso; ibana
do na paulihon porguruannami; djadi diihuthon Tuhan Djesus
ma nasida. Dungi ndang sadia dao be nasida, asa sahat tu
bagas i, disuru sintua ni soldadu i ma muse angka alealena
mandok tu Tuhan Djesus: Unang Ho lodja, ale Tuhan; ai
na hurang tama do ahu pabongot Ho tu bagaski, laos alani
do umbahen na so ahu ro manopot Ho asal ma didok Ho
hata sisandok, malum do naposongku; ai djolma na niradjaan
do ahu, na mangaradjai parangan, ia hudok tu na sada:
Topot adui, laho do ibana; djala ia hudok tu na sadanari:
Ro ho tuson! ro do ibana; alai ia hudok tu anaksomangku:
Ula on! sai diula do. Djadi dung dibege Tuhan Djesus hata
i, longang ma rohana, dibahen hata ni sintua i; dungi dipa-
husor ma Ibana dompak pudi, didok ma mandok na torop i,
na mangihuthon Ibana: Hudok ma di hamu: Gari di halak
Israel, ndang adong djumpang Ahu haporsea on sisongon i.
Asa dung mulak angka na sinuru i sahat ro di djabu, nunga
malum didapot nasida naposo i. Dungi didok Tuhan Djesus
ma mandok na torop i: Hudok ma di hamu: Lan do angka
na ro sogot sian habinsaran dohot sian hasundutan hundul
di haradjaon ni Debata rap dohot Si Abraham, Si Isak dohot
SiDjakob; alai anggo angka anak ni haradjaon hian, pang-
ondjarhononna do tu na holom morimpotimpot, disi ma masa
anggukangguk dohot patungoripon.


§ 23. PAMILL1T NI TUHAN ENZ. Matt. 5, 7. Mark. 3. Luk. 5. 37
§ 23. PAMILLIT NI TUHAN »JESUS »I ANGKA
APOSTEL, »JALA PAMARITAHON NA »I »OLOK.
Matt. 5, 7. Mark. 3. Luk. 5.
Dungi dinangkohi Tuhan Djesus ma sada dolok laho
mortangiang, djadi manipat ma saborngin i Tulian Djesus
mortangiang tu Debata: Dungi manogotna i didjou Tuhan
Djesus ma angka siseanna, dipillit ma sian nasida sampulu
dua halak, dungi dibahen ma goarnasida: Apostel, asa
didongani nasida lbana, di rohana, djala asa tarsurusa nasida
mamaritahon. Ja goar ni angka Apostel i on do. Si Simon
Petrus, Si Andreas, Si Djakobus, Si Djohannes, Si Pilippus,
Si Bartolomeus, Si Matteus, Si Tomas, Si Djakobus anak ni
Si Alpeus, Si Simon Selotes, Si Djudas anak ni Si Djakob
dohot Si Djudas Iskariot. Alai dung diida Tuhan Djesus na
torop i, dinangkohi muse ma sada dolok, djadi dung hundul
Ibana ro ma angka siseanna, dipadjonok tu lambungna; dungi
diadjari Tuhan Djesus ma nasida, ninna ma: Mortua ma
angka portondi na pogos, ai di nasida do haradjaon na di
banua gindjang. Mortua ma angka na marsak roha, ai
siapulon do nasida sogot. Mortua ma na lambok roha, ai
nasida do manean sogot liat portibion. Mortua ma angka na
asi roha, ai dapotan asi ni roha do nasida sogot. Mortua
ma angka na ias morroha, ai sai idaon nasida do sogot De-
bata. Mortua ma angka sibahen dame; ai goaron do nasida
sogot anak ni Debata. Mortua ma angka na pinaburuburu
ni halak ala ni hatigoran, ai di nasida do haradjaon ni De-
bata. Mortua ma hamu, molo diinsahi halak hamu ala Ahu,
djala dipaburuburu djala singkop na roa na so tutu dipa-
tubutubu dompak hamu, ala Ahu. Hudok ma di hamu: Ja
so sumurung hatigoranmuna sian hatigoran ni halak siboto
surat dohot parise; ndang tarbahen hamu masuk tu haradjaon
na di banua gindjang i. Unang so holong rohamu di musu-
muna; sai pasupasu hamu ma angka na mamurai hamu,


38 § 23. PAMILLIT NI TUHAN ENZ. Matt. 5, 7. Mark. 3. Luk. 5.
bähen hamu ma na denggan tu angka na hosom roha di
hamu; sai huasihon hamu ma na mangarsahi hamu djala na
mamuru hamu, asa tung tardok anak ni Amamuna na di
banua gindjang i hamu; ai binsar do mata ni ari dibahen,
manondangi porroha na djahat dohot porroha na denggan,
djala dipaudanudan do porroha na tigor dohot porroha na
geduk. Dibahen i: Ingkon sun denggan rohamuna, songon
roha ni Amamuna na di banua gindjang i.
Dungi molo mortangiang ho, unang ho songon angka
sipaulaula, na las roha djongdjong di sirpang ni alaman
mortangiang, asa tung diida halak nasida, di rohana; angkup
ni: Unang hamu songon sipelebegu angka sidjubadjabi, ai
dirimpu tangihonon ni Debata do nasida, ia lan hata dipan-
dok. Songon on ma dok hamu mortangiang: Ale Amanami,
na di bauua gindjang! Pinorbadia ma goarmu; paro ma
haradjaonmu; pasaut ma lomo ni roham di banua tonga on,
songon na di banua gindjang; sai lehon ma di hami hango-
luan sisadari on; sesa ma dosanami songon panesanami di
sala ni na morsala tu hami; unang togihon hami tu pangund-
junan; alai palua ma hami sian tangan ni pangago i, ai di
Ho do haradjaon dohot hagogoon dohot hasangapon na sale-
leng ni lelengna. Amen. Sai pangido hamu ma, asa dilehon
tu hamu; sai lului hamu ma, asa djumpang hamu; sai tuk-
tuhi hamu ma, asa diungkap di hamu. Nasa na pinangido
ni rohamu bahenon ni halak tu hamu, i ma bähen hamu tu
halak; ai i do hata ni patik dohot hata ni angka panurirang.
Sai bongoti hamu ma pintu rea na hopit i! Ai lambas do
pintu rea, lambas do dohot dalan na tu hamagoan, djala lan
do angka na mordalandalan disi. Hopit do pintu rea, gogot
do dohot dalan na tu hangoluan, djala otik do angka na
djumpangan i. Ndang sude halak na mandok: Tuhan, Tuhan
mandok Ahu, masuk tu haradjaon na di banua gindjang, holan
angka na mangulahon na pinangido ni roha ni Damang na
di banua gindjang i do na masuk. Djadi dung sun dihatahon


§ 24. DOLIDOLI NA DI HUTA NAIN. Luk. 7.
39
Tuhan Djesus hata ondeng, tarhalomong ma na torop i mida
podana i: ai gomos situtu do pangadjaranna i, ndada songon
halak siboto surat i.
§ 24. DOLIDOLI NA 1)1 HUTA NAIN.
Luk. 7.
Dungi laho ma Tuhan Djesus mebat tu huta Nain, djadi
lan do angka siseanna i mangihuthon Ibana, godang do dohot
na torop. Alai di na mandapothon bahal ni huta i nasida,
ruar ma halak sian huta i, na mangkallung na mate, anak
sasada ni boruboru na mabalu, torop do isi ni huta i ma-
ngundurhon. Djadi dung diida Tuhan Djesus nasida, asi ma
rohana mida na mabalu i, dungi ninna ma mandok ibana:
Unang ho tangis inang! Dungi dipadjonok Tuhan Djesus ma,
didjama ma batang ni na mate i, djadi ngongong ma angka
na mangkallung i. Dungi ninna Tuhan Djesus ma: Ale doli-
doli! Ahu mandok di ho, hehe ma ho! Dungi hehe ma na
mate i, dipungka ma mangkatai, dungi dilehon ma ibana tu
inana i. Djadi mabiar situtu ma halak sasude, huhut mamu-
dji Debata, angka didok ma: Panurirang bolon do naung ro
tu tongatonga ni hita on, ditopot Debata do porripena.
§ 25. BORUBORU PORDOSA NA GODANG.
Luk. 7.
Dungi ro ma sada halak parise i mangarahon Tuhan
Djesus mangan tu djabuna. Djadi dung masuk ro di djabu
ni halak parise i Tuhan Djeöus, hundul ma Ibana mangan.
Djadi adong ma sada boruboru di bagasan huta i, pordosa na
godang situtu, djadi dung dibege, naung ro di bagas ni halak
parise i Tuhan Djesus, diboan ma sada galas na niisi dohot
miak na hushus, dungi ro ma ibana sian pudi padjonokkon


Dolidoli na di Huta Nain.
§ 24. DOLIDOLI NA DI HUTA NAIN. Luk.


§ 25. BORUBORU PORDOSA NA GODANG. Luk. 7.
41
tu tot ni Tuhan Djesus, huhut tumatangis, dungi dipungka
ma manonui tot ni Tuhan Djesus dohot iluna, diapusi ma
dohot obukna, dungi diumma ma totna i, djala dimiahi ma
dohot miah i. Alai dung diida halak parise i, na mangarahon
Tuhan Djesus, morhusari ma rohana di bagasan, ninna ma:
Aut na tutu panurirang Ibana, botoonna do manang ise
boruboru on, na mandjama Ibana, ai halak pordosa do i.
Dungi ninna Tuhan Djesus ma mandok ibana: Ale Simon!
adong do sidohononku di ho. Antong didok guru i ma, ninna
Si Simon. Dungi ninna Tuhan Djesus ma: Adong ma dua
porsingiran ni na sahalak, ia na sada morutang 500 rupia,
ia utang ni na sadanari 50 rupia. Djadi dung soada be
gararnasida disalesehon ma sude. Onpe, ise ma di roham
na humolong roha mida porsingiri. Djadi ninna Si Simon
ma mangalusi: Janggo di rohangku, porutang na gumodang
sinalesehonna i. Tongon do na nidokmi, ninna Tuhan Djesus.
Dungi didompakkon Tuhan Djesus ma boruboru i, djala ninna
ma mandok Si Simon: Diida ho do boruboru on? Ro Ahu
tu djabum, ndang dilehon ho aek pamuri ni tothu, alai anggo
boruboru on, iluna do dibahen manonui tothu, djala diapusi
dohot obukna. Ja ho, indang diumma ho Ahu, alai anggo
boruboru on, dung masuk tu on, ndang maila rohana ma-
ngumma tothu. Ja ho, indang dimiahi ho ulungku, alai
anggo boruboru on, tothu do dimiahi dohot miak na hushus.
Dibahen i ma hudok ma di ho: Godang do dosana naung
sesai, ai godang do holong ni rohana; alai ia otik sesa dosa
ni manang ise, otik do holong ni rohana. Dungi ninna Tuhan
Djesus ma mandok boruboru i: Nunga sesa dosam! Dung
mamungka mandok di bagasan rohana be ma angka na räp
hundul dohot Ibana: Ise do on, dohot do dosa disesa? Alai
didok Tuhan Djesus ma mandok boruboru i: Haporseaonmi
do na pangoluhon ho inang, mordame ma ho muli.


42
§ 26. HALAK NA HANSITAN NA DI ENZ. Joh. 5.
§ 26. HALAK NA HANSITAN NA DI LAMBUNG
PORIDIAN BETESDA.
Joh. 5.
Dungi djumpang ma pesta ni halak Djahudi sada, djadi
nangkok ma Tuhan Djesus tu huta Djerusalem. Adong ma
d huta Djerusalem i, di lambung bahal ni birubiru, sada
poridian, na morgoar di hata Heber, Betesda; lima do
bilutna, peak be ma disi lan angka na hansitan, angka na
mapitung dohot na sarion dohot na tiarapon, paemaemahon
gunsang ni aek. Ai tuat do di tingkina i, surusuruan ni
Debata sada manggunsangi aeh i, asa ia i djumolo bongot
tu aeh i, dung diguga, sai na malum do, manang dia pe
sahitna i. Djadi adong ma disi sada halak na hansitan
peakpeak, nunga pola 38 taon lelengna, djadi dung diida
Tuhan Djesus ibana, djala dung diboto nunga pola na sai
laon peakpeak ibana disi, ninna ma mandok ibana: Naeng
do hisar ho di roham? Dungi ninna na hansitan i ma
mangalusi: Ja ale Tuhan, ndang adong paruhaonku, na
paidjurhon ahu tu poridian i, udju gumunsang aeh i; ai ia
ro ahu, sai adong do na mandjoloani ahu midjur. Dungi
ninna Tuhan Djesus ma mandok ibana: Hehe ma ho, boan
ma podomanmi, laho ma ho muli! Alai tongon do minggu
na sadari i. Djadi ninna halak Djahudi ma mandok na
pinamalum ondeng: Minggu do sadari on, ndang djadi
usungonmu podomanmi. Djadi ninna ma mangalusi nasida:
Alai didok na pamalum ahu do: Buat ma podomanmi, laho
ma ho muli; dungi disungkun nasida ma ibana: Ai ise do
na mandok: Buat ma podomanmi, laho ma ho muli? Alai
ndang diboto na pinamalum i manang ise na mandok i, ai
nunga laho Tuhan Djesus, ai torop do halak na disini.
Dungi djumpang Tuhan Djesus ma ibana muse di bagas
djoro, djadi didok ma mandok ibana: Antong nunga malum
sahitmi, unang be datdati mambahen dosa, asa unang songgop


§ 27. ANGKA UMPAMA. Matt. 13. Mark. 4. Luk. 8, 1—21. 43
sogot na humansit tu ho. Dungi laho ma ibana paboahon
tu halak Djahudi ninna ma: Tuhan Djesus do i, na pamalum
sahithu. Djadi dipaburuburu halak Djahudi i ma Tuhan
Djesus alani, naeng bunuonna Ibana di rohana, ala na di-
bahen songon i di ari minggu i: Alai ninna Tuhan Djesus
ma mangalusi nasida: Rasirasa nuaeng mangula do Damang,
Ahu pe songon i. Djadi lam gomos ma sangkap ni roha ni
halak Djahudi mamunu Tuhan Djesus, ndada holan ala na
nilaosanna i ari minggu i dohot do ala na nidokna i: Amana
Debata, djala laos dipasobok do Ibana dohot Debata; dungi
ninna Tuhan Djesus ma mangalusi nasida: Manang ise na
so pasangaphon Anak i, na so pasangaphon Ama do i, na
morsuru Anak i. Situtu do na hudok on di hamu: Manang
ise na tumangihon hatangku djala porsea di na morsuru
Ahu dapotan hangoluan na so ra suda; ndang be tu poru-
human ibana, nunga malua sian hamatean djala nunga sahat
ro di hangoluan ibana. Na tutu situtu do na hudok on di
hamu: Na ro do ari na sogot, djala nunga djumpang tahe
nuaeng, begeon ni angka na mate i ma soara ni Anak ni
Debata djala mangolu ma angka na umbegesa.
§ 27. ANGKA UMPAMA.
Matt. 13. Mark. 4. Luk. 8, 1—21.
Dungi di na mangaliati huta dohot onan Tuhan Djesus,
morturasi ma Ibana dohot mamaritahon barita na uli, na
sian haradjaon ni Debata. Djadi dung pungu torop halak,
angka na ro sian hutana be, morumpama ma Tuhan Djesus,
ninna ma: Adong ma sada halak panabur, na manaburhon
bonina; djadi di na manaburi ibana madabu ma deba tu
dalan, djadi didege halak ma dohot dituduhi pidong, angka
na di toru ni langit. Ja na debanari madabu tu tano na


44 § 27. ANGKA UMPAMA. Matt. 13. Mark. 4. Luk. 8, 1-21.
batuon do, djadi dung tubu, rahar ma, dibahen na soada
adong miak ni tano i. Dungi na debanari madabu ma tu
tano na porsihupian, djadi rap tubu ma dohot. sibupi i, dipi-
sat ma erne i. Dungi na debanari madabu ma tu tano napu,
djadi tubu ma, saratus lompit ma porbuena. Djadi dung
tolhas didok Tuhan Djesus songon i, didjouhon ma: Nasa
na morpinggol na morbinege, ditangihon ma! Dungi ro ma
angka siseanna manungkun Ibana astuan ni umpama ondeng.
Djadi ninna Tuhan Djesus ma: Ja boni i, hata ni Debata
do; alai anggo na di dalan i, angka na umbege hata ni De-
bata do i; dungi ro ma Sibolis i, dipambuat ma hata i sian
rohanasida i, asa unang porsea nasida, asa unang mangolu.
Alai anggo na di batu i, i ma angka, ia dung dibege hata i
las do rohana mandjala, alai indang morurat nasida; na
porsea do djolo sangombas, alai ia ro pangundjunan, sumurut
ma nasida. Janggo na madabu tu tano porsihupiani, i ma
angka, ia dung dibege hata i, laho ma rohanasida tu na
masa di hangoluan on, tu haholsoon dohot tu hamoraon
dohot tu sangkap ni roha ni daging, djadi tarpisat ma hata
i, gäbe indang saut morporbue. Alai anggo na madabu tu
tano napui, i ma angka, na tumangihon djala na mameop
hata i di bagasan rohana, na denggan djala na burdju.
Dungi morumpama ma muse Tuhan Djesus, didok ma: Tudos
do haradjaon na di banua gindjang i tu batu ni siarum, na
binuat ni sada halak, manaburhon tu porlakna ; na ummetmet
do i sian nasa boni, alai ia dung tubu, i do umbalga ingkau
rata, hira gäbe hau do i, ro do angka pidong na di toru ni
langit i mangalinggomlinggom di angka dangkana i. Dungi
na asing ma muse dipaumpamahon Tuhan Djesus, didok ma:
Tudos do haradjaon na di banua gindjang i tu indahan, na
niigaran, na binuat ni sada boruboru pasaorhon tu itak arga
tolu solup, paema asom sude. Tudos muse do haradjaon na
di banua gindjang i tu arta na buni di hauma tur, djadi
dung djumpaugan na sahalah i, ditabunihon ma, dungi


§ 28. TUHAN DJESUS ENZ. Matt. 8, 18—27. Luk. 8, 22—25. 45
dibahen las ni rohana, muli ma ibana manggadis nasa na di
ibana i manuhor hauma i.
Tudos muse ma haradjaon na di banua gindjang i tu
sada halak portigatiga, na laho mangalului mutiha na uli;
djadi dung djumpangsa sada mutiha na arga situ tu, muli ma
ibana, digadis ma sude na di ibana i, dungi dituhor ma i.
§ 28. TUHAN DJESUS MANGONAI HATA TU ALOGO
DOHOT TU LAUT.
Matt. 8, 18—27. Luk. 8, 22—25.
Asa dung diida Tuhan Djesus torop halak na humaliang
Ibana, didokkon ma manaripari tao i tu bariba i. Dungi ro
ma sada halak siboto surat, na mandok tu Ibana: Ale guru!
Sai naeng do ihuthononku Ho manang tu dia pe Ho laho.
Djadi ninna Tuhan Djesus ma mangalusi ibana: Morliang
do angka antuasu, morasar do pidong, na di toru ni langit i;
alai anggo Anak ni djolma on, ndang adong hapeahan ni
uluna. Dungi ninna na sahalak siseanna i ma: Ale Tuhan!
Loas ahu djolo muli mananom damang! Alai ninna Tuhan
Djesus ma mandok ibana: Ihuthon ma Ahu, pasombu ma na
mate mananom na matena i.
Dungi di na sadari i muse masuk ma Tuhan Djesus tu
sada parau rap dohot angka siseanna i, djadi didok ma
mandok nasida: Tataripari ma tao on, dungi morluga ma
nasida; djadi nok ma mata ni Tuhan Djesus. Dungi ro ma
habahaba halisungsung di tao i, djadi dilangkopi angka
galumbang ma nasida, godang do maranasida; djadi dipa-
djonok nasida ma tu lambung ni Tuhan Djesus manunggul
Ibana, angka ninna nasida ma: Ale guru! Ale guru! Na
harom ma hita! Djadi hehe ma Tuhan Djesus, hona hata


46 §29. BOBU ENZ. Matt. 9, 18—25. Mark. 5, 21 — 43. Luk. 8, 40—56.
ma alogo i doliot galumbang i dibahen, djadi menak situtu
ma. Dungi ninna Tuhan Djesus ma mandok nasida: Di dia
do antong haporseaonmuna? Alai mabiar do rohanasida
djala tarhalomong djala masipandohan ma: Ise do on ulaning,
dibahen tung guru dokna alogo dohot aeh i?
§ 29. BORU NI SI BJAIRUS DOHOT BORUBORU NA
HANSITAN.
Matt. 9, 18—25. Mark. 5, 21—43. Luk. 8, 40—56.
Djadi dung mulak Tuhan Djesus, las ma roha ni na
torop i, ai nunga dipaemaema Ibana hian. Dungi ro ma
sahalak na morgoar Si Djairus, sintua ni porguruan do ibana,
dipatungkap ma ibana tu pat ni Tuhan Djesus mangido ro
tu djabuna. Ai morboru sasada do ibana, na morumur sam-
pulu dua taon, matemate ne do boruboru i. Djadi diihuthon
ma, alai sai disosak halak do Ibana.
Dungi adong ma sada boruboru na hansitan, arga sam-
pulu dua taon ma sahitna i, suda do sinamotna dipalaho tu
angka datu, alai ndang morniula. Djadi didjonohi ma tu
Tuhan Djesus sian pudi mandjama rambu ni ulosna, djadi
mamintor malum ma sahitna i, dihilala. Dungi didok Tuhan
Djesus ma: Ise do na djumama Ahu ? Alai dung disoadahon
nasida sude, ninna Si Petrus dohot angka donganna i ma: Ale
guru, sai disosahi djala dipondjoti na torop i do Ho: Ise da
na djumama Ahu nimmu muse dope? Alai ninna Tuhan Djesus
ma: Sai adong do manang ise na djumama Ahu, ai huhilala
do moru gogongku. Djadi dung diida boruboru i, na so tar-
bunihonsa be, angkahitir ma ibana ro, dipatungkap ma ibana
tu djolo ni Tuhan Djesus, dipaboa ma di djolo ni na torop i
alana, umbahen na didjama ulos ni Tuhan Djesus i, dohot


§30. HAMAMATE ENZ. Matt. 14,'1—12. Mark. 4,16—29. Luk. 9, 7—9. 47
pangalaho ni hamamalum ni sahitna i. Dungi ninna Tuhan
Djesus ma mandok nasida: Pos ma roham ale inang, hapor-
seaonmu do na pangolu ho, mordame ma ho muli!
Mandoh i dope Tuhan Djesus, djadi ro ma naposo ni
sintua ni porguruan i sahalak, mandok tu ibana: Nunga mate
borum, unang be lodjai guru i! Alai dung dibege Tuhan
Djesus hata i, ninna ma mandok ibana: Unang ho mabiar!
porsea ma ho, sai na malum do boru i. Djadi dung sahat
ro di djabu Ibana, ndang diloas Tuhan Djesus masuk ma-
nang ise, dungkon ni Si Petrus, Si Djakobus, Si Djohannes
dohot natoras ni dakdanah i; ai na tumatangis djala mangan-
dungi do luhutna halak na disini. Djadi didokkon Tuhan
Djesus ma: Unang tumatangis hamu, ndang na mata i, na
modom do; djadi diporengkeli nasida ma Ibana, ai tangkas
do diboto naung mate. Alai dung diparuar nasida sude,
ditangkup Tuhan Djesus ma tangan ni na mate i, huhut ma
didok: Ale dakdanak, hehe ma ho! Djadi mulak ma ton-
dina i, hehe ma tutu. Dungi didokkon Tuhan Djesus ma
lehonon mangan tu dakdanah i. Djadi tarhalomong ma roha
ni natorasna i, alai diorai Tuhan Djesus do nasida paboahon
na masa i manang tu ise.
§ 30. HAMAMATE NI SI DJOHANNES PANDIDI.
Matt. 14, 1 — 12. Mark. 4, 16—29. Luk. 9, 7—9.
Dungi ditangkup radja Herodes ma Si Djohannes, ditali
ma ibana djala dihurungkon, dibahen paminsang ni Si Djo-
hannes di radja Herodes i, ala binuatna i Si Herodias, djolma
ni anggina i, na morgoar Si Pilippus; ai didok Si Djohannes
do mandok ibana: Ndang na ture i di ho. Djadi sai naeng
do bunuon ni Si Herodias i ibana, alai ndang tarbahensa; ai
dihabiari radja Herodes do Si Djohannes, ala diboto na burdju
djala na badia Si Djohannes, djala djotdjot do ditangihon


48 § 30. HAM AMATE ENZ. Matt. 14,1 —12. Mark. 4,16—29. Luk. 9,7—9.
radja Herodes hata ni Si Djohannes, djala lomo do rohana
umbege hatana i; huhut do dihabiari rohana halak na torop
i, ai panurirang do Si Djohannes i di rohanasida.
Alai dung dibege Si Djohannes i, na di hurungan i, angka
pambahenan ni Kristus i, djadi disuru ma angka siseanna dua
halak portonaanna, ninna ma: Ho do i na naeng ro i, manang
na asing dope paimaonnami? Djadi ninna Tuhan Djesus ma
mangalusi nasida: Muli ma hamu, baritahon hamu ma tu Si
Djohannes i na binegemuna dohot na niidamuna i: Na mornida
do angka na mapitung, na mordalan do angka na pangpang,
na malum do daging ni angka na puruon, na morbinege do
pinggol ni angka na nengel, na hehe do angka naung mate,
djala nunga sahat barita na uli tu angka na pogos, mortua
ma halak na so morsogo ni roha mida Ahu.
Dungi djumpang ma ari hatutubu ni radja Herodes i,
djadi dipio ma mangan angka na sangap, na di luat Galilea.
Dungi ro ma boru ni Si Herodias manortori, djadi lomo ma
roha ni radja Herodes i mornida, dohot roha ni angka na
hundul na disini; djadi didok radja i ma mandok boru i:
Pangido ma lomo ni roham sian ahu, sai lehononku do di
ho! pola móruari ibana mandok: Sai lehononku do di ho
manang aha pe na pinangidom, ro di satonga ni haradjaonku.
Dungi laho ma boru i mangguruhon tu inana di sipangi-
doanna i, Djadi ninna inana i ma: Ulu ni Si Djohannes pandidi
i ma pangido! Dungi humalaput ma boruboru i laho manopot
radja i, dungi ninna ma: Sai lehon ma tongkin on di ahu ulu
ni Si Djohannes pandidi di atas pinggan. I ma na hupangidoi
Djadi marsak situtu ma roha ni radja i, alai dibahen nunga
moruari ibana, djala dibahen angka na rap hunduli disi,
ndang tardjuasa. Dungi mamintor disuru ma sada hupas
kapara mangalap ulu ni Si Djohannes i. Djadi laho ma na
sinuruna i, digotap ma ulu ni Si Djohannes, na di hurungan i,
diboan ma di atas pinggan, dilehon ma tu boru ni Si Herodias
i, dungi dilehon boruboru i ma muse tu inana i. Djadi dung


§ 31. TUHAN DJESUS ENZ. Matt. 14. Mark. 6. Luk. 9. Joh. 6. 49
dibege angka sisean ni Si Djohannes, ro ma nasida, dibuat
ma bangkena i, ditanom ma: Dungi sahat ma barita ni Tuhan
Djesus tu pinggol ni radja Herodes i udju i, djadi ninna ma
mandok naposona: Si Djohannes pandidi i do i, naung mulak
mangolu do i sian na mate i, dibahen i do umbahen na
tarpatupasa mambahen sisongon i. Dungi mulak ma angka
Apostel ni Tuhan Djesus, na sinuruna i, dungi dibaritahon ma
tu Ibana sude na binahennasida, dohot na masa binegenasida.
§ 31. TUHAN DJESUS, NA MANAMUEI NA
5,000 HALAKI.
Matt. 14. Mark. 6. Luk. 9. Joh. 6.
Dungi ditaripari Tuhan Djesus ma tao Galilea, i ma tao
Tiberias, djadi torop ma halak mangihuthon Ibana, dibahen
na niida nasida angka halongangan, na binahen ni Tuhan
Djesus di angka na hansitan. Dungi dinangkohi Tuhan Dje-
sus ma sada dolok, dungi hundul Ibana disi, rap dohot angka
siseanna i. Alai djonok ma pesta Paska ni halak Djahudi
udju i, dungi ditatap Tuhan Djesus ma ro mansai torop halak
manopot Ibana, djadi asi ma rohana mida nasida, ai songon
birubiru do nasida, na so morporinahan. Djadi lan ma diha-
tahon tu nasida taringot tu haradjaon ni Debata, dipamalum
ma dohot angka na hansitan, na disini. Dungi di na ma-
mungka bot ni ari, ro ma angka siseanna i, didok ma mandok
Ibana: Pamuli ma na torop on, asa laho nasida manopot angka
huta, mangalului sorangan, ai porhorsihan do on. Dungi
ninna Tuhan Djesus ma mandok Si Pilippus: Tu dia ma hita
manuhor roti, asa mangan angka inde on? Alai didok pe
songon i na mangundjuni Si Pilippus do Ibana, ai anggo
Ibana, tangkas do diboto sibahenonna. Dungi didok Si Pi-
lippus ma mangalusi: Nang tinuhor annon arga dua ratus
uang roti, ndang ganup nasida, saotik be. Dungi ro ma hata
4


50 §31. TUHAN DJESUS ENZ. Matt. 14. Mark. 6. Luk. 9. Joh.6.
ni siseanna na sada, Si Andreas: Adong do dison dakdanak
sada mantat roti lima dohot dengke dua; alai sadia ma i tu
na torop on. Dungi ninna Tuhan Djesus ma: Dokkon ma
hundul be na torop i. Ai lambas do hatubuan ni duhutduhut
na tau hundulannasida disi. Djadi hundul ma arga 5,000
halak na disini; morrinterinte sasaratus, dohot limalima pulu.
Dungi dibuat Tuhan Djesus ma angka roti i, djadi dung dipa-
supasu, dilehon ma tu angka siseanna i, asa diporlehon nasida
tu angka na hundul i; dungi dengke i pe, suang do muse
songon i dibahen, guru lomo ni rohana. Djadi dung butong
be nasida, ninna Tuhan Djesus ma mandok angka siseanna i:
Papungu hamu ma angka ebaeba, asa unang adong na ma-
gopo. Djadi dipapungu nasida ma angka ebaeba i gok sam-
pulu dua hirang, na lobi sian roti na lima i, dung butong be
nasida. Asa dung diida angka djolma i halongangan ni roha-
nasida, na binahen ni Tuhan Djesus, angka ninna ma: Ibana
do tutu panurirang, na naeng ro i tu tano on.
Djadi dung manganto roha ni Tuhan Djesus, naeng ro
angka nasida i, mambuat Ibana pabangkithon gäbe radja, laho
ma Ibana sasadasa mulak tu dolok. Djadi dung morejak bo-
dari, tuat ma angka siseanna tu tao, dungi morparau ma
nasida tu huta Kapernaum; nunga pola holom, ndang ro
Tuhan Djesus mandapothon nasida. Dungi guntur ma laut i,
dibahen habahaba, djadi tarsosak ma nasida, dibahen angka
galumbang i. Alai dung djumpang gansi ni pordjaga pao-
pathon, ro ma Tuhan Djesus mandapothon nasida, mordalan
di gindjang ni aek. Djadi dung diida angka siseanna i Ibana
mordalandalan di atas aeh i, tarsonggot ma rohanasida, angka
ninna ma: Begu do i, huhut mangangguhi ma nasida, dibahen
biar ni rohanasida i. Alai manigor dipangkulingi Tuhan Djesus
ma nasida, ninna ma: Pos ma rohamu, Ahu do i! Dungi di-
dok Si Petrus ma; Ale Tuhan! Molo Ho i, dokkon ma ahu ro
mandapothon Ho, mordalan di atas aeh i! Antong ro ma ho,
ninna Tuhan Djesus. Djadi ruar ma Si Petrus sian parau i,


§ 32. BORUBORU KANANI ENZ. Matt. 15. Mark. 7. 51
mordalan ma ibana di atas ni aeh i mandapothon Tuhan
Djesus. Alai dung diida ro habahaba, mabiar ma ibana, dungi
mamungka lonong ma, djadi djoudjou ma ibana: Ale Tuhan,
pangolu ahu; djadi mamintor disurdukkon Tuhan Djesus ma
tanganna manangkup ibana, didok ma: Oë ho porporsea na
metmet, beasa tung ganggu roham. Dungi manaek ma nasida
tu parau i, djadi so ma alogo i. Dungi ro ma angka na di
parau i morsomba tu Ibana, angka ninna ma: Ho do tongon
Anak ni Debata.
§ 32. BORUBORU KANANI, NA PORSEAL
Matt. 15. Mark. 7.
Dungi didalani Tuhan Djesus ma luat Galilea i, ai ndang
olo be Ibana moringaningan di luat Djudea, ala na naeng
buriuon ni halak Djahudi Ibana. Dungi laho ma Tuhan Dje-
sus sian i tumopot luat Tirus dohot Sidon, djadi dibongoti
ma sada djabu na disini, dipangido rohana nian, unang diboto
halak Ibana; alai ndang tarbahen, ai tarbortik do Ibana tu
pinggol ni boru Kanan i, djadi dipaihutihut boruboru i ma
Ibana, huhut mandjoudjou; ai morsahithon begu na ronsam
do boruna i, ninna ma: Ale Tuhan! Anak ni radja Daud,
asi ma roham di ahu! Ai bernit do diahap borungku dibahen
begu. Alai ndang dialusi Tuhan Djesus ibana, nanggo san-
dok. Dungi ro ma angka sisean i mangelekelek Tuhan Dje-
sus, angka ninna nasida ma: Pamuli ma boruboru i sian lam-
bungmon, ai hita do dipadjoudjou. Dungi ninna Tuhan Dje-
sus ma mangalusi: Ndang sinuru Ahu, nda holan tu angka
birubiru na mago sian pinompar ni halak Israel. Dungi ro
ma boruboru i tu djolona morsomba Ibana, huhut ma didok,
sai urupi ma ahu! Alai ninna Tuhan Djesus ma mangalusi:
Ndang na tama rampason roti ni angka dakdanak, dumek-
dekkon tu djolo ni angka biang. Olo ale Tuhan! Alai
dipangan angka biang do ebaeba, angka na madekdek sian
4*


52 § 33. DIPAMALUM TUHAN DJESUS ENZ. Mark. 7. 8.
medja ni ompuna, ninna boruboru i. Dungi ninna Tuhan
Djesus ma mangalusi nasida: Porporsea na godang do ho
inang! Saut ma tu ho pinangidom! Djadi malum ma dihilala
boruna i, di na santongkini.
§ 33. DIPAMALUM TUHAN DJESUS DO SADA HALAK
NA NENGEL DJALA NA NGUNGU DOHOT NA
MAPITUNG SADA HALAK.
Mark. 7. 8.
Djadi dung ditadingkon Tuhan Djesus luat Tirus dohot
Sidon i, laho ma Ibana tu luat Galilea. Djadi ro ma na
mamboan sada halak, na nengel djala na ngungu tu Ibana
mangelekelek Ibana, asa diampehon tanganna tusi. Djadi
dipapulik Tuhan Djesus ma na hansitan i sian na torop i.
dipabongot ma djaridjarina tu pinggolna dungi morsitidjur
ma Tuhan Djesus, didjama ma dohot dilana. Dungi manaili
ma Ibana dompak gindjang, morhosa godang ma Ibana; dungi
didok ma mandok na nengel i: Hepata! na mand ok: Mung-
kap ma! Djadi tongkini ma mungkap pinggolna i, har ma
dohot ihot ni dilana, djala tureture ma dohot pangkulingna.
Dungi diorai Tuhan Djesus ma nasida paboahon i tu
manang ise. Alai lam diorai, lam dipaboa nasida do. Djadi
longang situtu ma roha ni halak, angka ninna ma: Ture do
sude dibahen, na morbinege do angka na nengel dibahen,
djala na mangkuling do dohot na ngungu.
Dungi diebati Tuhan Djesus ma huta Betsaida, djadi
diboan angka na mamboan ma na mapitung sada halak tu
Ibana, dungi dielekelek ma, asa didjama. Djadi ditangkup
Tuhan Djesus ma tangan ni na mapitung i, ditogihon ma
ibana tu balian ni huta i, dibursihi ma matana, dungi diam-
pehon ma tanganna tu ibana, dungi disungkun ma manang
na adong diida. Djadi dipameong ma matana i, dungi didok


§ 34. NA MAPITUNG HIAN PORTUBUNA. Joh. 9.
53
ma: Songon hau do huida angka djolma, na mordalandalan i.
Dungi diulahi Tuhan Djesus ma mangampehon tanganna tu
matana i, dungi didokkon ma muse manaili, djadi nunga
malum situtu dihilala, nunga tangkas saluhutna diida. Dungi
dipamuli Tuhan Djesus ma ibana, ninna ma: So tung dipa-
boaboa ho i manang tu ise.
§ 34. NA MAPITUNG HIAN PORTUBUNA.
Joh. 9.
Dungi di na mamolusi Tuhan Djesus, diida ma sada
halak na mapitung hian portubuna i.
Dungi disungkun angka sisean i ma Tuhan Djesus: Angka
ninna ma: Ale guru! Ise do na mordosa sian nasida, ibana
do, manang natorasna? umbahen na mapitung ibana tubu.
Djadi ninna Tuhan Djesus ma mangalusi: Ndang dibahen do-
sana, manang dosa ni natorasna, asa tung patar annon tarida
angka pambahen ni Debata di ibana, i do umbahen songon i.
Djadi dung didok Tuhan Djesus songon i, ditidjuri ma tano i,
mambahen gambo sian idjurna i, didaishon ma gambo i tu
mata ni na mapitung i, dungi ninna ma mandok ibana: Laho
ma ho morsuap tu ambar Siloa! Djadi laho ma ibana tusi,
disuapi ma, gäbe mornida ma matana laho muli. Dungi
didok angka donganna sabutuha dohot angka na mornida
mangido asiasi ibana na djolo: Nda on do i, na hundulhundnl
mangido asiasi na djolo? Ibana do i, ninna na deba, alai na
debanari mandok: Tudos do, anggo rupana. Alai anggo
ibana mandok: Ahu do i tutu. Alai tongon di ari minggu
do di na niungkap ni Tuhan Djesus mata ni halak ondeng.
Djadi disungkun angka parise ma tu ibana pangalahona
umbahen mornida ibana. Djadi didok ma mangalusi nasida :
Adong sahalak na morgoar Tuhan Djesus, gambo do didaishon
tu matangku, dungi laho ahu morsuap didokkon, djadi mor-


54 § 34. NA MAPITUNG HIAN PORTUBUNA. Joh. 9.
nida ma matangku. Dungi ninna na deba sian halak parise
i ma: Ndang djolma na sian Debata Ibana, ai ndang ingot
Ibana di ari minggu. Alai na debanari mandok: Beha ma
patupa ni halak pordosa mambahen halongangan sisongon i?
Djadi mordua ma rohanasida i. Dungi diulahi nasida ma
muse mandok tu na mapitung i: Ja ho, beha do dohononmu
taringot tu Ibana, ala na niungkapna i matami ? Dungi dialusi
ma hatanasida, ninna ma: Panurirang do Ibana. Alai ndang
dihaporseai halak Djahudi na mapitung ibana na djolo, gäbe
mornida nuaeng, andorang so ro natorasna, didjou nasida.
Djadi dung ro, angka ninna nasida ma: On do tongon
anakmu, na nidokmunai, mapitung do ibana tubu? Songon
dia do pangalahona umbahen mornida ibana nuaeng? Dungi
didok natorasna i ma mangalusi nasida: Tangkas do huboto
hami anaknami do on, djala mapitung ibana tubu, alai ma-
nang beha umbahen mornida ibana nuaeng, indang huboto
hami. Ibana ma sungkun hamu; ai i nama balgana, asa ibana
paboahon pangalahona i. Alai dibahen biar ni rohanasida do
mida halak Djahudi, umbahen didok nasida songon i, ai nunga
mordos ni roha halak Djahudi hian pabalihon sian porguruan,
ia adong manang ise na mandok Kristus do Tuhan Djesus.
Dungi diulahi nasida ma mandjou na mapitungi, djala didok
ma mandok ibana: Sai pasangap ma Debata! Huboto hami
do, halak pordosa do Ibana. Djadi dialusi ma hatanasida i
ninna ma: Manang na pordosa Ibana, indada hupabotoboto,
sasada on do na huboto, na mapitung do ahu na djolo, gäbe
mornida do ahu nuaeng. Dungi ninna nasida ma mandok
ibana: Beha do pangalaho ni pangungkapna di matami?
Dungi didok ma mangalusi: I pe hupaboa di hamu, indang
dibege hamu? Naeng paduahalihon, huroha begeonmuna?
Naeng dohot do hamu gäbe siseanna? Dungi hona hata ma
ibana dibahen nasida, angka didok ma: Ho do siseanna,
sisean ni Si Musa do anggo hami. Ai huboto hami do na
niangkupan ni Debata Si Musa mangkatai, alai anggo Ibana


§ 35. TUHAN DJESUS PORMAHAN NA BURDJU. Joh. 10. 55
ndang huboto hami manang sian dia. Dungi ninna ma muse
mangalusi: Alai halongangan ma i tutu, na so binotomunai
manang sian dia Ibana, alai pola do diungkap matangku-
Alai itaboto be do, ndang ditangihon Debata halak pordosa:
molo adong na mangkabiari Debata, djala mangula lomo ni
rohana, i do ditangihon. Sian mula ni tano on, ndang dung
taringot dope adong na mangungkap mata ni na mapitung
tubu. Aut na so tubu Ibana sian Debata, ndang tarpatupasa
agiaha. Dungi ninna nasida ma mangalusi ibana: Na tubu
di bagasan dosa situtu do ho, tung naeng adjaranmu hami?
Dungi dipabali nasida ma ibana. Dungi dibege Tuhan Djesus
ma naung dipabali nasida ibana, djadi di na padjumpangi
nasida muse, ninna Tuhan Djesus ma mandok ibana: Porsea
do ho di Anak ni Debata? Dungi didok ma mangalusi: Ise
do i, ale Tuhan, asa porsea ahu di Ibana. Dungi ninna
Tuhan Djesus ma: Nunga diida ho Ibana, na’niangkupanmu
mangkatai, i ma Ibana. Djadi didok ma mangalusi: Na porsea
do ahu ale Tuhan, djala huhut ma disomba Tuhan Djesus.
Dungi ninna Tuhan Djesus ma: Ahu do uhum na ro tu tano
on, asa mornida angka na so mornida hian, djala asa mapi-
tung angka na mornida hian. Djadi adong ma deba parise,
na umbege hatana ondeng, gäbe didok ma mandok Ibana:
Nda tung dohot hami na mapitung di roham? Dungi ninna
Tuhan Djesus ma: Aut ni na mapitung hamu, ndang adong
dosamuna; alai dibahen na didok hamu: Mornida do hami,
i ma umbahen mian dosamuna i di hamu.
§ 35. TUHAN DJESUS POBMAHAN NA BUBDJU.
Joh. 10.
Dungi ninna Tuhan Djesus ma: Na tutu situtu do na
hudok on di hamu, manang ise na so sian pintu laho masuk
tu bara ni birubiru i, panangko do i, djala pamunu; alai na


56 § 35. TUHAN DJESUS PORMAHAN NA BURDJU. Job. 10.
masuk sian pintu i, i ma pormahan ni birubiru i, ungkapon ni
sidjaga pintu i ma di Ibana, djala tangihonon ni angka biru-
biru i do soarana, djala djouonna do goarnasida be, manogi-
hon tu balian. Dungi dung ruar nasida, diuluhon ma nasida,
djadi diihuthon angka birubiru i ma Ibana; ai ditanda do
soarana. Alai ndang olo nasida mangihuthon tu na so tinan-
dana i, na maporus do nasida mida ibana, ai ndang ditanda
soarana. Tu nasida do dipaboa Tuhan Djesus umpama ondeng;
alai ndang dapot rohanasida na nidokna i tu nasida. Dungi
diulahi Tuhan Djesus ma mandok tu nasida: Na tutu situtu
do na hudok on di liamu: Ahu do pintu ni birubiru i. Sude
angka na mandjoloani Ahu, panangko djala pamunu do nasida,
alai ndang ditangihon birubiru i nasida. Ahu do pintu i, ia
adong na masuk manang ise morhitetite Ahu, dapotan, ha-
ngoluan do, djala morulak muli do dapotan na lomak. Ja
panangko i, ndang na ro i, ianggo so laho manangko dohot
mamunu dohot mangago. Alai anggo Ahu, umbahen na ro.
asa mangolu do nasida, djala lobian nasida.
Ahu do pormahan na burdju. Na olo do pormahan na
burdju i mangalehon hosana humophop angka birubiru i. alai
pormahan sidjalo gadji, na so pormahan hian, djala na so
nampunasa angka birubiru i, laho maporus; djadi disoro an-
tuasu i ma birubiru i, angka dipaserakkon, ianggo sidjalo
gadji i maporus do; ai ndang arga aha di rohana angka
birubiru i, dibahen siida gadji do ibana. Ahu do pormahan
na burdju i, hutanda do angka na di Ahu, djala nasida pe
ditanda do Ahu, songon pananda ni Damang di Ahu, djala
songon panandangku di Damang. Na hulehon do hosangku
humophop angka birubiru i.
Adong dope birubirungku na asing, angka na so sian
bara on, ingkon dohot do i togihononku; tangihononnasida
do soarangku, dungi gäbe sada do pormahan djala sada do
dohot pinormahanna. Dungi mordua roha ma angka Djahudi
umbege hatana ondeng, torop do nasida angka mandok:


36. HASASANGAP ENZ. Matt. 16, 17. Mark. 8, 9. Luk. 9, 18—36. 57
Hasandaran ni begu do Ibana, djala na ngongar do, beasa
sai patangitangionmuna Ibana? Alai na deba mandok: Nda
tung hata ni hasiaran ni begu ha tana i, angkup ni: Tung
haungkapan begu ma mata ni na mupitung?
§ 36. HASASANGAP NI TUHAN »JESUS U»JU NA
»I BOLOHI.
Matt. 16, 17. Mark. 8, 9. Luk. 9, 18—36.
Djadi dung ro Tuhan Djesus di luat na humaliang huta
Cesarea Pilippi, disungkun ma angka siseanna, ninna ma: Ise
do didok halak Anak ni djolma i?
Djadi didok nasida ma: Adong do deba na mandok: Si
Djohannes pandidi do Ho, na debanari mandok: Si Elias do
Ho; na deba mandok: Si Djeremias do Ho, manang panu-
rirang i sada. Dungi didok Tuhan Djesus ma mandok nasida:
Ja di rohamu, ise do Ahu? Djadi didok Si Simon Petrus ma
mangalusi: Kristus, Anak ni Debata na mangolui do Ho.
Dungi didok Tuhan Djesus ma: Mortua do ho, ale Simon,
anak ni Si Djonas; ai nda tung sibuk manang mudar pabo-
tohon i tu ho, Damang na di banua gindjang i do; angkup
ni Ahu mandok di ho: Si Petrus do ho, di atas batu mamah
i do paulionku kurianku, na so tartaluhon ni angka na ruar
sian angka pintu ni banua toru.
Dungi olat ni ma dipungka Tuhan Djesus padjodjorhon
tu angka siseanna i dalanna, umbahen ingkon laho nangkok
tu huta Djerusalem Ibana, dohot godang ni na bernit sita-
ononna, dohot na laho bunuon ni halak Ibana, dohot na mulak
mangold i Ibana di ari patoluhon. Dungi diarahon Si Petrus
ma Tuhan Djesus tu lambungna ninna ma: Ramoti dirim, ale
Tuhan, dao ma i sian Ho! Dungi didompakkon Tuhan Djesus
ma Si Petrus i, didok ma: Laho ho tu pudingku, Bolis, sogo
ni rohangku do ho, ai ndang pingkiran ni Debata pingkiran


58 § 36. HASASANGAP ENZ. Matt. 16, 17. Mark. 8, 9. Luk. 9, 18—36,
ni roham, pingkiran ni djolma do. Dungi ninna Tuhan Djesus
ma mandok angka siseanna: Manang ise na naeng mangihut-
thon Ahu, ingkon disoadahon do dirina, djala diampehon ma
tu ibana hau pinorsilang ua di ibana, mangihuthon Ahn.
Ai manang ise, na naeng mangkomihomi hosana, agoan hosa
do sogot, alai manang ise na agoan hosa ala Ahu, djumpangan
hosa do. Ai aha ma laba ni djolma, nang liat portibion pe
diomo, ia diharugihon tondina.
Dungi onom borngin nari diarahon Tuhan Djesus ma Si
Petrus, Si Djakobus dohot Si Djohannes tu lambungna, dito-
gihon ma nasida tu na soding, tu dolok na timbo sada. Dungi
muba ma rupana di djolonasida, djala morsinondang do bo-
hina songon mata ni ari, ulosna pe morsinondang do songon
palito. Dungi diida nasida ma: Si Moses dohot Si Elias
mangkatai dohot Tuhan Djesus. Dungi ninna Si Petrus ma
mandok Tuhan Djesus: Denggan ma dison, ale Tuhan! Ja
denggan roham, hupauli hami ma dison tolu soposopo, sada
di Ho, sada di Si Moses, sada di Si Elias. Djadi mandoh i
dope ibana, ro ma ombun sada mangalinggomi nasida, ro ma
huhut soara sian ombun i, na mandok: On ma Anak hasi-
anku, lomo ni rohangku, i ma sitangihononmuna. Djadi dung
dibege angka nasida soara i, tungkap be ma nasida, mabiar
situtu. Dungi ro ma Tuhan Djesus mandjama nasida, djala
ninna ma: Hehe ma hamu, unang hamu mabiar. Alai dung
meong matana be, indang adong manang ise be diida nasida
disi, dungkon ni Tuhan Djesus i. Djadi di na tuat i nasida
sian doloh i, dirodi Tuhan Djesus ma nasida, didok ma: Na
so tupa paboaonmuna, na niidamunai manang tu ise, molo
so djolo hehe Anak ni djolma i sian hamatean.


§ 37. HALAK SAMARIA, NA ASI ROHAI. Luk. 10. 59
§ 37. HALAK SAMARIA, NA ASI ROHAI.
Luk. 10.
Dungi hehe ma sada halak siboto surat mangundjuni
Tuhan Djesus ninna ma: Ale guru! Ingkon aha do ulaho-
nonku, asa dapot ahu hangoluan na so ra suda? Djadi ninna
Tuhan Djesus ma mandok ibana: Beha do tarsurat di patik
ni Debata? Songon dia do didjaha ho? Dungi ninna ma manga-
lusi Tuhan Djesus: Ingkon haholonganmu do Tuhan Debatam,
sian nasa roham, dohot nasa ateatem, dohot nasa gogom,
dohot nasa pingkiranmu djala donganmu bahen dos dohot
dirim. Tongon do pangalusim, ninna Tuhan Djesus; i ma
ulahon, asa dapotan hangoluan ho sogot. Alai naeng ma
pintoranna dirina, djadi ninna ma mandok Tuhan Djesus: Ai
ise do apala donganku ? Dungi ninna Tuhan Djesus ma manga-
lusi: Adong ma sada halak na laho sian huta Djerusalem tuat
tu huta Djeriko, djadi tardobo ma ibana; dipupusi djala
dipukpuhi angka pandobo i ma ibana, dungi laho ma nasida,
dipasombu ma ibana matemate. Dungi ro ma sada halak
malimmalim, na mamolus sian dalan ondeng, djadi dung diida
na tardobo i, didatdati do laho. Suang le do songon i di-
bahen halak Lepi. Alai ro ma muse sada halak Samaria, na
mamolus dalan i, djadi dung diida na tardobo i, asi ma ro-
hana, didapothon ma ibana, dipauli ma bugangna i, dibahen
ma miak dohot anggur tusi, dipahundul ma tu hodanai, dungi
ditogihon ma tu soranganna, dungi dipauliuli ibana. Djadi
morsogotna i, di na laho borhat i ibana, dibuat ma dua rupia,
dilehon ma tu soranganna i, ninna ma mandok ibana: Sai
pauliuli ma ibana, djala ia adong harugianmu lobi sian i, hu-
garar pe tu ho, ia dung mulak ahu muse. Antong ise ma di
roham sian nasida na tolu i dongan ni na tardobo i? Boti
ma didok Tuhan Djesus. Na morasi roha mida ibana, ianggo
di rohangku, ninna siboto surat i. Dungi didok Tuhan Djesus
ma mandok ibana: Antong laho ma ho mambahen songon i!


60
§ 38. HAROAN BOLON. Luk. 14.
Dungi di na mordalani Tuhan Djesus, sahat ma Ibana tu huta
Betania, djadi adong ma disi sada boruboru na morgoar Si
Marta, na mangarahon Tuhan Djesus tu djabu, dungi adong
do sada anggina na morgoar Si Maria, djadi hundulhundul
ma i, anggo i tu lambung tot ni Tuhan Djesus mananginangi
hatana. Alai anggo Si Marta i mansai lan do hinobasanna,
manamuei Tuhan Djesus. Dungi ro ma ibana, ninna ma
mandok Tuhan Djesus: Ale Tuhan, ndang sogo roham, ala
sai dipasombu anggingku sasada ahu morhobasi? Ua dokkon
ibana, asa didjama deba! Alai ninna Tuhan Djesus ma
mangalusi ibana: Ale Marta, Marta! Godang do antong
diholsohon, djala dihasusahon roham; alai na sada on do
apala na rumingkot, Si Maria i do mamillit turpuk na du-
menggan, ndang na siunsaton i sian ibana.
§ 38. HAROAN BOLON.
Luk. 14.
Dungi ditopot Tuhan Djesus ma huta angka na balga
dohot angka na metmet, mangadjari halak di na mordalani
Ibana tu huta Djerusalem. Dungi ro ma sintua ni angka
parise i sada halak mangarahon Ibana tu djabuna mangan,
di ari minggu. Djadi dung diida Tuhan Djesus dipangido
roha ni angka na pinio i naeng hundul di djuluan, morumpama
ma Ibana tu nasida, ninna ma: la dipio manang ise ho tu
bagas porundjuhan, unang pillit tungkan djuluan hundulanmu,
aik tung adong ro donganmu na pinio na sumangap sian ho,
pabahir porhundulmu, pasiat radja i! tung ninna suhuti man-
dok ho, gäbe maila ho nama on, hundul tungkan talaga i.
Ia adong na umpio ho: tungkan talaga i ma ho hundul, asa
didok na morpioi mandok ho: Tungkan djuluan ma ho ale
radjanami! Djadi sangap ma ho di roha ni donganmu na pi-
nio i. Ai sipatimboon do na paoru dirina. Dungi ninna Tuhan
Djesus ma dohot tu na morpio Ibana: Ia morpio ho man-


§ 38. HAROAN BOLON. Luk. 14.
61
dokkon mangan manang arian manang botari, unang holan
alealem pio, manang donganmu sabutuha, manang tondongmu,
manang donganmu sahuta, angka na mora, asa dipio nasida
ho muse di roham mangulahi. Taganan, ia morpio ho, pio
angka na pogos dohot angka na lumpu, angka na pangpang
dohot angka na mapitung, asa mortua ho, ai ndang adong
bahenonnasida mangulahi tu ho, alai sai mulak do i tu ho
sogot di hamumulak ni angka halak porroha na tigor man-
golu. Dungi ninna na sahalak na umbege hata ondeng ma
mandok Tuhan Djesus: Mortua ma na mangan. roti di hara-
djaon ni Debata. Alai ninna Tuhan Djesus ma mangalusi
ibana: Adong ma sada halak na morharoan na bolon, tung
torop ho halak digokkon be. Djadi dung djumpang mata ni
haroanna i disuru radja i ma sada naposona mandok tu
angka na ginokkona i: Ro be ma hamu ale, nunga ture sude.
Alai morsidalian be ma nasida; didok na pordjolo i ma:
Adong hutuhor hauma santurpuk, ndang tarbahen so laho
ahu nuaeng maningkir i. Radja ho sai ondihon ma ahu.
Dungi didok na paduahoni ma: Adong hutuhor lima auga
horbo, na laho ma ahu nuaeng mandulo; Radja ho sai ondi-
hon ahu. Dungi didok na patoluhoni ma: Na imbaru man-
goli ahu, dibahen i do umbahen so tarbahen ahu ro. Dungi
ro ma naposo i, dipaboa ma hatanasida tu radjanai. Djadi
tarrimas ma radjai, dungi didok ma mandok naposona i: Laho
ma ne ho, topoti ma angka alaman dohot angka sirpang di
huta i, togihon ma sian i angka na pogos dohot angka na lumpu
dohot angka na pangpang dohot angka na mapitung. Dungi
didok naposo i ma mandok radjana i: Nunga hupasaut i, ale
Tuhan, na nidokkonmi, alai lumbang dope. Dungi ninna
radja i ma: Antong laho ma ho tumopot angka dalan na bolon,
dohot dalan angka na tu porlak, togihon ma nasida sian i,
asa gok bagas i. Alai hudok ma di hamu, na so tupa daion
ni angka pinio pardjoloi be sipanganon na sian haroan on.


62 § 39. AN AK NA MAGOL Luk. 15.
§ 39. ANAK NA MAGOL
Luk. 15.
Dungi ninna Tehan Djesus ma sahali: Adong ma halak
sada dua do anakna; djadi ro ma hata ni siampudani, ninna
ma mandok amana i: Ale amang: Sai lehon ma di ahu tur-
pukku sinamotmi! Dungi dibagi amana i ma sinamotna di
nasida. Dungi ndang pola sadia lelengna i be, dipapungu-
pungu siampudani ma nasa na di ibana, dungi borhat ma
ibana tu luat na dao tu pordjalangan, dipasude ma disi
ugasanna, dipansuasaehon. Djadi dung suda na di ibana i
masa ma haleon potir di na sa luat i, gäbe rapar ma ibana.
Dungi laho ma ibana mahiandu tu sada halak porumauma
na di luat i, na morsuru ibana tu balian mormahanmahan
angka babi. Djadi dipangido rohana ma nian ondjathononna
tu butuhana indahan ni babi i; alai ndang adong na ma-
ngaloas. Dungi dipasuang ma rohana tu bagasan, ninna ma:
Na sai torop do na mangan gadji di damang morlobilobi do
nasida di roti, alai anggo ahu mate so mangan songon on;
laho nama ahu mulak tu damang, hudok nama mandok ibana:
Ale amang! nunga morsala ahu dompak banua gindjang do-
hot dompak ho, ndang be tama ahu dohonon anakmu; bahen
nama ahu doshon naposom sada. Dungi borhat ma ibana
morune tu amana i, alai dao dope ibana nunga ditatap amana
i ibana, djadi habot ma rohana mornida; dungi ditomutomu
ma tu tongan dalan, dihaol ma, djala diumma. Dungi ninna
anah i ma mandok amana i:
Ale amang! nunga mordosa ahu dompak banua gindjang
dohot moradophon ho; ndang be tama ahu dohonon anakmi.
Alai didok amana i ma mandok naposona i: Alap hamu ma
sada ulos na dumenggan, uloshon hamu ma tu ibana, djala
surukkon hamu ma tu tanganna tintin, dohot sipatu tu totna;
dungi boan hamu ma sada anak ni lombu, na pinamokmoh i,
samboli hamu ma i, asa mangan hita, djala morlas ni rolia;


§ 30. ANAK NA MAGOI. Luk. 15.
63
ai na mate do anak on nasai laon, gäbe mangolu do muse,
naung mago do ibana, gäbe djumpang do muse. Dungi
mamun^ka morlas ni roha ma nasida. Alai di hauma do
anakna sihahaani, djadi dung lam djonok ibana mandapotkon
djabu i, dibege ma angka endeende, dohot suraksurak, djadi
didjou ma sada sian angka naposoi, pamanathon manang na


64 § 40. HALAK NAMORA DOHOT ENZ. Luk. 16, 19-31.
morhua disi. Dungi ninna naposoi ma mandok ibana: Nunga
ro anggimi, djadi dibuat amanta ma sada anak ni lombu na
pinamokmok, ala na hipas anggimi mulak. Dungi muruk ma
ibana, ndang olo masuk tu djabu i; djadi midjur ma amana i
mangelekelek ibana. Alai ninna ma mangalusi amana i: Na
sai laon hupangulahon ho, ndang dung hulaosi patikmi, alai
ndang dung adong dilehon ho dope nanggo hambing tunggal
sada, asa morlas ni roha ahu nian, rap dohot angka alealengku.
Alai ia anakmu, na morsuasaehon sinamotmi, angka tu boru
ni halak, diharoani ho do, dung ro ibana. Alai ninna amana i
ma mangalusi ibana: Ale amang! Tongtong do ho di lambungku
djala sude na di ahu i, ho do nampunasa. Alai tama ma
morlas ni roha ho nian, ai ia anggimi naung mate do i di
rohangki, djadi mangolu muse, naung mago do na sai laon.
gäbe tarida.
§ 40. HALAK NA MORA DOHOT SI LASARUS
NA POGOSI.
Luk. 16, 19—31.
Dungi adong ma sada halak na mora, na morabit hain
bunga dapdap (purpur) dohot surta na bontar (Bissus) djala
silindakkon na gok do ibana, ganup ari mangulahon las ni
rohana. Alai adong ma udju i sada halak na pogos, na
morgoar Si Lasarus, na peak di lambung ni pintu godang ni
na mora i, sap do dagingna i baro. Djadi dipangido rohana
ma manganhon angka ebaeba na madekdek sian panganan ni
na mora i, ianggo angka biangi ro do mandilati angka barona i,
Alai di laonlaon ni ari, di hamamate ni na pogos i, ro ma
angka surusuruan ni Debata mamboan ibana tu ampuan ni Si
Abraham. Alai mate muse ma dohot na mora i, dungi ditanom
halak. Djadi dung sahat ibana ro di banua toru, di na
bernit i, manaili ma ibana dompak gindjang, djadi ditatap
ma Si Abraham dohot Si Lasarus di ampuanna i. Dungi


§ 41. HAMUMULAK NI SI LASARUS ENZ. Joh. 11. 65
djoudjou ma ibana, ninna: 0! ompung Abraham, sai asi ma
roham mida ahu, suru ma Si Lasarus, asa disornophon udjung
ni djaridjarina tu aek, palamohon dilangkon, ai bemit do
huahap pangonai ni api on. Alai ninna Si Abraham ma: Ingot
damang ma turpukmu na denggan i, naung djinalomi tagan
di ngolum, ianggo Si Lasarus on, na bernit do turpukna udju i;
alai anggo nuaeng siapulon do ibana, ai ianggo ho sitahan na
bernit nama ho. Ba, angkup ni, lombang bolon do holang-
holangta, asa unang tarbahen manang ise sian on laho tusi,
djala, asa unang tarbahen manang ise hamu na naeng ro tuson.
Dungi ninna ma: Molo songon i, ale ompung, sai suru ma Si
Lasarus i tu bagas ni damang; ai adong dope lima halak
hahaanggingku, asa tung tangkas dipaboa tu nasida, asa unang
dohot angka nasida ro tu inganan na bernit on. Dungi ninna
Si Abraham ma: Surat ni Si Musa dohot surat ni angka pa-
nurirang i ma sitangihononnasida. Alai ninna ma mangalusi:
Ndang i ale ompung Abraham! Ndang tagamon so paubaon-
nasida rohana, aut adong sahalak ro sian naung mate tu
nasida. Dungi didok Si Abraham ma: Molo so ditangihon
nasida surat ni Si Musa dohot surat ni angka panurirang i,
ndang tagamon tangihononna, nang adong na mulak sian na
mate ro tu nasida.
§ 41. HAMUMULAK NI SI LASARUS MANGOLU.
Joh. 11.
Asa adong ma sada halak na hansitan, na morgoar Si
Lasarus sian huta Betania. Djadi disuru angka ibotona i,
na morgoar Si Marta dohot na morgoar Si Maria ma, na
paboahon tu Tuhan Djesus: Ale Tuhan! Adong do nuaeng
sahit ni haholongan ni roham. Djadi dung dibege Tuhan
Djesus hata i, ninna ma: Ndang sahit hamatean i, sahit na
pasangaphon Debata do i, asa lam sangap Anak ni Debata
5


66 § 41. HAMUMULAK NI SI LASARÜS ENZ. Joh. 11.


§ 41. HAMUMULAK NI SI LASARUS ENZ. Joh. 11. 67
morhite sian i. Alai holong do roha ni Tuhan Djesus di Si
Marta dohot di anggina i dohot di Si Lasarus. Djadi dung
dibege, na hansitan Si Lasarus i, mangulon dope Ibana dua
arinari di huta ingananna i. Dungi ninna ma mandok angka
siseanna i: Taulahi ma, ale, tu luat Djudea. Djadi ninna nasida
ma mangalusi Ibana: Alai naeng do dangguran ni halak
Djahudi Ho naengauon, ale guru, ulahanmu muse laho tusi?
Dungi ninna Tuhan Djesus ma mandok nasida: Na mate do
Si Lasarus alealenta i, alai na laho ma Ahu pangoluhon ibana.
Onpe anggo taringot tu hamu, na las do rohangku, ala so
disi Ahu udju i, asa tung porsea hamu; antong beta ma hita
manopot ibana. Djadi dung tolhas ro disi Tuhan Djesus,
nunga pola opat borngin di tanoman Si Lasarus i didapot,
djala lan do halak Djahudi ro mandulo Si Marta dohot Si
Maria mangapul nasida, dibahen na matei ibotona i. Djadi
dung dibege Si Marta na ro Tuhan Djesus, laho ma ibana
manomunomu. Alai anggo Si Maria tinggal do di djabu.
Dungi didok Si Marta ma mandok Tuhan Djesus: Aut ni
dison Ho, ale Tuhan, ndang na mate ibotongki; alai nuaeng
pe huboto do, nasa na pinangido ni roham sian Debata, sai
lehononna do di Ho. Dungi ninna Tuhan Djesus ma mandok
ibana: Na mulak mangolu do ibotom. Dungi ninna Si Marta
ma: Olo, ale Tuhan, huboto do, na mulak mangolu ibana
sogot di hamumulak ni halak mangolu di ari porpudi.
Dungi ninna Tuhan Djesus ma mandok ibana: Ahu do
hahehean dohot hangoluan. Manang ise, na porsea di Ahu,
mangolu do sogot, nang mate ibana, dihaporseai ho do i?
Dungi ninna Si Marta ma: Olo, ale Tuhan, na porsea do
ahu, Ho do Kristus Anak ni Debata, na ro tu tano on. Djadi
dung didok songon i, muli ma Si Marta morsibuni mandjou
anggina, Si Maria i, ninna ma: Nunga disi guru i, na mandjou
do Ibana di ho. Djadi dung dibege Si Maria hata i, hapogan
ma ibana hehe mandapothon Tuhan Djesus, ai ndang dope
tolhas tu huta i Ibana. Djadi dung padjumpang Si Maria
5*


68 § 42. HAMEMEBAT NI TUHAN ENZ. Luk. 17, 18.
dohot Tuhan Djesus, dipatungkap ma ibana tu pat ni Tuhan
Djesus, huhut ma didok: Ale Tuhan, aut na dison Ho, ndang
na mate ibotongku. Djadi dung diida Tuhan Djesus ibana
tumatangis, habot ma rohana, dungi ninna ma: Tu dia do
dipeakkon hamu ibana ? Antong, ro ma Tuhan i tuson mornida,
ninna nasida mangalusi Ibana. Djadi dohot ma mata ni Tuhan
Djesus moriluilu. Dungi didok angka halak Djahudi ma: Ida
ma hinaholong ni rohana i di ibana! Alai adong do deba sian
nasida na mandok: Ndang tarpatupasa huroha, mangambati
alealena unang mate, atik pe malo Ibana mangungkap mata ni
na mapitung. Dungi sahat ma Tuhan Djesus tu lambung ni
tanoman i; alai liang do tanoman i, djala batu do langkopna.
Dungi ninna Tuhan Djesus ma: Hindati hamu ma batu i!
Dungi ninna Si Marta, iboto ni na mate i: Nunga pola bau
ibana, ale Tuhan! Ai nunga sanga opat borngin ibana disi.
Dungi ninna Tuhan Djesus ma: Nda nunga hudok di ho, anggo
porsea ho, idaonmu do hasangapon ni Debata? Djadi dihindat
nasida ma batu i, langkop ni tanoman i. Dungi manaili ma
dompak gindjang Tuhan Djesus, mandok: Ale Amang! Mau-
liate ma rohangku tu Ho, ala na ditangihon Ho Ahu! Djadi
dung didok songon i, dipagogo ma soarana mandjou: Lasarus,
ruar ma ho! Dungi ruar ma tutu na mate i, na nirahutan
dohot saputna tu totna dohot tu tanganna, na hinuphupan do
bohina dohot apusapus ni panasna. Dungi ninna Tuhan Djesus
ma mandok nasida: Harhari hamu ma, asa mordalani ibana.
§ 42. HAMEMEBAT NI TUHAN DJESUS, APALA
PORPUDI TU IIUTA DJERUSALEM.
Luk. 17, 18.
Asa di na laho i Tuhan Djesus tu huta Djerusalem,
mamolus ma Ibana sian tongatonga ni luat Samaria dohot
Galilea. Dungi di na masuk Ibana tu sada huta adaran,


§ 42. HAMEMEBAT NI TUHAN ENZ. Luk. 17, 18.
69
padjumpang ma Ibana dohot sampulu halak na puruon, na
djondjong disi mandaodao, dipagogo be ma soarana mandok
TuhanDjesus: Ale guru! Asi ma roham diharni! Djadi dung
diida Tuhan Djesus nasida, ninna ma: Laho ma hamu, patu-
duhon ma hamu tu angka malimmalim. Djadi di na laho i
nasida, ias ma dagingnasida i. Alai sada sian nasida, dung
diida nunga malum, mulak ma ibana, huhut ma dipagogo
soarana mamudji Debata, dungi manungkap ma ibana tu pat
ni Tuhan Djesus, mandok mauliate rohana; i ma sada halak
isi ni Samaria. Dungi ninna Tuhan Djesus ma mangalusi:
Nda sampulu nasida naung ias? Di dia do na sianari? Ndang
adong djumpang huroha, na mulak, na pasangaphon Debata,
dungkon ni halak pordagang on? Dungi ninna Tuhan Djesus
ma mandok ibana: Hehe ma ho, laho ma ho, nunga mangolu
ho dibahen haporseaonmu! Dungi dipamboan halak ma angka
posoposo tu Tuhan Djesus, asa didjama; alai dung diida angka
siseanna i, disonggahi ma angka na mamboan i. Alai didjou
Tuhan Djesus ma angka nasida tu lambungna, ninna ma:
Loas hamu ma angka dakdanah i ro tu lambungkon, unang
orai hamu; ai tu angka sisongon i do haradjaon ni Debata.
Na tutu do na hudok on di hamu: Manang ise, na so man-
djalo haradjaon ni Debata songon dakdanak, ndang tarba-
hensa masuk.
Dungi di na mandapothon huta Djeriko Tuhan Djesus,
hundulhundul ma didapot sada halak na mapitung di pinggol
ni dalan mangidoido. Djadi dung dibege mamolus na torop i,
manungkunnungkun ma ibana manang aha na masa. Dungi
ninna nasida ma mandok ibana: Tuhan Djesus, na sian huta
Nasaret, i do mamolus sian on. Dungi djoudjou ma ibana:
Ale Djesus! Anak ni radja Daud, asi ma roham di ahu, ninna.
Alai disonggahi angka na djumolo i ma ibana, asa sip. Alai
lam digogo do mandjoudjou, mandok: Ale Anak ni radja
Daud, asi ma roham di ahu! Djadi so ma Tuhan Djesus,
didokkon ma na manogihon tu lambungna, djadi dung diboan,


70 § 43. HABOBONGOT ENZ. Matt. 21. Mark. 11. Luk. 19. Joh. 12.
disungkun Tuhan Djesus ma ibana, ninna ma: Aha dipangido
roham sian Ahu? Djadi ninna ma: Ale Tuhan! Sai naeng
ma nian mornida matangkon. Dungi ninna Tuhan Djesus ma
raandok ibana: Antong mornida ma ho! Nunga mangolu ho
dibahen haporseaonmu. Djadi pintor mornida ma tutu matana,
dungi diihuthon ma Tuhan Djesus, huhut mamudji Debata,
djadi dohot ma sude na torop, na mornida i, mamudji Debata.
§ 43. HABOBONGOT NI TUHAN DJESUS TU HUTA
DJERUSALEM.
Matt. 21. Mark. 11. Luk. 19. Joh. 12.
Dungi di na mandapothon huta Djerusalem i nasida di
lambung sosor Betpage, na di lambung ni dolok Djetun i,
disuru Tuhan Djesus ma dua halak siseanna, ninna ma: Laho
ma hamu tu sosor an, na di djolomuna i, djumpang hamu ma
tambat disi sada halode inaina, anakna di lambungna; tanggali
hamu ma i, djala togu hamu ma tuson. Ja adong na mandok
beha tu hamu, songon on ma dok hamu: Ringkot do ulaonna
bahenon ni Tuhan i, manigor loasonna do boanonmu. Alai masa
pe sasudena i, paboa naung djumpang do na nidok ni panu-
rirang i, na mandok: Paboa hamu ma tu boru Sion: Ida ma!
Nunga ro Radjam, na lambok morroha, mangkunduli anak ni
halode boban, manopot ho. Dungi laho ma na dua sisean ni
Tuhan Djesus i, dibahen ma songon na nidokkonna i, diboan
nasida ma sian i halode boruboru i rap dohot anakna i. Dungi
dipambahen ma ulosnasida tu tanggurung ni halode i, dipai
hundul ma tusi Tuhan Djesus i. Alai lan do na torop i
mangkembangkon ulosna be tu dalan i, na debanari manallih-
angka ranting ni hau, dohot paserakkon tu dalan. Djadi
dung lam djonok, di na manuati dolok Djetun i Ibana, dipa-
gogo siseanna saluhutna ma soarana be mamudji Debata,
morningot sasude, na binahenna na niidanasida i; angka ninna


§ 43. HABOBONGOT ENZ. Matt. 21. Mark. 11. Luk. 19. Joh. 12. 71


72 § 43. HABOBONGOT ENZ. Matt. 21. Mark. 11. Luk. 19. Joh. 12.
ma: Dame ma di banua gindjang, djala hasangapon ma di
gindjang ginindjangan. Dungi morsurak ma dohot na torop i,
angka na djumolo, dohot na mangihuthon sian pudi, angka
ninna ma: Hosianna ma di Anak ni radja Baud! Pinasupasu
ma na ro i morhitehite goar ni Tuhan Djesus. Hosianna ma
di banua gindjang. Dungi ninna na deba na sian angka
parise i ma mandok Tuhan Djesus: Ale guru! Ua pinsang
ma antong angka siseanmi! Alai ninna Tuhan Djesus ma
mangalusi nasida: Hudok ma di hamu, aut ni sip angka
nasida on, djoudjou do angka batu i. Dungi di na lam djo-
noh i Ibana tu huta i, dibereng ma djala ditatangisi, huhut
ma didok: Aut na diboto ho ma nian di arimon, na tau bahen
damedame tu ho; alai na burn do i nuaeng sian matam. Ai
ro do di ari sogot musum mangkubu mangkaliangi ho dohot
angka ianakkonmu, sosahonna ma ho humaliang, lohaonna ma
parikmu, ndang pasombuonna batu na mortinditindi, nanggo
dua, ala na so ditanda ho ari panopotan tu ho.
Djadi di na laho masuh i Tuhan Djesus tu huta Djeru-
salem guntur ma huta i, angka ninna ma: Ise do i? Dungi
ninna na torop ma: I ma Tuhan Djesus, panurirang, na sian
huta Nasaret i, na di luat Galilea. Dungi bongot ma Tuhan
Djesus tu bagas djoro ni Debata, djadi diberengi ma sasu-
dena i. Dungi ro ma angka na mapitung dohot angka na
laho manopot Ibana tu bagasan bagas djoro i, djadi dipa-
malum Tuhan Djesus ma nasida saluhutna. Alai dung diida
angka maliminalim i dohot angka siboto surat angka tanda
halongangan, na binahen ni Tuhan Djesus i, djala dung dibege
suraksurak ni angka dakdanak, na mandok: Hosianna di Anak
ni radja Daud, tarrimas ma nasida. Dungi didok ma mandok
Ibana: Dibege Ho do na nidok ni angka indi on? Dungi
ninna Tuhan Djesus ma mandok nasida: Olo. Ai ndang dung
didjaha hamu hata songon on: Dipadiri ho do di ho sian
pamangan ni angka dakdanak dohot posoposo pudjipudjian ?


§ 44. HAU ANTADJAU ENZ. Matt. 21,17-46. Mark. 11,11—26. 73
§ 44. HAU ANTADJAU NA RAHARI.
Matt. 21, 17—46. Mark. 11, 11—26.
Asa dung moreak botari laho ma Tuhan Djesus sian
huta Djerusalem tu huta Betania rap dohot siseanna, na
sampulu dua i, djadi laos morborngin ma disi. Dungi mano-
gotna i, di na laho i nasida mulak tu huta Djerusalem, male
ma butuhana. Djadi ditatap ma di lambung dalan i sada hau
antadjau na morbulung, djadi ditopot ma tusi, anggiat adong
djumpangsa. Dungi sahat ma ro disi, holan morbulung do
diida. Dungi ninna Tuhan Djesus ma mandok hau i: Ndang
djadi be panganon ni manang ise porbue sian ho saleleng-
lelengna; dungi manigor rahar ma hau antadjau i.
Asa dung tolhas Tuhan Djesus ro di huta Djerusalem i,
laho ma Ibana tu bagas djoro, dungi dipabali ma angka
portigatiga sian bagas djoro, djala ditunggalingkon ma medja
ni angka panungkari, dohot hundulan ni angka sigadis darapati,
djala ndang diloas angka na morsiboanon mamolus sian bagas
djoro i. Dungi didok ma mangadjari nasida: Nda on do didok
surat: Bagas portangiangan ni halak saluhutna do goar ni
bagashu? Alai gäbe godung ni angka pamunu do i dibahen
hamu. Dungi longang ma roha ni na torop i sasudena i
umhege podana i, djadi sai mangihutihut ma nasida tu Ibana
tumangihon hatana. Dungi moreak botari laho ma Tuhan
Djesus i tu balian ni huta i.
Dungi morsogotna i mamolus ma nasida sian lambung
ni hau antadjau i, gäbe diida ma, nunga rahar hau i ro di
uratna. Djadi morningot ma roha ni Si Petrus, didok ma
mandok Ibana: Ale guru, bereng ma hau antadjau on, na
binuraanmi, nunga rahar. Dungi ninna Tuhan Djesus ma
mangalusi nasida: Sai porsea ma hamu di Debata! Ai amen
do hatangkon na tu hamu, ia porsea hamu, djala so ganggu
rohamu, Jndada holan songon na tu hau i tarbahen hamu,
aut ni adong na mandok songon on tu dolok on: Munsat ma


74 § 45. PORLAK ANGGUR ENZ. Mark. 12, 1-12. Luk. 20, 9—19.
ho, sian on tu laut an! Sai na saut do i na nidokna i, anggo
so ganggu rohana mangkaporseai. Dibahen j hudok ma di
hamu: Sude do na pinangidomu di tangiangmu, porsea hian
ma hamu dapotan, asa dapotan hamu. Dungi molo djong-
djong hamu mortangiang, sesa hamu ma, molo tung adong
aha ni rohamu dompak manang ise, asa disesa Amamu, na di
banua gindjang i, dohot dosamuna i. Alai molo so olo hamu
manesa, ndang sesaon ni Amamu, na di banua gindjang b
angka dosamuna i.
§ 45. PORLAK ANGGUR NA NIUMPAMAHON NI
TUHAN DJESUS.
Mark. 12, 1—12. Luk. 20, 9--19.
Dungi morumpama ma Tuhan Djesus, ninna ma mandok
angka nasida: Adong ma sada halak, na manuan porlak ang-
gur, dihandangi ma i humaliang, dihali ma inganan ni pami-
pisan, dipauli ma sada tungkup di porlah i, dungi dipasahat
ma tu angka na pauliuli porlak anggur i, dungi laho ma ibana
morhuta sada lelengleleng. Djadi dung djumpang tingkina,
disuru ma sada naposona manopot angka na pauliuli porlak
anggur i, asa dialap deba porbue ni porlak anggur i. Alai
ditangkup angka na pauliuli porlak anggur i ma ibana, djala
dilinsingi, dungi disuru ma ibana muli ndang adong dilehon
boanonna. Dungi diulahi radja i ma muse morsuru naposona
sada halak na asing manopot nasida, alai batu ma dipandang-
gurhon nasida tu uluna, djala diinsakinsahi palahohon. Dungi
diulahi radja i ma muse morsuru sada halak na asing, djadi
dibunu nasida ma i, dungkon i, mansai lan dope angka na
asing disuru; deba ma sian i dilinsingi, na debanari dibunu.
Dungi adong ma anak ni radja i, anak sasada, haholongan ni
rohana, djadi didok ma: Beha nama bahenonku? Husuru
nama anak haholongan ni rohangku, anggiat mulak rohana-
sida mornida Ibana. Alai dung diida angka sipauliuli porlak


§46. HAMUMÜLAK ENZ. Matt. 24. Mark. 13,1—13 Luk. 21,5—38. 75
anggur i anakna i, morpingkir ma nasida di bagasan rohana,
angka ninna ma: I do porugasan, tole ma itabunu, asa sinok
di hita ugasanna i. Dungi dipangondjarhon nasida ma Ibana
tu balian ni porlak anggur i, djala dibunu. Molo ro radja
nampuna porlak anggur i, beha ma bahenonna tu angka
sipauliuli porlak anggur i? Dungi ninna nasida ma manga-
lusi TuhanDjesus: Sai na agohononna do angka pordjahat i,
dungi pasahatonna ma porlak anggurna i tu halak na asing, na
mangalehon porbue tu Ibana di hadjudjumpang ni tingkina.
§ 46. HAMUMÜLAK NI TÜHAN DJESUS TU TANO ON.
Matt. 24. Mark. 13, 1—13. Luk. 21, 5-38.
Dungi di na laho i Tuhan Djesus sian bagas djoro i, ro
ma angka siseanna i tu lambungna, patuduhon tu Ibana
pangalaho ni bagas djoro i. Dungi ninna sahalak siseanna
ma mandok Ibana: Ale guru, bereng ma pangalaho ni batu i,
dohot pangalaho ni djabu on! Dungi ninna Tuhan Djesus ma
mangalusi ibana: Amen do hatangkon na tu hamu, na ro do
arina sogot, ndang adong na tinggal nanggo dua batu mor-
tindi, na so mabola. Dungi di na hunduli Tuhan Djesus di
dolok Djetun, tondong ni bagas djoro i, ro ma angka sise-
anna i manungkun Ibana: Paboa tu hami, ale guru! Andigan
masa sude na nidokmondeng? Djala di dia do portinandaan
ni harorom dohot hasesega ni hasiangan on? Djadi didok
Tuhan Djesus ma mangalusi: Molo dibege hamu angka barita
ni hamusuon dohot na guntur, unang hamu mabiar; ai ndang
tarbahen so masa sisongon i, alai ndang djonok dope, anggo
apala udjungna. Ai na hehe ma sogot angka marga ni halak
dohot angka haradjaon, djala masa ma dohot lalo morluatluat,
masa ma dohot haleon potir dohot begu na djorbut, masa
ma dohot angka panonggoti dohot portinandaan, angka na
balga sian banua gindjang. Alai panungkaan ni hasosahan


76 § 46. HAMUMULAK ENZ. Matt. 24. Mark. 13,1 — 13. Luk. 21, 5-38.
dope i. Sai palambas hamu ma rohamu pataontaonhon, asa
di hamu tondimuna; ai manang ise na manaon ro di udjungna,
ndang be mago. Dungi tarbarita ma barita na uli i, na sian
haradjaon i tu saluhut hadjolmaon, bahen sangsi dompak sa-
luhutna marga ni halak, dungi pe, asa ro udjungna. Alai
molo diida hamu parangan mangkaliangi huta Djerusalem,
laho ma maporus tu dolok, manang ise na di luat Djudea;
na di gindjang ni bagas pe, unang midjur tu djabu mangalap
manang aha sian djabuna i; angka na di balian pe, unang
muli mangalap angka ulosna. Ai angka ari pamalosan ma i,
asa tung na sintong sude hata na tarsurat i. Alai mordjea
ma angka na morhangoluan dohot angka panusuan disi. Alai
pangido hamu hian ma, asa unang di hamamasa ni ari rondo
hapoporusmuna. Ai hamamasa ni hasosahan na so dung adong
dope sian mula ni nasa, na tinompa ni Debata, hasosahon na
ro on; dungkon i, ndang adong na masa be sisongon i sogot.
Ai hasosahan na balga do na ro on tu tano on, djala haroro
ni rimas tu marga na sasada on; na mortinggangan ma angka
nasida dibahen baba ni podang, ditangkupi do angka nasida,
djala disarati tu tongatonga ni marga ni halak sasudena,
djadi didegedegei halak sipelebegu ma huta Djerusalem L
paima gok taon ni halak sipelebegu.
Dungi ndang sadia leleng, dung salpu hamamasa ni
hasosahan i, mago ma sondang ni mata ni ari, dohot sondang
ni bulan, djala mordekdehan ma angka bintang sian banua
gindjang, djadi mabiar ma halak na di tano on, manderse
be ma. Maras ma roha ni halak, dibahen biar dohot dibahen
diadiaon ni rohana, umbege porhasak ni laut dohot porsi-
domdom ni angka galumbang; ai dohot do angka hagogoan
ni langit humuntal. Dungi tarida ma portinandaan ni Anak
ni djolma i di langit, djadi mangangguhi ma saluhutna marga
ni halak di tano on, dungi idaonnasida ma ro Anak ni djol-
ma i morhitehitehon ombun ni langit, mamboan hagogoan
dohot hasangapon na sumurung. Dungi suruonna ma angka


§ 47. BORUBORU NA SAMPULU ENZ. Matt. 25.
77
surusuruanna mantat sarunena, porsoara na gogo, papunguhon
sian desa na opat, angka na pinillit ni Debata sian bona ni
langit i ro di udjungna. Alai anggo di ari hamamasa ni
sudena i, manang di na sadihari, ndang adong manang ise
na umbotosa ro di angka surusuruan i, na di banua gindjang,
nda holan Damang sambing. Asa djagahon hamu hian ma
hamu, unang dokdok rohamuna bahenon ni papangan manang
bahenon ni panginum, manang bahenon ni panarihonmu di
ngolungolu, aik sadihari ro ma on ari ondeng, so pangkiri-
manmuna. Ai songon hadadabu ni tirangkap do harorona
tu saluhut isi ni portibion. Ipe sai tongtong ma hamu dungo,
huhut mortangiang, asa tau hamu maporus, pasiding sasu-
dena, na nidok ni hata ondeng, djala, asa tau hamu djong-
djong di djolo ni Anak ni djolma i.
§ 47. BOBUBORU NA SAMPULU NA MORBADJU.
DUNGO MA HAMU!
Matt. 25.
Dungi tudos ma disi, ninna Tuhan Djesus, haradjaon ni
banua gindjang tu sampulu boruboru na morbadju, angka
na mambuat palitona be, laho manomunomu pangoli. Alai
na oto do nasida na lima, na limanari angka porroha. Di-
buat angka na oto i do palitona be, alai ndada mantat miak
nasida; alai anggo angka porroha i, diboan be do miak di
bagasan pormiahan, rap dohot angka palitona. Djadi dung
leleng so ro pangoli i, mondokondok be ma nasida, dungi
laos nok ma matanasida. Alai di na tonga borngin i, adong
ma na gogo mandjoudjou: Nunga ro pangoli i, ruar ma hamu
manomunomu Ibana. Dungi hehe be ma boruboru i sudena,
dipauli be ma palitona. Alai ninna angka na oto i ma mandok
porroha i: Lehon hamu ma di hami deba miakmuna i, ai na
mintop ma palitonami. Dungi ninna angka porroha i ma


78
§ 47. BORUBORU NA SAMPULU ENZ. Matt. 25.
mandok nasida: Ndang i ale, asa unang rap hurangan hita
Topot hamu ma angka portigatiga, tuhori hamu ma di hamu.
Dungi di na laho i nasida manuhor, ro ma pangoli i, djadi
masuk ma rap dohot Ibana tu bagasan hasampuran rea
angka naung hobas, dungi dihinsu ma pintu. Dungi ro muse
ma sian pudi angka boruboru na debanari, djadi ninna ma:
Ale Tuhan, Tuhan! Ungkap, asa masuk hami! Alai ninna
ma mangalusi: Amen, hudok ma di hamu, ndang hutanda
hamu. Dibahen i sai dungo ma hamu, ai ndang diboto
hamu ari haroro ni Anak ni djolma i, manang di na sadihari.
Alai molo ro Anak ni djolma i sogot di bagasan hasanga-
ponna i, rap dohot angka surusuruanna saluhutna na badia i,
hundulhundul ma Ibana di habangsa ni hasangaponna i, dungi
morpungu ma sasudena halak na mormargamarga tu djolona,
sirangonna ma nasida songon binahen ni pormahan, na
sumirang angka birubiru boruboru sian angka tunggal, bahe-
nonna nama angka birubiru boruboru tungkan siamunna,
alai anggo angka tunggal i tungkan hambirangna. Dungi
dohonon ni Radja i ma mandok angka na di siamunna i: Ro
ma tuson hamu, angka na pinasupasu ni Damang, sahat di
hamu ma haradjaon i, na pinadiri di hamu sian mula ni
hasiangan on. Ai male do Ahu na djolo, dilehon hamu do
Ahu mangan; na mauas do Ahu na djolo, dilehon hamu do
Ahu minum; na buro do Ahu na djolo, ditamuei hamu do
Ahu; na morsangkot bulung do Ahu na djolo, diporabiti
hamu do Ahu; na sahitan do Ahu na djolo djala tarhurung,
djadi didulo hamu do Ahu. Dungi dohonon ni angka porroha
na tigor i ma mangalusi Ibana: Ale Tuhan, nandigan Ho male
huida hami, nilehon mangan? Manang mauas, nilehon minum?
Nandigan Ho na buro huida hami, tung tinamuean ? Manang
morsangkot bulung, tung pinorabitan? Djala nandigan Ho
huida hami hansitan manang na tarhurung, tung hudulo
hami? Dungi dohonon ni Radja i ma mangalusi nasida: Amen,
hudok ma di hamu: Nasa na binahenmu, nanggo tu sahalak


§ 48. MORULAON ENZ. Matt. 26, Mark. 14. Luk. 22. Joh. 13. 79
sian angka dongankon na lumea, na tu Ahu do i dibahen
hamu. Dungi dohononna ma dohot tu angka na di ham-
birangna i: Laho ma sian lambungkon, hamu angka naung
hona toru, tu api na so ra mintop, na pinauli bahen inganan
ni Sibolis i, dohot di angka surusuruanna. Ai male do Ahu na
djolo, ndang dilehon hamu do Ahu mangan; na mauas do Ahu
na djolo, ndang dilehon hamu do Ahu minum; na buro do Ahu
na djolo, ndang ditamuei hamu Ahu; na morsangkot bulung
do Ahu na djolo, ndang diporabiti hamu do Ahu; na hansitan
do Ahu na djolo djala tarhurung, ndang didulo hamu do Ahu.
Dungi dohononnasida ma mangalusi Ibana: Ale Tuhan, nan-
digan Ho male huida hami, manang mauas, manang na buro,
manang morsangkot bulung, manang hansitan, manang tar-
hurung, so pinauliuli Ho? Dungi dohononna ma mangalusi
nasida: Nasa na so binahenmuna i, nanggo tu na sahalak sian
angka on na lumea, na so tu Ahu do i. Dungi laho ma tu
na bernit na so ra suda, anggo nasida; alai anggo porroha
na tigor tu hangoluan na so ra suda do nasida.
§ 48. MOKULAON NA BADIA.
Matt. 26. Mark. 14. Luk. 22. Joh. 13.
Dungi di ari pordjolo pormanganan roti na so niasoman,
ari®pameleanhon birubiru paska i, ninna angka sisean ni Tuhan
Djesus ma mandok Ibana: Tu dia do hami, dipangido roham,
manghobasi birubiru paska i panganonmu? Djadi disuru Tuhan
Djesus ma dua halak siseanna i, Si Petrus dohot Si Djohannes,
didok ma mandok nasida: Laho ma hamu tu huta, dungi
padjumpang ma hamu dohot sada halak na humunti hudon,
isian ni aek, ihuthon hamu ma ibana; ia tusi ibana bongot,
dok hamu ma tu nampuna bagas i, songon on: Tona ni guru
i tu ho: Di dia do bilut pormanganan, asa mangan birubiru
paska i Ahu rap dohot angka siseanku? Dungi patuduhononna


80 § 48. MORULAON ENZ. Matt. 26. Mark. 14. Luk. 22. Joh. 13.
ma tu hamu sada bilut na lambas, na hinembangan, djala
na tipak pinauli, disi ma hobasi hamu di hita. Dungi dung
sahat ro di huta siseanna na dua i, djumpang nasida ma tutu
songon na nidokna i tu nasida, djadi dihobasi ma birubiru
paska i. Djadi dung botari, ro ma Ibana rap dohot na sam-
pulu dua i. Dungi di na djumpang i tingkina mangan paska i,
dipahundul Tuhan Djesus ma Ibana rap dohot angka sisean-
na i. Dungi ninna ma mandok nasida: Mansai malungun
situtu do rohangku manganhon paska on djumolo rap dohot
hamu, asa laho manaon na bernit Ahu. Djadi dung sun
mangan botarina i nasida, hehe ma Tuhan Djesus, ditanggal
ma ulosna, dihohophon ma basan porhobas. 'Dungi diusehon
ma aek tu sapa, dungi dipungka ma na mamuri tot ni angka
siseanna i, dungi basan hinohophonna i ma dibahen manga-
pusi patnasida. Djadi dung sahat ro di Si Simon Petrus
Ibana, ninna Si Petrus ma: Ale Tuhan, tung Ho ma mamuri
pathu? Dungi ninna Tuhan Djesus ma mangalusi ibana:
Janggo so burianku ho, ndang mortohap ho di Ahu. Dungi
ninna Si Simon Petrus ma mandok Ibana: Ale Tuhan, ndada
holan tothu, dohot ma tanganku dohot ulungku.
Djadi dung sidung totnasida diburi Tuhan Djesus, dibuat
ma muse ulosna i, dungi mangulahi ma Ibana hundul, dungi
ninna ma mandok nasida: Diantusi hamu do na hubahen i
tu hamu? Guru do Ahu didok hamu, djala Tuhan, na tama
do i! Ai na tutu do i. Asa Ahu Tuhanmu, djala guru-
muna i, huburi do totmuna i, sai masiburian tot ma hamu
tu djoloan on. Sitiruon do on sada na hubahen di hamu,
asa dibahen hamu songon na hubahen i tu hamu. Amen
situtu do hatangkon na tu hamu: Ndang sumangap anak-
somang sian indukna, manang Apostel (Suruani) pe sian na
morsuru ibana. Onpe nunga diboto hamu i, mortua do hamu,
molo diulahon hamu.
Asa di na hundul i nasida mangan, ninna Tuhan Djesus
ma: Amen do hatangkon na tu hamu: Sahalak sian hamu,


§ 49. PANGAPUL NI TUHAN ENZ. Joli. 14, 15. 16.
81
na rap mangan dohot Ahu, mandjehehon Ahu. Dungi marsak
be ma nasida, djadi sadasada ma mandok: So inda tung
ahu, ale Tuhan? Dungi ninna Tuhan Djesus ma mangalusi
nasida: Sahalak sian hamu na sampulu dua i, na rap dohot
Ahu manullukkon tu poringkauan, mandjehehon Ahu. Janggo
Anak ni djolma i na muli hian do, songon na tarsurat i ta-
ringot tu Ibana; alai mordjea do i na mandjehehon Anak ni
djolma i; dengganan do ibana unang tubu. Dungi ninna Si
Djudas na mandjehehon Ibana i ma mangalusi: So inda tung
ahu i, ale guru? Nunga ho mandok, ninna Tuhan Djesus
mandok ibana.
Dungi di na mangan i nasida, dibuat Tuhan Djesus ma
roti, dipasupasu ma, djala diponggoli, dungi diporlehon ma tu
angka siseanna i, huhut ma didok: Djala hamu ma, pangan
hamu, dagingku do i, na nilehon humophop hamu, sai bahen
hamu ma songon i, bahen porningotanmu di Ahu.
Suang le ma songon i dibuat panginuman, dung sidung
mangan, didok ma mauliate, dungi dilehon ma tu nasida,
huhut mandok: Djalo hamu ma, sude ma hamu manginum
sian i, ia panginuman on padan na imbaru do i morhitehite
mudarhu, na use humophop hamu, dohot halak na torop,
bahen panesaan ni dosa. Ia na sai djotdjot ni panginummu
di sisongon i, sai bahen hamu ma i bahen porningotanmuna
di Ahu.
§ 49. PANGAPUL NI TUHAN DJESUS TU ANGKA
SISEANNA.
Joh. 14, 15. 16.
Dungi ninna Tuhan Djesus ma mandok angka siseanna:
Unang ma tarsonggot rohamu. Lan do inganan di djabu ni
Damang; aut unang i, dohononku do tu hamu: Na laho do
Ahu patureturehon ingananmu. Diboto hamu do manang tu
dia hamulianku, dalan i pe diboto hamu do. Ahu do dalan
6


82
§ 49. PANGAPUL NI TUHAN ENZ. Joh. 14, 15. 16.
dohot hatutuon dohot hangoluan; ndang adong manang ise
tarbahen manopot Damang, ia so morhitehitehon Ahu. Ia
adong na holong roha di Ahu, peopon ni roha ni do hatangku,
holong ma roha ni Damang di ibana, rap ro ma Hami ma-
nginganhon ibana. Alai podahonon ni Tondi Porbadia, panga-
puli, sisuruon ni Damang morhitehite goarhu ma sasudena i
tu hamu, paingotonna ma sude tu hamu, na huhatahon na
djolo tu hamu. Tadingkononku do dame di hamu; dame, na
di Ahu do, hulehon tu hamu; ndang songon pangalehon ni
portibi on, pangalehonku di hamu. Unang ma ragu rohamu,
djala unang mabiar. Ndang sadianari be hatangku tu hamu;
ai na ro ma na mangaradjai portibi on, ndang nian tarha-
huasa Ahu; alai asa diboto portibi on holong ni rohangku di
Damang, dibahen i hubahen songon na nidokkon ni Damang
tu Ahu. Ipe hehe ma hamu laho ma hita sian on. Ahu do
hau anggur na tutu, Damang do sipauliuli hau anggur i.
Nasa ranting, na di Ahu, na so morporbue, buatonna do,
alai nasa na morporbue, laos paulionna do, asa gumodang
porbuena. Nunga ias anggo hamu, binahen ni hata i, na
huhatahon tu hamu. Sai mian hamu ma di bagasan Ahu, asa
mian Ahu di bagasan hamu. Tudos tu ranting, na so tarbahen
morporbuehon porbue sian dirina, anggo so hot di hauna i;
hamu pe songon i do, molo so mian hamu di bagasan Ahu.
Ahu do hau anggur i, hamu do angka ranting i; manang ise
na mian di bagasan Ahu, djala Ahu di ibana, morporbuehon
na godang do; ai ndang tarpatupa hamu manang aha, ia so
morhitehitehon Ahu. Ia adong manang ise, na so mian di
bagasan Ahu, siambolongkononhon do ibana songon ranting,
gäbe masak ma, dungi dipapungu ma, dungi didanggurhon
ma tu api, asa matutung. Janggo na mian hamu di bagasan
Ahu, djala na mian dohot angka hatangku di bagasan rohamu,
guru lomo ni rohamuna nama mangido, sai na dapotan do
hamu. Na pasangaphon Damang do hamu, molo godang
porbue diporbuehon hamu, djala molo gäbe anak siseanku


§ 50. GETSEMANE. Matt. 26. Mark. 14. Luk. 22. Joh. 17. 18. 83
hamu. Songon holong ni roha ni Damang di Ahu, holong ni
rohangku di hamu, sai mian ma hamu di bagasan holong ni
rohangku. Ia dioloi hamu angka patikki, mian do hamu di
bagasan holong ni rohangku, songon Ahu, na mangoloi angka
patik ni Damang, na mian di bagasan holong ni rohana.
§ 50. GETSEMANE.
Matt. 26. Mark. 14. Luk. 22. Joh. 17. 18.
Dungi manaili ma Tuhan Djesus dompak banua gindjang,
huhut ma didok: Ale Damang, nunga djumpang tingkina,
sai porsangapi ma Anakmi, asa dipasangap Anakmi Ho muse;
ai nunga dilehon Ho gomgomanna nasa na mordaging, asa
dilehon hangoluan na so ra suda tu nasa, na nilehonmu tu
Ibana. Alai on do hangoluan na so ra suda i: Tumanda sasada
Ho Debata na tutu, dohot Tuhan Djesus Kristus na sinurum.
Nunga hupasangap Ho di tano on, nunga hupasidung ulaon
na nilehonmu siulaonku. Onpe porsangapi ma Ahu di dirim,
ale Damang, hasangapon naung di Ahu hian di lambungmi,
andorang so adong dope hasiangan on. Nunga hupatarhon
goarmi tu angka djolma, isi ni hasiangan on, na nilehonmu
tu Ahu. Anggo Ahu ndang be Ahu di hasiangan on, na
mandapothon Ho nama Ahu. Ale Damang na badia, sai
patongtong ma roha ni angka na nilehonmu tu Ahu, mangka-
porseai goarmi, asa sada rohanasida songon Hita. Alai
ndada holan nasida huporhuasihon, (hutangiangkon) dohot do
angka na porsea di Ahu sogot, hinorhon ni hatanasida, asa
sada rohanasida sude, songon Ho, ale Damang, di bagasan
Ahu, djala Ahu di bagasan Ho, asa dohot nasida sada^roha
di bagasan Hita, asa tung dihaporseai portibi on i, Ho na
morsuru Ahu.
Djadi dung didok Tuhan Djesus songon i, laho ma Ibana
songon na somal rap dohot angka siseanna i manaripari aek
6*


84 § 50. GETSEMANE. Matt. 26. Mark. 14. Luk. 22s. Joh. 17. 18.
Kidron, tu dolok Djetun. Dungi ninna ma mandok angka
siseanna i: Sude do hamu saborngin on morsogo ni roha di
Ahu; ai didok surat i do: Lombutanku do pormahan i, dungi
morserak ma angka birubiru i, na sapunguan i. Alai ninna Si
Petrus ma mangalusi Ibana: Nang sude nasida morsogo ni
roha di Ho, ianggo ahu na so tupa morsogo ni roha di Ho.
Djadi ninna Tuhan Djesus ma mandok ibana: Amen do hatang-
kon na tu ho: Ndang pola tahuak manuk manduahali saborn-
gin on, nunga pola porsoonmu Ahu tolu hali. Alai lam didat-
dati Si Petrus do mandok: Manang tung mate pe ahu rap
dohot Ho, ndang tagamon porsoonku Ho, ninna. Songon i do
didok nasida saluhutna. Dungi laho ma Tuhan Djesus rap
dohot nasida i tu sada porlak, na morgoar Getsemane. Dung
tolbas ro disi Ibana, ninna ma mandok angka siseanna i:
Ilundul ma hamu dison, paima laho Ahu tu na sada an
mortangiang. Alai ditogihon do Si Petrus dohot anak ni Si
Sebedeus, Si Djakobus dohot Si Djohannes; dungi mamungka
bonok ma rohana djala bobonosan. Dungi ninna ma mandok
nasida: Hira na mate do Ahu dibahen marsak ni rohangku,
dison ma hamu djolo dungo rap dohot Ahu. Dungi dipadao
ma Ibana tuk dangguron sian nasida, dipatungkap ma bohinq.
tu tano mortangiang, ninna ma: Abba, ale Damang, sude do
tarpatupa Ho, ia tung tarbahen, sai salpuhon ma sian Ahu
panginuman on, alai ndada guru rohangku, roham do guru.
Dungi mulak ma Tuhan Djesus tu angka siseanna i, gäbe
modom ma nasida didapot. Djadi didok ma mandok Si Petrus:
Ale Simon, na modom do ho? Ndang tarbahen hamu dungo
rap dohot Ahu, nanggo sadjom? Dungo ma hamu, djala
mortangiang, asa unang hamu sahat tu pangundjunan, ai na
ringgas do ianggo tondi, alai ia daging i, ndang na mangalo.
Dungi dipaduahali Tuhan Djesus ma laho mortangiang, ninna
ma: Ia so tarsalpuhon sian Ahu panginuman i, so inumonku,
ba roham do. Dungi ro ma Ibana, gäbe modom ma nasida
muse didapot, djala dokdok do salibon ni matanasida, ndang


§ 51. PANDJEHEHON. Matt. 26, 47—56. ENZ. 85
diboto nasida manang aha na nialushononna. Dungi dita-
dingkon Tuhan Djesus ma muse nasida, laho mortangiang
patoluhalihon, suang le ma songon i didok. Dungi diida
Tuhan Djesus ma sada surusuruan ni Debata, na ro sian
banua gindjang, morgogoihon Ibana. Dungi di na morsirang-
gut i Ibana dohot hamatean, lam cligogoi ma mortangiang,
djadi songon mudar na himpal ma hodokna i, mordekdehan
tu tano. Dungi ditopot ma angka siseanna i, didok ma man-
dok nasida: Sai modommodom dohot moradian hamu nuaeng?
Ida ma, nunga ro tingki ni hasasahat ni Anak ni djolma i
tu tangan ni angka pordosa. Hehe ma hamu, beta ma hita,
ai nunga disi na mandjehehon Ahu.
§ 51. PANDJEHEHON.
Matt. 26, 47—56. Mark. 14, 43—52. Luk. 22, 46—54.
Joh. 18, 2-11.
Ja Si Djudas na mandjehehon Tuhan Djesus, diboto do
porlah i inganannasida, ai djotdjot do morpungu tusi Tuhan
Djesus rap dohot angka siseanna i. Djadi dung diarahon
Si Djudas parangan i, rap dohot angka naposo ni malimmalim
dohot parise, laho ma nasida tusi morsulusulu, djala morsin-
djata; sai Si Djudas i do pordjolonasida. Djadi dibahen naung
diboto Tuhan Djesus do, na naeng masa na tu Ibana, laho
ma Ibana tu balian mandapothon nasida, dungi didok ma
mandok angka nasida: Ise do na niluluanmuna i? Djesus
na sian huta Nasaret i do, ninna nasida ma mangalusi. Djadi
didok Tuhan Djesus ma mandok angka nasida: Ahu do i.
Alai Si Djudas i, na mandjehehon Ibana, djongdjong do di
lambungnasida. Djadi dung didok Tuhan Djesus mandok
angka nasida: Ahu do i, sumurut do nasida, angka mor-
tinggangan ma. Dungi diulahi Tuhan Djesus ma manungkun
nasida: Ise do na niluluanmuna i? Djesus na sian huta Nasa-
ret i do, ninna nasida. Djadi didok Tuhan Djesus ma ma-


86
§ 51. PANDJEHEHON. Matt. 26, 47-56. ENZ.
ngalusi: Nunga ningku mandok hamu: Ahu do i, asa ia Ahu
na niluluanmuna i, loas hamu ma laho muli angka indi on.
Asa sintong hata i, na nidokna i na djolo: Ndang adong na
mago manang ise sian angka nilehonmu tu Ahu. Janggo
pordjehe i, nunga dilehon hian portinandaannasida, ai nunga
didok na djolo tu nasida: Ia i, na huumma, i ma Ibana, sai
tangkup hamu ma, dungi djaga ma hamu manogu Ibana muli.
Djadi dung songon i ro ma Si Djudas i, didapothon ma Tuhan
Djesus, dungi ninna ma: Tabe ma di Ho, ale Guru, Guru! hu-
hut ma diumma. Alai ninna Tuhan Djesus ma mandok ibana:
Aiea, na morhua do ho nuaeng? Pangummaon do dibahen ho
pasahathon Anak ni djolma i, Djudas? Dungi ro ma angka
dongan ni Si Djudas i manoro Tuhan Djesus. Alai dung diida
angka dongan ni Tuhan Djesus na masa.i, ninna nasida ma:
Ale Tuhan, djadi ma hami manampulhon podangnami? Djadi
adong ma podang sada di Si Simon Petrus, diumpat ma,
ditampulhon ma tu naposo ni malimmalim, gäbe dipisikkon ma
pinggolna siamun; Si Malkus do goar ni naposo i. Dungi didok
Tuhan Djesus ma mandok Si Petrus: Pasarung ma podangmi!
Indang inumonku nasa panginuman i, na nilehon ni Damang i
di Ahu, di roham? Ndang tarpangidohon Ahu di roham
satongkin on padirion ni Damang, mandongani Ahu lobi sian
sampulu dua legion surusuruanna? Dungi ninna ma: Loas
sahat tu on! Dungi didjama ma pinggol ni Si Malkus i, dipa-
malum ma. Di na santongkini ma didok Tuhan Djesus ma man-
dok na torop i: Songon na manopot panamun do hamu, ai mor-
podang djala morompongompong manangkup Ahu; ganup ari
do nian Ahu hundul tampak dohot hamu di bagasan bagas
djoro mangadjari, ndang ditangkup hamu Ahu; alai on ma
tutu arimuna, djala hagogoon ni na holom i. Dungi maporus ma
siseanna i saluhutna manadingkon Ibana. Dungi adong ma disi
sada dolidoli, na mangihutlion Ibana, holon dagangan i do dia-
lithon tu dagingna, djadi disoro angka dolidoli ma ibana; alai
laos ditadingkon ma dagangan i, salangsalang ma ibana maporus.


§ 52. NA TINAON ENZ. Matt. 26, 57—68. ENZ.
8T
§ 52. NA TINAON NI TUHAN »JESUS DI »JOLO NI
ANGKA MALIMMALIM.
Matt. 26, 57—58. Mark. 14, 53—65. Luk. 22, 54-55.
Joh. 18, 12—24.
Dungi ditali angka parangan i dohot na mangaradjai
saribu soldadu i dohot naposo ni halak Djahudi ma Tuhan
Djesus, ditogihon ma Ibana tu bagas ni sintua ni malimmalim;
ai nunga pungu hian disi sude angka sintua ni malimmalim,
dohot angka sintua ni na torop, dohot angka siboto surat.
Djadi disungkiin sintua ni malimmalim i ma Tuhan Djesus
taringot tu angka siseanna dohot taringot tu podana. Dungi
ninna Tuhan Djesus ma mangalusi ibana: Sai na patar do ha-
tangku di hatoropan na sai laon, sai tong do Ahu mangadjari
di angka porguruan dohot di bagas djoro, porpunguan ni halak
Djahudi sudena, ndang adong huhatahon di sihabunian. Beasa
Ahu sungkunonmu taringot tusi? Sungkun angka, na umbege,
na huhatahon i tu nasida. Alai dung didok Tuhan Djesus
songon i, adong ma naposo sahalak na djongdjong disi, dipastap
ma Tuhan Djesus, huhut ma didok: Tung i ma na tama
pangalusmu tu sintua ni malimmalim i? Dungi ninna Tuhan
Djesus ma mangalusi: Ia na djahat na hudoh i, tuduhon dja-
hatna i, alai anggo na ture, beasa ma pastaponmu Ahu ? Alai
anggo angka sintua ni malimmalim, dohot angka sintua ni na
torop, dohot rapot na bolon i, sai mangalului sitindangi hata
na so tutu do nasida dompak Tuhan Djesus, asa tarbunu
Ibana, alai ndang adong djumpangsa. Lan do nian na manin-
dangi hata na so tutu dompak Ibana, alai ndang mordomu
hatanasida. Dungi hehe ma sintua ni malimmalim i, ninna
ma mandok Tuhan Djesus: Uarihon tu Debata na mangolu,
paboahon tu hami, ia tutu Ho Kristus, Anak ni Debata na
mortua i. I do Ahu, ninna Tuhan Djesus. Alai hudok ma
angka di hamu: Olat ni on ma sai idaonmuna do Anak ni
djolma i, hundul di siamun ni hagogoon ni Debata, djala ro


88 § 53. PAMORSOON NI SI PETRUS. Matt. 26, 69-75 ENZ.
morhitehitehon ombun na di langit. Dungi disansani sintua
ni malimmalim i ma angka ulosna, ninna ma: Nunga diapasi
Ibana Debata, tu aha be sai luluan sitindangi? Antong, nunga
dibege hamu pangapasina i di Debata; beha ma rohamu disi?
Djadi luhut ma nasida manorui Tuhan Djesus, angka ninna
ma: Na morutang hosa do Ibana. Dungi ditidjuri nasida ma
bohi ni Tuhan Djesus; djadi dohot ma angka na maniop
Ibana manginsahi djala manompuhi Ibana, dohot mangkuphupr
djala mamastapi bohina i, huhut ma angka ninna: Surirangi
hami, ale Kristus, manang ise do i, na mamastapi Ho? Ang-
kup ni, lan dope panginsahi na asing dipandok nasida dompak
Ibana.
§ 53. PAMORSOON NI SI PETRUS.
Matt. 26, 69—75. Mark. 14, 66—72. Luk. 22, 56-62.
Joh. 18, 17—27.
Alai ia Si Simon Petrus, diihuthon ma Tuhan Djesus
rap dohot sisean na asing sahalak; ianggo sisean na sahalak
ondeng, ditanda sintua ni malimmalim i do, djadi bongot ma
ibana tu djabu ni sintua ni malimmalim i rap dohot Tuhan
Djesus; alai anggo Si Petrus i hundulhundul do di balian, di
lambung pintu. Dungi laho tu balian ma halak sisean ondeng,
na tinanda ni sintua ni malimmalim i, mangkatai dohot boru-
boru sidjaga pintu, dungi ditogihon ma Si Petrus tu bagasan.
Djadi ninna boruboru sidjaga pintu i ma mandok Si Petrus:
Nda dohot do ho sada sian angka sisean ni halak an ? Djadi
didok Si Petrus ma: Ndang ahu sisean ni; hutanda pe Ibana
soada, djala ndang huboto na nidokmu. Dungi ruar ma
ibana tu emper, djadi mortatahuak ma manuk sahali. Alai
djongdjong ma disi angka naposo, dohot angka hupas man-
susudu, ai ngali do ari. Djadi di na laho ruar Si Petrus i
sian pintu ondeng, diida sada boruboru na asing ma ibana;
djadi didok ma tu angka na disini: On do sada donganna.


§ 54. DJORBUT ENZ. Matt. 27, 1 — 10. Mark. 15, 1. ENZ. 89
ai rap do ibana na djolo dohot Djesus na sian huta Nasaret i.
Djadi ninna angka nasida ma mandok ibana: Atehe, nda
ho ma sada sian angka siseanna i? Alai didok Si Petrus ma
mansoadahon paduahalihon, pola moruari ibana mandok:
Ndang hutanda djolma i. Dungi ndang piga dannai, arga
sangombas, ro ma sada naposo ni malimmalim i, aleale ni
porpinggol pinisikkon ni Si Petrus inandok: Tutu do, dohot
do on donganna, ai isi ni Galilea do ibana. Nda huida do
ho di porlah i rap dohot Ibana? Djadi dohot ma angka na
djongdjong di lambungna mandok tu ibana: Tongon tahe,
dohot do ho sada sian angka nasida i, ai pangkulingmi do na
patandahon ho. Dungi diulahi Si Petrus muse ma mansoa-
dahon, djala dipaburahon ibana dohot diuarihon mandok:
Ndang hutanda djolma i na nidokmuna i. Djadi mandoh i
dope ibana, mamintor ma mortatahuak manuk paduahalihon.
Dungi didompakkon Tuhan Djesus ma Si Petrus i, mamereng
ibana. Djadi diingot Si Petrus ma hata ni Tuhan i, na ni-
dokna i tu ibana: Ndang pola dua hali mortatahuak manuk,
nunga pola tolu hali porsoonmu Ahu. Dungi laho ma Si
Petrus tu balian, tumatangis.
§. 54. DJORBUÏ NI HAMAMATE NI SI DJUDAS.
Matt. 27, 1—10. Mark. 15, 1. Luk. 22, 66—71.
Dungi di na mamungka torang ari, morpungu ma angka
sintua ni halak Djahudi dohot angka malimmalim dohot angka
siboto surat, djadi ditogihon ma Tuhan Djesus tu bagas
poruhumannasida, dungi angka ninna nasida ma: Atehe Ho
do Kristus i? Paboa ma tu hami! Alai ninna Tuhan Djesus ma
mandok nasida: Nang tung hupaboa i tu hamu, ndang taga-
mon porsea hamu di hatangku; djala ia adong na husungkun
hamu, ndang dialusi hamu, djala ndang na paluaonmuna Ahu.
Alai olat ni on ma hundul Anak ni djolma i di siamun ni


90 § 55. ANGKA NA T1NAON ENZ. Matt. 27, 11-14. ENZ.
hagogoan Jni Debata. Dungi ninna angka nasida ma sude:
Ai Anak ni Debata do ho? Dungi ninna Tuhan Djesus ma:
Nunga pola didok hamu, ai i do Ahu tutu. Dungi ninna
angka nasida ma: Tu aha be luluan sitindangi, ai nunga
apala pinggolta i umbegesa hata na sian pamanganna i. Dungi
disi binsar mata ni ari mortuptup ma angka sintua ni malim-
malim, dohot angka sintua ni na torop dohot angka siboto
surat mamunu Tuhan Djesus i, djadi ditali ma Ibana, dungi
ditogihon ma pasahathon Ibana tu panguhum Si Pontius Si
Latus.
Asa dung diida Si Djudas i morutang hosa do hape Tu-
han Djesus dibahen nasida, djadi disolsoli ma dirina, diboan
ma na 30 rupia i, paulakkon tu sintua ni malimmalim i, dohot
tu angka sintua ni na torop, ninna ma: Dosangku do i,
mandjehehon mudar ni na so morpipot. Alai ninna angka
nasida ma: Ndang na ro di hami i? Roham do na sari disi.
Dungi dibolongkon Si Djudas ma angka rupia i tu bagas djoro,
dungi laho ma ibana maningkot. Djadi morbalikbalik ma
ibana madabu, gäbe mapultak ma dagingna, djadi sabur ma
butuhana sude. Alai dibuat angka sintua ni malim ma angka
rupia i, dungi ninna nasida ma: Ndang djadi peakhononhon
i tu poti porasi ni rohaan, dibahen tuhor ni mudar do i.
Djadi dung mortuptup nasida, dituhorhon ma hepeng i tu
tano ni sitompa hudon, bahen porbandaan ni angka pangebati.
§ 55. ANGKA NA TINAON NI TUHAN DJESUS DI
DJOLO NI SI LATUS DOHOT SI HERODES.
Matt. 27, 11-14. Mark. 15, 1—5. Luk. 23, 1—4.
Joh. 18, 28-38.
Dungi sogot manogoti hehe ma nasida sude, ditogihon
ma Tuhan Djesus sian djabu ni Si Kaipas tu bagas poru-
human. Alai anggo halak Djahudi, ndang olo bongot tu


§ 55. ANGKA NA T1NA0N ENZ. Matt. 27, 11—14. ENZ. 91


92 § 55. ANGKA NA TIN AON ENZ. Matt. 27, 11—14. ENZ.
bagas poruhuman i, asa unang tarsubang (hodar) nasida.
Djadi didapothon Si Latus i ma nasida tu balian, ninna ma:
Aha do na pinorbadahonmu dompak halak on ? Dungi ninna
nasida ma mangalusi ibana: Aut ni na so siulahon na djahat
on, tung pasahatonnami ma Ibana tu ho? Dungi ninna Si
Latus ma: Antong boan hamu ma Ibana, uhumi hamu Ibana
hombar tu patikmuna i. Dungi ninna angka Djahudi i ma
mandok ibana: Ndang djadi bunuonnami manang ise. [Djadi
sintong ma antong hata ni Tuhan Djesus, na nidokna i na
djolo, udju na paboahon pangalaho ni hamamatena i.] Djadi
dipungka nasida ma angka masipansorohon hatana manga-
lualuhon Tuhan Djesus i, angka ninna ma: Djumpang hami
do on manggetegete i na torop i, djala diorai do mangalehon
beo tu radja Kesar, djala didok do: Ibana Kristus, djala
Radja. Dungi laho ma Si Latus i muse tu bagasan bagas
poruhuman i, didjou ma Tuhan Djesus, dungi ninna ma man-
dok Ibana: Atehe, Ho do Radja ni halak Djahudi? Djadi
didok Tuhan Djesus ma mangalusi: Ianggo haradjaonki
ndang na sian tano on i, aut ni na sian tano on haradjaonku,
aloon ni angka naposongku do, asa unang saliat Ahu tu
tangan ni halak Djahudi. Dungi ninna Si Latus i ma: Asa
Radja do Ho tutu? Nunga pola didok ho, Radja ma Ahu
tutu, ninna Tuhan Djesus ma mangalusi. Ai i do umbahen
tutu Ahu ro tu tano on, paboahon na sintong, manang ise na
sian hasintongan, tangihonon ni do soarangku. Dungi ninna
Si Latus ma mandok Ibana: Aha do hasintongan? Djadi
dung songon i didok, laho ma ibana muse tu balian tumopot
angka halakDjahudi i, dungi ninna ma mandok nasida: Ndang
adong djumpang ahu dosa di Ibana! Dungi ragamragam ma
dialualuhon angka sintua ni malimmalim i, dohot angka sintua
ni na torop taringot tu Tuhan Djesus; alai sai sip do anggo
Ibana. Djadi didok Si Latus ma mandok Ibana: Ndang
dibege Ho, huroha, lan ni na nialualuhonnasida i taringot
tu Ho? Alai ndang dialusi Tuhan Djesus hatana i, nanggo


§ 56. PORDABU NI UHUM ENZ. Matt. 27, 15-23. ENZ. 93
hata sandok; pola longang Si Latus i. Djadi dung dibege Si
Latus i na niradjaan ni Si Herodes do Tuhan Djesus, disuru
ma Ibana tu Si Herodes; ai tongon do di huta Djerusalem
ibana udju i. Djadi dung diida radja Herodes i Ibana, las
situtu ma rohana, ai nunga leleng dipangido rohana hian
naeng idaonna Tuhan Djesus, dibahen lan ni angka barita,
na binegena i taringot tu Tuhan Djesus, djala huhut diarop
rohana idaonna sada tandatanda bahenon ni Tuhan Djesus.
Djadi ragamragam ma disungkun tu Tuhan Djesus; alai ndang
dialusi Tuhan Djesus ibana. Dungi dileai, djala diinsahi radja
Herodes i dohot angka paranganna i ma Tuhan Djesus, mor-
ulos na bontar ma Ibana dibahen, dungi dipaulak ma Ibana
tu Si Latus.
§ 56. PORDABU NI UHUM TU TUHAN DJESUS.
Matt. 27, 15—23. Mark. 15, 6—14. Luk. 23, 17—23.
Joh. 18, 39.
Ia na hinasomalhon ni pangaradjai, ganup djumpang
Pesta, dipalua do sada halak sian angka na tarhurung i,
morguru tu panodo ni roha ni situan na torop. Djadi adong
ma udju i sada halak, na sumalin djahatna sian donganna i,
Si Barrabas do goarna, rap tarhurung do ibana dohot do-
nganna panggunturi, dibahen na mamunu djolma do nasida
di hagugunturna i. Dungi nangkok ma na torop i mangidohon
tu Si Latus i, asa dibahen songon na hinasomalhonna i na sai
laon. Djadi dung pungu angka nasida, ninna Si Latus ma:
Ise do dipangido rohamu, paluaonku di hamu, Si Barrabas
do manang Djesus, na nidok ni halak Kristus, Radja ni halak
Djahudi? Ai tangkas do diboto sian late ni rohanasida do
umbahen dipauhumhon. Djadi di na hunduli Si Latus di
habangsa ni panguhum i, ditonahon djolmana ma tu ibana
hata on: So tung mahua ho tu na tigor i, ai mansai susa
situtu do nipingku na borngin taringot tu Ibana. Alai diapoi


94 56. PORDABU NI UHUM ENZ. Matt. 27, 15-23. ENZ.
angka sintua ni malimmalim, dohot angka sintua ni na torop i.
ma sintuan na torop i mangidohon Si Barrabas i malua, Tuhan
Djesus i tu hamatean. Dungi ninna pangaradjai i ma mandok
angka nasida: Antong. ise ma nasida na dua on paluaonku
tu hamu, dipangido roham? Djadi saroha ma na torop i
sude mandjouhon: Padao ma indi on, Si Barrabas i ma palua
tu hami! Alai sibunu djolma do Si Barrabas i. Dungi diulahi
Si Latus i ma mandjouhon, naeng do paluaonna Tuhan Djesus,
djadi didok ma: Antong beha ma bahenonku dohot Djesus i, na
nidok ni halak Kristus? Alai angka didjouhon nasida ma:
Sai padjal ma Ibana tu hau pinorsilang, sai padjal ma Ibana
tu hau pinorsilang! Alai ninna Si Latus ma mandok nasida
patoluhalihon: Ai aha do na djahat dibahen? Indang adong
djumpang ahu hasalaanna, tung bunuon Ibana; dibahen i
hulinsingi ma Ibana, dungi hupalua. Alai lam dipagogo
nasida ma soarana be mandjugulhon mandok padjalon Ibana;
djala lam so tartaon Si Latus be djoudjounasida i, dohot
djoudjou ni angka sintua ni malimmalim i, ai sai didjotdjoti
do mandjouhon: Sai padjal ma Ibana!
Djadi dung diida Si Latus na soada be labo ni hata,
ai lam guntur do nasida, dibuat ma aek mamuri tanganna
di djolo ni na torop i, huhut ma didok: Ndang na ro di
ahu sapata ni mudar ni na tigor on, hamu do na sari disi.
Dungi ninna angka na torop i ma sude mangalusi: Morsapata
tu hami dohot tu anaknami ma mudarna i. Dungi naeng
pasombu roha ni na torop i ma Si Latus i, djadi didokkon ma
djolo linsingan Tuhan Djesus, dungi pinadjalan. Dungi dito-
gihon angka parangan ni Si Latus i ma Tuhan Djesus tu
bagasan bagas poruhuman i: djadi dipapungu ma sude na
torop i tusi, dungi dilinsingi Si Latus i ma Tuhan Djesus.
Dungi disambari angka parangan i ma abit ni Tuhan Djesus,
dibahen ma Ibana morabit badju dapdap, didandan ma andor
na morsungsang duri bahen djanggardjanggar, djala dibahen
ma i tu uluna, dilehon muse ma sada tolong tu tanganna


§ 56. PORDABU NI UHUM ENZ. Matt. 27, 15-23. ENZ. 95
siamun, dungi morsinggang ma nasida tu djolona, morsomba
Ibana palealeahon, angka ninna ma: Tabe ma di Ho, ale
Radja ni halak Djahudi. Djadi dung ditidjuri Ibana, dibuat
ma muse tolong i, dilipathon ma tu uluna, djala dipastapi.
Dungi haruar ma muse Si Latus i, didok ma mandok
nasida: Bereng hamu ma, hutogihon do Ibana haruar tu
hamu, asa diboto hamu, na soada djumpang ahu salana.
Djadi haruar ma Tuhan Djesus mordjanggardjanggarhon
sungsang duri, dohot manguloshon badju dapdap. Dungi
ninna Si Latus ma mandok nasida: Ida hamu ma djolma on!
Djadi dung diida angka sintua ni malimmalim, dohot angka
naposo i Ibana, angka didjouhon ma: Sai porsilangkon ma
Ibana, sai porsilangkon ma Ibana! Dungi ninna Si Latus
ma mandok nasida: Buat hamu ma Ibana porsilangkon ha-
mu ma; ai ndang adong djumpang ahu salana. Alai ninna
angka Djahudi i ma mangalusi ibana: Adong do patiknami,
sai bunuon do Ibana, anggo taringot tusi; ai dipabangkit do
dirina gäbe Anak ni Debata. Ia dipalua ho Ibana, ndang
be aleale ni radja Kesar i ho, ai manang ise na pabangkit
dirina gäbe radja, aio ni radja Kesar do i. Djadi dung
dibege Si Latus hata ondeng, ditogihon ma Tuhan Djesus tu
balian, dungi hundul ma ibana tu habangsa poruhuman i, di-
dok ma mandok angka halak Djahudi i: Bereng hamu ma, Ra-
djamuna do on ! Alai manggogo ma nasida mandjouhon: Sai
padao ma Ibana, sai boan ma, padjal ma Ibana tu hau na
pinorsilang! Dungi ninna Si Latus ma mandok nasida:
Tung padjalonku ma Radjamuna tu hau pinorsilang. Dungi
ninna angka sintua ni malimmalim i ma mangalusi: Ndang
adong Radjanami nda holan radja Kesar i. Dungi dipasahat
Si Latus i ma Ibana, asa dipadj al nasida.


96 § 57. PAMADJALNA ENZ. Matt. 27, 31 ENZ.
§ 57. PAMADJALAN DI TUHAN DJESUS.
Matt. 27, 31 enz. Mark. 15, 20 enz. Luk. 23, 26 enz.
Job. 19, 16 enz.
Djadi dung sun diinsahi nasida Tuhan Djesus i, dibuat
ma badju dapdap i, djala disalinhon ma muse tu Ibana angka
ulosna hian; dungi ditogihon ma Ibana tu pamadjalan. Djadi
laos Ibana do mamorsan hau na pinorsilang i na tu Ibana.
Djadi di na tinogihonnasida i Ibana, ditangkup nasida ma
sada halak, na morgoar Si Simon, na sian huta Kirene,
na ro sian haumana; tu ibana ma dipaporsanhon nasida hau
na pinorsilang i, asa diusung mangihuthon Tuhan Djesus. Alai
lan do sian angka na torop, na mangihuthon Ibana, dohot
boruboru, angka na manangisi dohot na mangandungi Ibana.
Alai dibereng Tuhan Djesus ma dompak pudi mandompakkon
nasida mandok: Hamu ale angka boru ni huta Djerusalem,
unang tatangisi hamu Ahu, hamu ma dohot ianakkonmuna
tatangisi hamu. Ai ida hamu ma, na ro do ari sogot pan-
dohonan ni halak: Mortua ma angka na so dung mangintubu.
Pungkaon ni halak ma disi mandok tu angka dolok: Ting-
gangi hami, dohot mandok tu angka rahisrahis: Huphupi
hamu ma hami! Ai anggo songon i dibahen tu hau na rata,
tung beha ma bahenonna tu naung masak? Alai diboan nasida
do huhut dua halak na asing, siulahon na djahat, asa rap
dibunu dohot Tuhan Djesus.
Djadi dung tolhas nasida ro di inganan ni tangkurak,
na morgoar di hata Heber: Golgata, dilehon nasida ma na
asom, na morsaor pogu, inumon ni Tuhan Djesus; alai dung
didai, ndang oio Ibana manginum. Dungi dipadjal nasida ma
Ibana disi rap dohot angka siulahon na djahat i, sada tu
siamunna, na sadanari tu hambirangna, gäbe di tongatonga
ma Tuhan Djesus. Sintong ma disi hata ni surat i, na mandok:
Rap dohot angka siulahon na djahat i do Ibana dietong. Alai
ninna Tuhan Djesus ma: Ale Amang, sai sesa ma dosanasida i.


§ 57. PAMADJALNA ENZ. Matt. 27, 31. ENZ.
97
ai ndang diboto nasida na binahennasida i. Panguli ni na timbo
(ombas patoluhon dung torang ari) ne ma ari di na pina-
djalnasida Ibana. Alai dibahen Si Latus ma tu atas ni hau
na pinorsilang i, surat na mandok: Djesus na sian huta Na-
saret, Radja ni halak Djahudi. Djadi lan ma angka Djahudi i


98 § 58. TUHAN DJESUS ENZ. Matt. 27, 31. 32. ENZ
djumaha i, ai djonok do sian huta i pamadjalan ni Tuhan
Djesus i; djala hata Heber dohot hata Gorik dohot hata Rom
do dibahen. Dungi ninna angka sintua ni malimmalim ni
halak Djahudi i ma mandok Si Latus: Unang surathon:
Radja ni halak Djahudi; hatana i do nian sisurathononhon,
na nidokna i: Ahu do Radja ni halak Djahudi. Alai ninna Si
Latus ma mangalusi: Na husurathon i, naung sinurat do i!
Alai dibuat angka parangan, na umpadjal Tuhan Djesus ma
angka ulosna i, bagi opat ma dibahen, sambagian be ma
nasida, angkup ni badjubadjuna i. Alai anggo badjubadju i,
ndang morpandjaruman, na tinonun do i songon i sun sian
gindjang tu toru. Djadi masipandohonan ma nasida: Unang
ma tabagi anggo i, morpintu ma hita, manang ise nampuna
i, asa sintong hata ni surat, na mandok: Dibagi nasida do
angka uloski, djala morpintu do nasida taringot tu badju-
badjungku. Djadi songon i ma dibahen angka parangan i.
§ 58. TUHAN DJESUS NA DI DOLOR GOLGATA.
Matt. 27, 31. 32. Mark. 15, 20. 21. Luk. 23, 26.
Joh. 19, 16. 17.
Asa dung dipadjal nasida Tuhan Djesus manggogo ma
Ibana mandjouhon: Ale Amang, sai sesa ma dosanasida i;
ai ndang diboto nasida na binahenna i. Alai diinsahi angka
pamolusi ma Ibana huhut ma sumeolseol, angka didok ma:
Peë Ho, na mangalohai djoro ni Debata, djala na paulihon
ma i muse di bagasan tolu ari; ua palua Ho, molo na tutu
Ho Anak ni Debata; ua midjur ma Ho nian sian hau na
pinorsilang on. Suang le songon i didok angka sintua ni
malimmalim mangarehei rap dohot angka sintua ni na toropr
angka ninna ma: la halak na pulik dipalua do, ia dirina
ndang tarpaluasa. Ia Kristus i Ibana djala Radja ni halak
Israel, ua midjur ma Ibana nuaeng nian sian hau na pinor-


§ 58. TUHAN DJESÜS ENZ. Matt. 27, 31. 32. ENZ. 99