Citation
O Sala ususur

Material Information

Title:
O Sala ususur
Translated Title:
Messenger
Creator:
Melanesian Mission
Place of Publication:
Norfolk Island
Publisher:
Melanesian Mission
Publication Date:
Language:
Austronesian (Other)

Subjects

Subjects / Keywords:
Melanesian Mission -- Solomon Islands -- Periodicals ( lcsh )
Missions -- Solomon Islands -- Periodicals ( lcsh )
Mota language -- Texts ( lcsh )
Coordinates:
-9.616667 x 160.183333
-29.033333 x 167.95

Notes

General Note:
Title in English: The messenger
General Note:
Text language: Mota
General Note:
Issued: Twice per annum
General Note:
VIAF (name authority) : Melanesian Mission : http://viaf.org/viaf/153822071

Record Information

Source Institution:
SOAS University of London
Holding Location:
SOAS, University of London
Rights Management:
This item is licensed with the Creative Commons Attribution, Non-Commercial License. This license lets others remix, tweak, and build upon this work non-commercially, as long as they credit the author and license their new creations under the identical terms.
Resource Identifier:
385504 ( ALEPH )
Per 22L /40177 ( SOAS classmark )

Downloads

This item has the following downloads:


Full Text


O SALA USUSUR.

2

NORFOLK ISLAND, JULY, 1896.

3d.

0 USUSUR TA NORFOLK ISLAND.

Alo masaoi iloke o aka me toga siwo o sul me esu man-
tag, o tanun nirua gap me gopa, pa me esu veta tuwale,
wa o tuara me mano wia nake.

Pa a Taun o gopae me liwoa amaira, we log o gopae
ilone was, typhoid fever, pa tuwalc me mate, wa o gopae
qale toga nake iloke. Me qeteg o manigiu neira we
imaima o pei we tatas talo puaka. I Doktor me ilo
vaglala apen valsei we gopa, was, ni me iraa o pei ilone,
o manigiu we ilo mantag o qetegiu. 0 puaka neira gate
wurwurvag wa mo tatas apena, pa mo ima gap wa ti
gopa.

0 line vatvatogo tapena mun o sul we qoqo a siwo was ;
ilogoro mantag o pei o sul we imaima apena, wa tur
wurwurvag goro o tano pei, ape o gopae we qoqo wo
qeteg o manigiu o pei we tatas.

Alo aka me kel siwo me aseg o kuk alo ima ganagana,
wa me vonog ra Qat kuk wa ra varuei tamaike:

T (H. Aregi TV (B. Viro vtt Meneraw
•(A. Porowea |E. Palakue (J. Woser

TT (A. Manoga v (Tigwahwah VTTT fKatlavle

(H. Toke (J. Faiato (R. Woser

TTT (S. Sagler VT (J. Wate TV (M. Meslad

(H. Vekelona (J. Be7wre (Probus

v (S. Duni

(C. Letahau

Alo niusaol ilokc o sinaga mo tapai ape o loa me poa
aneane ti, wa o sinaga me tagea apena. Alo tuan week
we mano wolwol amaira ta Taun, pa tuaniu tagai ran,
si o tapai gap, wa ilokenako ineira tuaniu we toga
mamagarosa ape sinaga.

Alo tau iloke o mas guava we sea ran. 0 sul me
kurkur matila, pa o vasasa ! o toqai gate tatas ilo apena.

Alo Whit-Monday, was, Pentekost, iragai taTaun me
van ma St. Barnabas ape vus bol. Me vus vatuwale,
pa ncira ta Taun me vus sal, pa gate aneane; me vus,
vagarua pa gate vus qet. Arivtag.me taur neira, pa o
qon me qo?i goro. Me rave o sasae n&n alo masaoi we sea.

Pa alo qon iloke ira nanatui me vus mulan o bol man-
tagai. Iragai talo iman Bishop wa talo iman Brittain
me vus amen ragai talo ima we poa, pa iragai talo iman
rara Bishop tana Brittain me laiakete. Me vus mun o
tinegaro we poa wa me rorov we sea ran.

Alo qdjiin Barnabas me vus varlai o bol. Ra Qat
Kulc v. o Sul, pa o sul me laiakete. Amaira o sul M.
Mia tana N. Huquliqa me vus aneane. Ta alo qo?i
iloke me vara o bol liwoa; mo aseg o reremera si a varlai
apena pa me nala qet ape valvalago. Iloke o oraora we
wia ape rara ape we valvalago gese, wa o malaso te tagea
apena, wa a?zaisa wun o sul te ge mantag wa to maros
mantag o oraora iloke tama o vus bol.

Alo June 8, iragai ta Taun me vug tuwale a Hundred
Acres si a toga malakalaka ape qon ilono neira me nina
ma ti a Norfolk Island we tuai alolona. 0 tur qon mo
wesu alo Sunday, June 8, 1856, neira me olo taqai
alolona alo me lavira ma Pitcairn Island, wa neira me
toga iake o tau 40 vcta. Neira me suware iragai we
aqaga ape ganagana liwoa,wa i Francis Nobbs me le ma-
\nasa ma o takele kau wo poa nagara we silsiliga, si
neira mulan ta malakalaka ape qon ilone.

St. BARNABAS.

Nina we log navanuanina a Norfolk Island, si St. Bar-
nabas, pa o manigiu iloko. We tuai, tama o tau 30
veta alo tau 1866, ira Bishop Patteson me nina ma iake
alo Southern Cross, wa ineia wa i Palmer tara ta Nor-
folk Island nirua, me van ma alo matesala liwoa nina
natanonina si a ilo o vanua iloke qara wol ti, wa si a
sike o tanoi we wia ta taur raka o ima aia; wa ilone ran
alo qonin Barnabas. 0 manigiu ilone iragai ta iake me
log navanuanina St. Barnabas.

Pa ilokenako iragai valvanua a England, a Australia,
a New Zealand me map o qo?i iloke tama si naqoninina,
wa neira we vugtuwale valvanua, we la o Ganarono wa
wo tataro ape nina, paso nan, we vugtuwale si a rono-
tag o roroi ape nina wa we vile sargag o som ape pirin
inina. Na?i me ge tamaike o tau we qoqo, pa alo Bishop
Selwyn qalo toga iake, ni mo nonom si we wia we ge
tamaike iake; si neira nol a Norfolk Island, a vug tuwale
wa a piri?i mun nor o tataro wa o alena, wa mo ge
tamaike o tau me mano qoqo veta.

Pa alo tau iloke gate vug tuwale alo tur qon, o ma-
nigiu naakanina gate kel tiqa ma, pa kamam me nerei
neira me toga maul i Siwo, si neira a kakakae mantag
mun kamam ape roroi nan tai a.

Nan me ge tamaike : iragai talo skul me vug ape
Tataro Matava tama valqon, paso nan, alo loa me
ta?i 8, ira ta Norfolk Island tara ragai nol tamen nina
me varagai veta me vug tuwale alo Ima we Rono.
Eke ragai! we wia ras we ilo o ima wc uravag o tanun,
o mereata wa o tavine we qoqo. Me qeteg mun o as
“ Manasag lo veve sul ” paso nan, o tataro ape Gana-
rono, wa me varono paso o bread wa o wino me sur o
as 109; “Te qalo nonom apetapeva.” Neira nol me la
o Ganaro??o tama 140 wun. Wa.o som me vile sargag
apena; £6 5s. 4d. Na?i mo paso o tataro, o sul nol me
vug alo ima ganagana. Me wosalag qet o tabel we
qoqo, wa me valakas mun o taWa s tangae, wa o sinaga
we qoqo apena, we wia ras we ilo. Pa me gana paso,
Archdeacon Palmer ma tavaraka me qeteg vavamuncira.
Ni me vet si ni we qaraqara ape we ilo neira we qoqo
me vug ma, pa we wia tamaine si a pultuwale ape ga-
gapalag we wia iloke we gaganag nalinan God mun
ragai qale loloqon i siwo, wa we pirin o takele Loglue
non Christ iloke. Paso nan, ni me vasogo luc nasasara
me pir'm alo tau ilone. Tuaniu me la o sinaga, tuaniu
o kau, tuaniu me mawmawui mamasa, tuaniu me vile
o som.

Paso nan, i Cullwick me tavaraka me vet si we wia
ira ta Norfolk Island a pulpul amen nina alo gagapalag
iloke, wa si te pirin inina, wa te pirin neira mulan. Wa
ni me gaganag ape tuan vanua wa si o tinegaro apena,
wa neira we gagapalag matakalava ape taur o Ima we
rono, tama a Merlav wa Motlav, si a gagapalag mun
God alolona. Wa ni me vet ape gopae ilone alo aka
me ge gorora nan wa vaatev o tuan vanua si a pirinira,
wa alo tau iloko mulan gate ronotag mantag ape tuan
vanua, pa a tavala Gaua we mamagarosa, wa mulan, si
nina we maros o tuan tanun we aqaga mulan si a
pirin.


Paso nan, i Robin me gaganag ape gagapalag a Tor-
res Islands. Wa si iragai a Lo me qet veta ma ilo
Loglue, wa neira ta T^gua we qoqo, tama o tavalin wun,
wa ira ta Bukabuka kel siwo we maros o linae, si irasei
te van lai si a vatogora, pa ira ta Hiw tagai tiqa, pa
rigrig wun neira mulan te maros mora.

Paso nan, i Welchman me gaganag ape Bugotu, wa
ape ni me van suar neira o gopae me qalo aneanera, wa
we qoqo me mate, wa ape neira nol me lolowono ane-
ane apena, na?i neira me map o qon ape garagara ma-
in asa wa ape tataro, neira me qeteg alo ravrav gai nina
o ravrav tavala maran, gate gana ilo, wa gate ima o sava
tea, wa neira me toga ape tataro mun God wa me vile-
vile o alena si a pirbi irasei we sea, wa God me rono-
tagira, wa ira gopae me qeteg wiawia nan o qon iloke,
wa o gopae me paso. Wa mulan ni me kakakae ape ni
me vaatev o tanun liwoa a uta, wa ni me ukeg taqai
mao reremera nirua ape skul o Siota.

* Paso nan, Doktor Metcalfe me tavaraka, me vet si
we wia o vugtuwale tamaike, ape neira we maros we
ronotag ape gagapalag iloke, wa we wia si neira nol a
pultuwale alo gagapalag mun God iloke we wia. Paso
nan, me sur o as “ Logwia God.”

0 Wotava.

May 11.—Natun Joseph tana Eliza Benere, o mereata
me wota. Me vasugrono alo Sunday, June 7, wa me
tin nasasana Coleridge.

0 Vile Tuwale.

July 2.—Samuel Sagler—Emily Roget. Archdeacon
Palmer me vile tuwale, wa i Rev. Walter Woser me
takele lag. I Samuel me van tuai ma, wa me pirin gal-
tag ti a Santa Cruz ape gagapalag aia. Ro Emily mu-
lan me toga maul iake, wa me vonog neia si a ilogoro ra
raalamala, wa norara o togara me wia gegese, wa me
pirpirin mantag o gagapalag ta iake.

VUS BOL.

Iragai ta Taun v. St. Barnabas Whit - Monday, 1896.
Taun.

(1) (2)

A. Quintal, b. Letahau 2 b. Letahau 19

W. Quintal b. Huquliqa c. Mia 1 b. Sagler 0

G. Adams b. Huquliqa 22 b. Sagler c. Gullwick 1

H. Menges b. Letahau c. Sagler 16 b. Letahau 2

Wal. Quintal b. Letahau 9 b. Letahau c. Sagler 9

F. Quintal b. Letahau c. Cullwick 8 b. Sagler 3

E. Christian b. Letahau G b. Letahau 0

T. Adams b. Letahau 0 b. Sagler 4

V. Christian b. Letahau 3 not out 0

J. Adams b. Letahau c. Tigwawah 1 b. Letahau 0

S. Nobbs not out 0 b. Sagler 0

Bye 2 Bye 1

70 39

St. Barnabas.

J. Cheeseman b. E. Christian 0 b. A. .Quintal 0

Tigwawah b. E. Christian 9 b. A. Quintal 6

S. Duni b. S. Nobbs c. E. Christian 10 h. F. Quintal 2

C. Letahau b. E. Christian 0 run out 13

Rev. T. C. Cullwick b. F. Quintal 16 b. A. Quintal 2

S. Sagler b. E. Christian 0 not out 2

J. Meneraw b. F. Quintal - 0 not out 1

Tarileo b. F. Quintal 2

N. Huquliqa b. F. Quintal c. Nobbs 8

M. Mia b. F. Quintal 0

11. Vekelona b. S. Nobbs 0

Probus b.-F. Quintal 2

A. Worow b. F. Quintal 0

Hugo Toki not out 0

Bye 3

50 26

NAAKANINA.

Me nina kel ma siwo alo Saturday June 13, wa ira
Brittain, Welchman, Robin wa P. Williams avunana.
0 aka me mule taso Auckland alo Monday, wa rara
Williams tana Ivens me mule, wa i Miss Farr mulan,
ni we vaatev kcl navanuana, wa i Miss Ivens mulan
me kel, wa ira we silsiliga ta Mala, me mule ma ti Fiji,
me kel mulan Fiji. 0 tinegaro apena amaira sia piri/i
alo vanuara, si avea a siwo, wa neira me kel nan o
vanua iloke mun o lolowono ran.

APE GAMOVA I SIWO.

Naakanina me tavaraka nan a Norfolk Island alo
April 9, wa me nina kel alo June 13. Metak-siwo ira
Bishop, Comins, Brittain, Browning, Wilson, Percy
Williams, wa Dr. Williams, wa Simon Qalges. 0 sul
o rereata wa o retavine gate qoqo aneane wa neira me
risa lai alo tano epa nan, wa o lan we wia apena, wa o
aka me valago mantag.

Alo April 15 me nina Raga, wa mo mule paso a ta-
kele Opa, a Lonana, me nina Maewo alo qon. Nan ti
tav o pei tama vagae; wa me tavaraka sin mule Mera-
lava. Me nina aia April 18, wa ira Bishop me mule
salilina, wa ni me varono o Ima we Rono, wa mevara-
gai neira aia. Alo qon ilone mulan me varakalo a
Merig, wa me varagai o tuaniu aia, qara mule siwo i
Mota. Me map ira Bishop aia alo Sunday, wa o aka
me mule me till o vat a Port Patteson. I Robert Pan-
tutun we gopa a Mota wa me lavia ilo aka sin tatale
siwo, pa i Wilson me toga galava aia. Me map paso
ira Cecilia Woser a Motalava, o aka me mule Rowa wa
Ureparapara. Me tul o vat aia wa i Bishop me map
Simon Qalges aia alo nagora sul si ni qeteg gagapalag
mun Bikon alo vatitnara.

Me nina suar i Robin a Vava wa me ronotag si ni me
esu mantag alo masaoi we tole ilone, wa me ilo mulan
i Forrest we esu mantag a Santa Cruz. I Bishop mo
map i Hr. Williams sin pirin aia. O aka me nina siwo
wa o roroi we wia gegese. 0 Ima we Rono we wia
aneane arivtag me paso a Ulawa, wa o Loglue a Saa
me toga wasawasa. Me nina a Siota, wa me ronotag
qaraqara si i Welchman we esu mantag, wa si me qeteg
mantag ran o vanua we garaqa ilone. Ilone nina te
varean God apena. Me map paso i Browning a Florida,
o aka me mule Bngotu, wa me kel ma me map irara
Bishop tana Comins a Siota. I Bishop me rionom si ni
te toga aia o vula tuwale, paso nan te mule kelkel, wa
we wia si nina a tataro apena si God a ilogoroa, wa si
ni esu mantag.

0 aka me kel ma wa me lav ma i Welchman tana
Robin, wa me map i Forrest a Sandwich si ni mule i
Sydney. I Percy Williams me kel mula?i ma. Me
map kel Robert Pantutun a Mota we ma no esu mantag
kel. I Brittain gate esu mantag alo aka me nina ineia
wa me lavia ma.

Alo we kelkel ma i kuk talo aka me risavag o gopae
o wik nirua veta, me mate alo tine lama wa me ukeg
naturiana ilo lama June 6.

Alo June 13 o aka me nina kel Norfolk Island.

TA NEW HEBRIDES.

Raga.—0 roroi ape vanua iloke qale v ia aneane.
Ira vatogo wa o sul nol we la o tinegaro ran ape liuan
God. Alo tau tuwale me qeteg o skul we garaqa 8, wa
ilokenake o skul nol aia 15. 0 ima mulan apena 3 we


•garaqa, neira me taur sia skul alolona, pa gate 'lai tiqa,
ape tanun tagai apena sin vatogo ineira. We tur wia
we ilo iragai me taur veta o linai we maros we pirin
ira loloqon, wa alo vanua 4 iragai we vatvatogo gate
toga ilo a Norfolk Island, pa me lolomaran gese alo
•vanuara. Neira tete vatogo mantag lai, pa we sasarita
ape qetegiu. Namonina sia varean God ape vanua
iloke, (1) ape sul we sike mantag o linai wa, (2) ape
ra. Vatogo me toga mantag gate veveg ilo isei.

Opa.—0 roroi we tatas tagai iakc. pa gate ilo si o
linegaro apena, si amaira Vatogo, si amen o sul ; wa o
inatca tagai. Pa me veveg o Vatogo tuwale a Aonana,
me map asaua nan o Loglue.

Maewo.—We wia gese iake, pa i Arthur Arudulewar
me mate a Tanrig. Ni me vatogo mantag o tau we
qoqo, ’ wa me toga mantag gese, wa te nonom apena
si God te lav lolowia ineia. 0 skul we garaqa tuwale
â– qara qeteg ti alo takelei arivtag Raga.

TA BANKS’ ISLANDS.

Merelava.—Alo aka me mule siwo i Bishop me va-
â– rono o Ima we Rono a Merelava. Neira me taur o ima
ilone o tau nirua veta, wa me taur mun o tinegaro wa
mun o nonomia tamaike; wa si ilone q tano togatoga
mun God, wa we wia si neira taur mantag aneane. Ra
Priest nivat wa o Dikon nirua me pirin Bishop ape o
varono, wa o sul me toga malakalaka apen God we ga-
gapalag pirin noro gagapalag, wa me varono ilone mun
o tano togatoga mon God. Me varono mun St. Stephen.
Me varono paso o ima, i Bishop me varagai 17.

Merig.—I Bishop me varono mulan o ima iake, wa
me varagai pul tol.

Gaua.—0 skul a Ver wa a Masevunu me pea galtag
ape i Vatogo tagai, pi ilokeuake i George Matogoro ta
Mota we togatoga a Masevunu.

A Lakona, a Leqat, me taur o Ima we Rono aia wa
te wosowoso o vat apena.

A Koru o skul me pea ape roroi we tatas pa gate
sike mantag tiqa apena.

Mota.—I Rev. R. P. Wilson we pirin galtag iake.
Ni we togatoga a val vanua skul waliog Mota, wa we
•ge aneane si a qeteg o tinegaro ape skul wa ape tataro.
C tanun tuwale o makali togara we wia amaia, me
mate, nasasana Rowosal, ineia ta Veveraw. Ni raeqet-
â– qeteg o as alo Ima we Rono, wa o tinegaro we poa apena
amaia.

TA TORRES ISLANDS.

Vava.—0 vanua nan iloke gate poa tama o tuan va-
nua amenina, wa o sul mulan gate qoqo aneane iloke-
nake tama we tuai, o manigiu me vile at ineira we tar
ape mawmawui a Queensland wa a Noumea. . A Toga,
a masao vanua nirua apena, we log si Tuqja wa Luwo-
Toga. A Tuqjn o sul gate maros ran o linae iloke;
neira qale vava maremare was tete qeteg lai o skul aia,
pa was te vus isei qe mule at sur neira sin vatogora.
Panava a Luwo-Toga neira we lolotitin apena. Gate
qeteg tiqa o skul.aia, o manigiu tagtagai isci apena sin
mule at sin vatogora. Pa me ukeg veta o tanun nirua
ape Norfolk Island. Ineira me wurvag taurmate veta
o vanua ape vanua skul, wa neira we vug matapura aia
val Sunday ; nan alo masao qon alo liwomaran, wa alo
ravrav, alo neira we nonom was ragai we tataro a Loh,
ineira we toga rorono we nonom ape neira. Wa alo
tuara qon neira me sua a Loh, me sike oreremera man-
tagai te kel amaira a Toga, sin vatogora o letus gap;
Ilone mulazi we wia ras.

A. Loh o skul nirua apena, tuara a lau, a Vipaka ;
tuara avune tauwe a Taratawe. William Wulenew i
moe Vatogo a Vipaka ; wa i Ernest Tughur a Taratawe.'
Nava ilokenake Ernest we toga galtag' a Tegua sin ilo-
goro o sknl aia, gai nina Christmas, sin vatira o linao
we wia amaira. 0 Ima we Rono, wa o ima ekulwe
wia gese alo vanua tatarua. Alo Sunday o sul nol we
vug tuwale a Vipaka ape skul, wa ape tataro alo liwo-
maran wa alo ravrav. Wa we vug qet aia alo qonira
Rono nan mulan. Alo Christmas tagai tiqa, alo. tau
1895 o gopae solorag me qalo ragai aia ; o gopae tama
ilone me qalo o sul a Norfolk Island. 0 tuaniu me
mate, wa amaira, i Nesta, rasoan William Wulenew.
Nan ira liwoa me gatogoro o oraora alo vanua nol a
Loh, me toga tamaine o week 3, we lolowono ape neia
me tagea nan neira. Pa we nun, te magarosa aneanera,
o manigiu ineia magesena, o tavine, me vatoga aia.
Alo Christmas me vasugrono o tanun 38. Alo Week
we Rono o sul me toga mautag aneane. Neira me ^a-
tapu matapura o week ilone, isei gate oraora. Pa me
tataro sea nan alo val qon wa o sul nol, me man as
mantag apena. Nan alo qon na Turian i Lord me risa
alo qarana, alo ravrav me vasugrono o tuan tanun, ira
poapoa 18. Kamam me qeteg o Easter mun o vasug-
ro??o ilone. Nan alo masao Easter o sul me wurvag o
noot.a avune Ima we Rono; me pasau mantag o qatu-
suna tafcaga ira ta Ulawa ; i Paul Tugemvin mevatanau
o sul apena.

T&gua- Alo vanua iloke o roroi gate wia aneane.
0 Vartilatila gap me ge raka o vilewora ; nan o sul me.
matikotiko aneane galtag apena. Pa me ge paso, wa
me pulpul mantag kel. Pa me vasugrono mulan aia
ira poapoa 44. Pa i Bishop me varagai o tuaniu mulan,
ineira 24. Ineira talo vanua iloke me taur o Ima we
Rono we wia ras. Neira meleo tinegaro apena. Neira
me qeteg we taur leas o ima skul mulan. Me ukeg ran
o suqe alo vanua iloke ; o tanun 4 si 5 wun qale toga,
ineira a tapai gap.

Iliw.—0 vanua iloke qale toga loloqon. Ineira wo
pulpul mantag amaira ta T^gua, panava ira liwoa me
vet nalinara was tete taur ran o linac iloke. Rigrig
wun o Vui te ge ris natoqara, neira qara mawui apena
tama ira ta Loh wa ira ta IVgua me mawui veta mora.

0 gene tuwale kamam nol we qaraqara apenn. Iloke,
was me ge paso o vilevile o tanun si a mule a Queens-
land, 0 sul talo vanua nan iloke me tapai aneane veta,
wa o moe manigiu ilone nan, me vilevile atura we tar.
Pa ilokenake me paso galtag, wa o sul te qeteg we qo-
qoqo raulan wun. Sowo, me paso ilonc, ra tasik. Ka-
mam ta Vava we lolowia kamiu nol talo vanua ?mn we
sea. Kamam we tataro apen kamiu : tur tataro momiu
apen kamam, o linae nan gate wia a pea ran, o tur
Linae ni maremare, ni tira galava.

TA SOLOMON ISLANDS.

Olevuga.—0 vanua Ravu me matiotiko ape me sorav
o vagalo, ineira tuaniu we nonom was me wur o tanun
liwoa ape qale loloqon.

Iragai ta iake me taur o Ima, we Rono we
garaqa. Me taur mantag aneane wa me valvalug
mantag o loloi. Te varono alo Qon Pentekost, wa te
tin o sasai tapena was ; “ 0 Ima we Rono mon o Vr.
we Rono.”

Alo Whit Monday o sul me gana tuwale, wa rerw
p; • vus o hoi si a pirin o malakalrka tope qo ;•

ilone.


SIOTA.

Kamam pul 20 o mereata, pul 3 ra tavine, pul 3 o
natmera me qeteg o vanua St. Luke’s, Siota. Gai uina o
aka kamam me toga alo kiala we lepa; alo aka me kel
sage kamam me sirig ilo ima Comius me taur ti vawo
vutvut. Ira ta Taun pul 4 me pirinia o vula nitol,
neira me ge o ima we poa, we tole o rova 5 wa me ta-
wela o rova 31. AValiog o ima nol o malu ima we ta-
wela o rova li. Kamam we ganagana, wa we skul
valqon alo maluima, o tuan reremera wo matur aia alo
qon. Ta wena aneane alo qo?r neira we toa kel ilo
ima. Kamam me togatoga qaraqara aia, wa o gaga-
palag tapari ape valqon tamaike : ti tan 6, kamam
we gana o biscuit 1, we un o tea, wa we tataro qatutui
alo maluima : 0.30 we qeteg mawmawui gai nina 9.30
qara paso. Loa 10, we gana mantag, 11 we tataro ma-
tava, 11.30 we skul gai nina 1.45 qara paso. Alo liwo-
maran o sul we rave iga si we oraora si o sava. Loa 6
k^uiam we ganagana ravrav, 7 we skul: 7.45 we tataro
ravrav ; 9 bell matur.

0 vula laveatea kamam me mawmawui vires ape
ima nan; ilone o moegene kamam me mawmawui ape-
na pa me tautaur o ima ta siwo we qoqo. 0 ima bout
2, o ima savasava 1, o ima sugsug 2, o nat ima 1, ima
tavine 1, o ima nam we poa 1, o ima Karpenter 1, 0

peara ima o nin 3 apena: tuwale ape panikin, tuwale
ape biscuit, rice, sugar wa o qoe, tuwale ape pei gopae.

Ape Iraa we Rono: ira ta Bugotu me taur o ima we
wia mun o an wa o noota, wra kamam me piri?i o qea
nun o irav. 0 Tabel we rono apena wa o siopa lil goro
we wia, Mrs. Comins me susur ti; pa itagai tea mulan
o sava. 0 tano putepute tagai, o tano buk tagai, o epa
tagai. Kamam me leas o tano putepute mun o bakus
irav ; me ge gap o tano buk tataro mun o takcle irav;
wa ro tavine nan me van o epa ape tano rono. Kamam
me vatira o turgae ape vaglala, we tole o rova 6. Ira
1 a Borom oli rae pith ' q • • ?-n a

0 kau mereata 1 ’ u tavine 1 alo geara; nagara

o valis gate sasarita ' bswwrn me tcve 0 valis we vanan-
ira va.lqou ; wu we t ••’••v miilan namara pei valvalqon.

Alo kiala obouJ ' .1 --v 0 aka nirua, tuwale mart-
tagai we sasarita a*. • 5, tuwale we poa we sasa-

nta ape tanun 12 K mam me mule vagae Boromob
a Gavntu si avea,

O • iP• .-.u- wc c w. v-2 qoqo apena, wa c iga,

ira fa Sieta me sib ;ke vagae alo meat; pa 0 tuaniu
• rb a me pa ere wc ■ alo qo??.

Rereata. Timothy Tawaki Mamvaga Tavine.

C-eorge Basile Ttaumate TTaamori Louisa Seka-

Harry Sarno Selo Lausaka Vido [havi

David Luaaro No&ioka Sutukepi Gaseika

Benjamin Sa^o Silas Rora . Hageria Natmera.

Tagraeita Nellie

Clement Saonigao Wauru Bella

Charlie

Alo vula rVpril o reremera nirua ta G'ela me van tuan ma
St. Luke’s. James Salmi tana Daniel Vuriagile ta Boli.

Rev. B B. Comjns, i moe ilogoro.

Rev. H, Welchman, me leas galtagia.

BUG 0TB.

0 luroi ta lake gate wni mautug, Ira tavulaloa mo
van ma me vus mate 0 tuan tanun ta Mode, wa 0 tuaniu
raulan ta Bta, qara toa. Isei gate gilala neira ta avea.

Vahoria. —Alo vula February o tanun luwalc ta Mavu
me vus nawono rasoana tana marauna 0 manigiu ilone
Monilaws Soga me vevegia me vureluea nan 0 vanua, ti
gatogoroa nan ni wa kel ma Bugotu. Ira sogona me
sese savrag naimana, me ge tagea natuqena.

Saile.—Alo tau iloke o sul me taur o Ima we Rono
we poa wa we wia. Amoa neira me tataro alo ima
skul, ilokenake neira me skul alo ima we tuai; te mo-
mogo lai God nake alo tur Imana.

Paliva.—We tuai veta o ima skul wa o Ima we Rono
alo vanua iloke, pa o Ima we Rono me qeteg mosiu neira
we taur o ima we garaqa. Tama vagae o sul iake we
le o tinegaro ape gene nan non God.

APE TORETORE.

0 vavae iloko me rave sin vatanau ira Vatogo ape-
to retore. Valvanua i neira we toretore mun o sul val
Sunday wa alo qo?i we Rono n&n mulan, wa amora si a
nonom apena si we mava aneano wa si a sike sia tore-
tore mantag. Te nonom apena si namon God me ilo-
raka wa me suware ineira apena, wa o vavae ilone
namon Isaia to tira apena, Gate ranora we lulum wo
gaganag o Lea we wia tape tamata we gaganag o Lea
we wia ape mataigene nan ! (lii, 7.)

We toreiore mun o sul o manigiu o gene nitol—(1>
si a gaganag o Lea we wia, (2) si a ge lolomaranira, (3>
si a pirinira ape togara we wia. Gate tama si me ka-
kae gap, pa te vavava vagae mun o nonomia ilone.

Si qe map isei ape torctore namona sin sike mantag
o takclo Ravcrave wo Rono ni te vava apena, Wa to
sike gaplot alo gate noga tiqa, wa si o qon ta qoqo goro
te qara vava lue we wia. Te nonom amoa ape takele
Raverave we Rono we tira ape val Sunday, wa si we
sasarita apena te iloraka ta lolona, pa si qe nonom ape
sul si we ava ape sava, wa*si o sava we qalora wa we
ge lolowoua ineira we neira we sike sia toga nasur kel,
to sike o vavae we sasarita apena.

Me iloraka paso te tataro ran apena si God a ukeg
ma sia nonom vaglala ape vavae. Paso nan si o buk
tetea apena me rave ti alolona alo me toga a Norfolk
Island, tama si o Vasasa na?&, si o Vavae tenegag nan,
si o Rave Sargag, te vasogo sikesike o vavae te pirin ap«
takcle me iloraka ti. We wia ran sin ilogoro mantag o
raverave wa?i tamaine si ta apena tea; si qe siko vaga*
alolona te ilo vaglala si we pirin mantag lai. Pa o ta-
nun we qoqo mo rave mantag a Norfolk Island, pa alo
we kel siwo gate nonom ilo apena, wa o buk te tatas U
tagea gaplot.

Te vasogo qet paso, te sike o nonomia we wia
sasarita apena si a ge lolomaran wa si a pirin o sul;
paso nan te taur o takele pepa wa te rave apeua. Ilone
nipea ava apena. Nipea nonom si te lai mantag si qo
tete rave taurmute, si ta nonom vires apena. Alo we
toretore o nonomia tuaniu te tagea we te popolotag.
Tete vet apena sia rave val vavae ran, pa sia aseg o no-
nomia nan, wa a rave o qetegiu nan. Te aseg ilo tavaliu
nitol o nonomia ape takele vavae, (1) si namonsei mo
rave si me vava, si alo sava qon, si aio masaoi wc savai,
(2) si o sava o nonomia alolona, wa mo ilo gasavai o
vaglala alolona, (3) si we vatanau tamavea o tanun ape
non o togara, si ni ge o sava apena. Te vilewora ta-
maine alo we rave, paso nan, tc rave tama si te lai, ta
tole si te qatutui. Iloke te rave ape o makaliu, sin ilo
vaglala nia.

GOD 0 TAPEVA.— 1 John iv, 16.

1. Namon John me rave—neia nan Jesus me tapea- -me gi-
lala mantag apena—mo rave aneane apena.

2. We gaganag ape matevun God—si we savai Ineia, si ni

we nonom tamavea ape tanun We ilo vaglala apena

i. Ape val sogov nun.

ii. Ape wc ilogoro o tanun anana nan.

iii. Ape me ukeg Jesus ma.

3. Namora o tanun 7&an sia tataga, sia tape lneia, wa sia
vartapetape ineira kel.